الموضوع: عايز اسافر تركيا سياحة

المشاركة الأصلية كتبت بواسطة أحمد كمال

موجود في الامارات من زمان

هي كمان موجوده فى أغلبية الدول الأوروبيه . بس أن بتكلم عمتاً . إن تركيا فيها التطور الأوروبي في المعيشه ومراعاة حقوق الإنسان. وأكيد طبعا الإمارات هايله . وفي أماكن كتير .

أنا بس كنت بطمئن صاحب الموضوع إن تركيا امان , والظروف المعيشيه والتكلفه فيها متوسطه . ومقبوله من أكتر الناس . والواحد بيحلم إنه يشوف مصر بالشكل ده .

الواحد نفسه يشوف تعامل بمى يرضى الله من التجار وعدم إستغلال الظروف السيئه لمعظم الناس لزيادة أرباحه .
نفسه يشوف البلد فيها نظام محترم للمواصلات والمرور والأمن والنظافه . وظروف معيشيه محترمه . وتعليم يليق بالمواطنين
نفسه يشوف إن المواطن ليه حق وغير مهان ورأيه يعتد به .حاجات كتير أوي الواحد نفسه بلده يبقا فيها الكلام ده ..

موقع مصر الإستراتيجي, ووجودها علي بحرين ووجود قناة السويس بها . والموارد الطبيعيه المكتشفه والغير مكتشفه .. يتيح إمكانية تحويل مصر من وضعها الحالي لجعلها من أكبر وأهم الدول فى العالم .

بس للأسف العدل غاب عننا . وبعض منا فقد إنسانيته ورحمته . وتحولت البلد لغابه ,

ربنا يتولانا برحمته .