المطار و الشوشرة

**mustafavet** · 24-08-2013 06:38 PM

السلام عليكم
انا يا جماعة مسافر بره وصفيت شغلي وراجع
المشكله بقي اني هنزل بفلوسي وهي اقل من الحد اللي المطار عامله بكتير يعني اقل من 10 الاف دولار
بس ظروف البلد متطمنش انهم ممكن يقفشوا عليا او يعملوا حركة مش ظريفة
ايه الحل ومحدش يقلي حولهم عن طريق بنك لان البنك بياخد نسبة كبيرة من التحويل دا غير خصم فلوس نتيجة لقفل الحساب في البلد اللي انا فيها
انا راجع ان شاء الله الاسبوع القادم وقلقان جدا من الموضوع دا
منتظر الرد

**walidzakzok** · 24-08-2013 06:57 PM

انت لو حولت الفلوس على حساب بالدولار هنا مش هايتخصم 150 جنيه ويمكن نصهم كمان
اما شغل الفهلوة بتاع المصريين الي بيعملوه انهم ينزلوا بمبالغ كبيرة معاهم.... اولا انت معرض للسرقة او النشل او انهم يضيعوا منك او انك لا قدر الله يحصلك اغماء ويتقلبوا منك او انك تتقلب على الطريق وانت راجع من المطار

وفي النهاية محدش بيعجبه غير دماغه هههههه

**mustafavet** · 24-08-2013 07:10 PM

يا سيدي انا لا فهلوي ولا حاجه
انا بسال علشان معرفش
ثانيا انا مليش حساب بالدولار في مصر اساسا

**DreAmO** · 24-08-2013 07:25 PM

اعتقد احسن تصرف افضلهم واسلمهم

انك تتوجه للسفاره المصريه في البلد اللي انت فيها .. وتطلب منهم المساعده او النصيحه

واعتقد ممكن تحولهم لنفسك عن طريق ويسترن يونيون .. اتصل بويسترن يونيون واعرف التفاصيل .

وممكن تحولهم من اي بنك عندك على اي بنك في مصر عن طريق خدمة السويفت كود .. ودي مش بتحتاج حساب بنكي .. اتصل بالبنوك عندك واعرف التفاصيل واقل عموله تحويل

**walidzakzok** · 24-08-2013 08:04 PM

المشاركة الأصلية كتبت بواسطة mustafavet

يا سيدي انا لا فهلوي ولا حاجه
انا بسال علشان معرفش
ثانيا انا مليش حساب بالدولار في مصر اساسا

انا مش باتريق عليك لا سمح الله بس انت فكرتني بواحد كنت اعرفه كان بينزل ب 20 الف دولار حاططهم فى المحفظة

طيب فى حالة انك معندكش حساب دولاري اسال فى البنك الاهلي الكول سنتر لو عايز تبعت حوالة دولارية هل ينفع والا لا وكام المصاريف

**walidzakzok** · 24-08-2013 08:09 PM

ويستيرن يونيون مصاريفه اعلى كتير من البنك

**homme49** · 24-08-2013 08:31 PM

لى صديق نزل الشهر الماضى من السعودية و نصحته أن لا يحمل نقود معه و هو قادم لمصر نظرا للظروف الخاصة بالإنفلات الأمنى و قام بتحويل من بنك الراجحى إلى بنك مصر بمبلغ 7000 دولار أمريكى و فد خصم بنك مصر من المبلغ ما قيمته 14 دولار نعم أربعة عشر دولار فقط أى ما يوازى 2 فى الألف
لا أأعلم ما قا به بنك الراجحى من الخصم نظير إصدار الحوالة المصرفيه من طرفه
و مبلغ الحوالة وصل بنك مصر فى يومين عمل - إعمل حسابك لو قمت بالتحويل من السعودية يوم خميس لا تنتظر أن تصل الحوالة لمصر قبل يوم الأحد
و لا يشترط أن يكون لك حساب فى بنك مصر = مجرد حوالة مصرفية بإسم المستفيد رباعى و تصرف من أى فرع من فروع بنك مصر المنتشرة بالجمهورية

**sayed911** · 24-08-2013 08:56 PM

اعملهم حوالة على البنك الأهلي المصري بإسم اي حد في مصر تضمنه بالإسم الثلاثي بيتخصم 3 دولار على العملية كلها انا محول 4000 دولار واصليني 3997 دولار بالضبط اعتقد 3 دولار رقم مقبول جدا كتحويل ومش محتاجين حساب بنكي اصلا يا فندم

**KemozTanta** · 24-08-2013 09:20 PM

ألناس قبلي قالوا المفيد وزيادة .. حوالة بنكية بأسم والدتك او اى شخص علي البنك الاهلي المصري ومش محتاج يكون ليك حساب دولار .. أأمن وافضل وارخص من الويسترن ( 50 دولار في الالف ) او انك تمشي بيهم في البلد اليومين دول او المطار يعمل افتكاسة ملهاش لازمة ويعطلك لاي سبب..

**mustafavet** · 24-08-2013 10:43 PM

شكرا جزيلا علي ردودكم
طيب يا جماعة انا في جنوب افريقيا ومش ليا حساب هنا خالص
هل افتح حساب ولا احول ازاي؟
معلش انا خام خالص في موضوع الحسابات دا
انا معنديش مانع ني ادفع بس يكون مبلغ معقول

الموضوع: المطار و الشوشرة

LinkBack

أدوات الموضوع

عرض

-

-

-

-

-

-

المواضيع المتشابهه

ماهى طريقة تركيب مانع الشوشرة على كاسيت العربيه؟؟؟

المطار القديم

مشكلة الشوشرة فى الراديو؟؟

إزاى أركـــب جهــاز الكوندنسر اللي بيمنع الذبذبة و الشوشرة الراديـــو

الكلمات الدلالية لهذا الموضوع

المفضلات

المفضلات

ضوابط المشاركة