سخونة جنوط العجل بدرجة شديدة

**uhlphp** · 05-09-2008 12:45 AM

السلام عليكم ورحمة الله وبركاتة
وكل عام وانتم بخير بالشهر الكريم

منذ فترة لاحظت ان جنوط العجل الامامية والخلفية احياناً تسخن بعضها بدرجة شديدة لدرجة ان الشحم ساح من السخونة وكان عامل اثار رش زيت على الجنط والتجويف الداخلى للعجل والبعض بدرجة متوسطة وخاصة الامامية فهل سبب هذه السخونة تيل الفرامل ام بلى العجل علماً انى لاحظت هذه السخونة جداً وانا مسافر وكانت الحمولة ذائدة فى السيارة .
فارجو التكرم بشرح نظام عمل الفرامل وجميع الاسباب التى تودى الى سخونى الجنوط

**ابوشريف** · 05-09-2008 12:52 AM

ياريت تذكر نوع عربيتك

**uhlphp** · 05-09-2008 01:51 AM

السيارة مازدا 323 هاتش باك موديل 81

**ابوشريف** · 05-09-2008 02:11 AM

لو السخونه سببها بلى العجل اكيد حتسمع صوت خشونه مع السرعه

بالنسبه لسخونة العجل فى الغالب بيكون سببها التيل قافش بسبب بستم العجل احيانا بيكون داخله تراب بسبب انقطاع جلدة الحمايه الخارجيه

شوف ميكانيكى كويس يفك العجله اللى بتسخن ويفحص بستم الفرامل

**hamada132** · 06-09-2008 05:29 AM

اتاكد من العجله الى بتسخن لو كلهم نفس السخونه يبقى خلاص مش تيل

**MohabSaeed** · 06-09-2008 06:12 AM

فى حل بسيط .. ممكن ترفع العربيه و تلف العجل بايدك ... لو العجل قافش او مش بيتحرك بحريه يبقى تيل الفرامل
لو العجل مش بيتحرك بحريه مع خشونه يبقى بلى
و ديها عن ميكانيكى و هو حيحدد المشكله .

**mohamed ibiza** · 06-09-2008 09:24 AM

زي ما الاخوة قالولك بظبط و مش لازم حتي ترفع العربية و تلف الفردة بأيدك لو في صوت خشونة مستمرة و بيعلي يوم عن يوم يبقي بلي عجل ادام و دول حلهم تروح لعفشجي هيرفع العربية و هيفك الركبة و يطلعلك الصرتين تاخدهم و تطلع علي خراط و معاك البلي الجديد هينطر البلي القديم من الصرة و يكبسلك الجديد و ساعات في عفشجية بيبقي عندهم المكنة بتاعت النطر و الكبس بس قليل اوي اوي

**uhlphp** · 07-09-2008 07:58 PM

انا متشكر جداً على الرد والمساعدة
المشكلة دى بدات عندما كنت مسافر وفى الطريق لاحظت ريحة شياط من العجلة اليمين الخلفية وجدت ميكانيكى على الطريق وقال ان البلية قافشة ومفيش شحم ولذلك لازم تسخن غير البلية وغسل العجلة وشحمها ومنذ حوالى شهر كنت غيرت بلى العجلة الشمال فقط ولكن الان الاحظ ان العجلتين الامامين بعد اى مشوار سخنين جداً بعد ذلك روحت للميكانيكى وقال هايغير كاوتش البستم فى العجلتين لان البستم مبيرجعش مكانة وبيفضل محمل على العجل المهم عملتهم ولكن الاحظ بعض السخونة لسة شديدة جداً ولاكن ازيد من العجلتين الخلفيين فهل هذا طبيعى بسبب احتكاك التيل مع العجل اثناء الفرامل الشديدة بسبب تاكل التيل وضعف الفرامل او كثرة استخدام الفرامل اثناء المناطق الزحمة .
ارجو الرد على هذا الموضوع بكل جوانبة لانى خايف يحصل حاجة فى مرة بسبب السخونية ده

**uhlphp** · 10-09-2008 07:47 PM

الاخوة الاعضاء انا نش عارف لية لما حد بيرد على مشاركة ما بيكملش التحاور فى الموضوع عشان نقدر نستفيد من خبراتهم السابقة وحد غيرنا لما يكون عندة نفس المشكلة يقدر يتابع الموضوع ويستفيد منه