طلب تسعير الانترا ٢٠١٢

**Nashaat Rady** · 24-08-2013 04:52 AM

السلام عليكم....
يا رب تكونوا جميعكم بخير في ظل هذه الظروف الكاكاااا...

انا بافكر أبيع و لكن لسا متردد...

وكنت عايزك تساعدوني في تسعير العربية:

النترا ٢٠١٢.
الفئة قبل الأخيرة.
١٦ الف كيلومتر.
فابريكا الحمد لله، خدشين بساط جداً في العربية.
الكماليات غير الأساسية:
جنوط ١٦، كاوتش ٢٠٥
Abs
بلوتووث و aux و USB
حساسات مطر و شبورة
حساس ركن خلفي - نازل مع العربية مش متركب-
٢ اير باج
تكييف تاتش مزدوج التحكم

يا ريت تساعدوني في تسعير العربية عشان اقدر اخد قرار....

الصراحة بافكر في الكورولا الجديدة:)

**Nashaat Rady** · 24-08-2013 12:21 PM

المشاركة الأصلية كتبت بواسطة prooo

اعتقد ممكن 130000 ده اقل سعر امما ممكن حضرتك تعرضها ب 135000 وانت وشطارتك بس خللي بالك دلوقتي موديل 2014 هينزل والحق كمان عشان في خصم على 2013 ....... والله اعلم ....... انا من 4 شهور كنت هشتري واحدة نفس الفئة اللي مع حضرتك بالظبط لونها اسود فبريكة بره وجوه بالكامل ب 135000 وكان لسه في كلام وكانت غالية كمان ...... بس كانت ماشية 10000 كيلو بس

قليل أوي .... مش أبيع طبعاً، احبيبتي يا الانترا.
شكرًا لمرورك الكريم، بس مش كده الكلام أبداً، ده انت خضتني يا راجل

**carfreak92** · 24-08-2013 07:21 PM

فى واحد فوقى كاتب الف جنيه لكل الف كيلو ازاى يعنى ؟؟؟؟ كلامك يضحك ومش منطقى يعنى انا جبت عربية زيرو مو السنة ب 160000 مشيت بيها 60000 يبقى تمن العربية 100000 :d

**h_moga** · 25-08-2013 12:28 AM

المشاركة الأصلية كتبت بواسطة ashturbo

بس ياسيدي أنت بتقول حالة العربية كويسة وماشية كيلو قليل يبقى تشوف الفئة دي تعملها كام دلوقتي جديد وتخصم الأستعمال بتاعك وفي الغالب ألف جنيه لكل ألف كيلو ونزلك شوية كمان لو عاوز تبيع بسرعة يعني لو عربيتي تمنها دلوقتي 150 ألف وانا ماشي بيها 20 ألف هأبيعها ب 130 ولو عاوز الحكاية تمشي بسرعة هنخليها 120-125 حسب مانا مستعجل .

جامده الحسبة دي.......أنا هنا في السعودية جايب اكورد ماشية 200 ألف.....أعتقد صاحبها المفروض يدفعلي فلوس

يا باشا لو بتتحسب كده كنا كلنا فصلنا العداد وخلناها زيرو علي طول.....هناك عوامل أخرى.....الانتشار وسعر السوق وقطع الغيار والحالة العامة للسيارة .....إالخ

**Nashaat Rady** · 25-08-2013 12:38 AM

مع احترامي و تقديري لمشاركتكم الكريمة، رجاء الالتزام بعنوان الموضوع و البعد عن النقض اللاذع لانه لن يفيدني و لن يفيد غيري بشئ...
انا ممكن بمنتهي البساطة ارفع سماعة التليفون و اعرف سعرها جديدة بكام و ممكن اعرضها للبيع علي كونتاكت و اسمع حايجيلي فيها كام....... لكن انا قلت فرصة ارجع بيها المنتدي و أكلم ناس حلوة ما كلمتهاش من فترة و أوفر علي نفسي وجع دماغ التليفونات و خصوصاً اني احب اسمع رأيكم و كمان قرار البيع مش نهائي نظرا لظروف البلد و كثرة العرض عن المطلوب....
شكرا لتفهمكم

**Mohab.Nabil** · 26-08-2013 04:05 AM

طيب هى سعرها جديد كام ؟

**Rsarabia** · 26-08-2013 01:30 PM

عربية حضرتك حاليا تعمل جديدة حوالى 165 - 170
هى هتلعب فى حدود 150 - 155 الف مستعملة
هتبيع طبعا لشخص عادى مش لمعرض
لو معرض هيقولك 140 و هو هيبيعها ب 155 :)