الف سلامة عليك يا غالي معلش متزعلش نفسك ! انا عاجز عن الكلام والله ! ربنا يسترها معانا و يرحمنا برحمته !
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
صباح الفل عليكم
كل سنه وحضراتكم طيبين وعيد سعيد عليكم
العيد السنه دي بالنسبالي كان مختلف جداااااااا
بدل ما بقضيه نوم وانتخه
قضيته بلطجه واقسام وحرق دم
اسمعوا الحكايه وركزوا
يوم الخميس اول ايام العيد الساعه 7 الصبح قاعد مانتخ علي النت ومقضيها شات وبراوسينج وبعيد علي الناس
سمعت ناس بتزعق في الشارع وصوت ازاز بيتكسر
طلعت لقيت المنظر ده
وعيل ماسك سيف ومبرشم وعمال يخبط بيه علي العربيات اللي واقفه في الشارع
هو بيخبط علي شنط العربيات بس ملقاش شنطه في عربيتي فراح ضاربلي الازاز
قعدت ازعق وهو عمال يشتم ولا حاسس بالدنيا والناس عماله تتفرج عليه
واتخن ما فيهم بيقوله عيب كده (ميتين ام سلبيه الناس)
روحت نازل عامله محضر واخدت ابن عمي معايا
رجعت من القسم لقيته واقف يشوحلي بالسيف وبيقولي مش عملت محضر
انا حرجعلك تاني
المهم نمت علي 2 الضهر وصحيت 8
شويه وسمعت صوت دوشه في الشارع
وواحد صاحبه جاي ماسك سيف وعمال يشتم في اللي بيقفوا في الشارع
لو تفتكروا كنت اتكلمت كام مره علي العيال الغريبه اللي بتقف تحشش في المنطقه ومقضينها صياعه
المهم روحت طالع مزعقله قالي مش انت عملت محضر
انا حكسرهالك ولو شوفتك في الشارع حضربك سكينه
روحت نازل مكمل المحضر واخدت ابن عمي معايا برضه
لقيت امي بتتصل بيا وبتقولي العيال جم كسروا العربيه تاني وعاوزين يكسروا باب الشارع ويطلعولها
بعتت ابن عمي علي البيت علي ما اكمل المحضر لان بطاقتي معاهم
( ابن عمي اصلا اكبر مني قلبه ميت بس ربنا هداه من زمان وسافر بره ورجع وجاب اصحابه ومعارفه من عتاه الاجرام بس محدش عمل حاجه وحقولكم ليه في الاخر )
المهم كملت المحضر وكنت كلمت اصحابي
وعلي ما رجعت علي البيت كانت العيال دي مشيت ووالدتي اتصلت بالنجده
ولقيت اخي العزيز مهندس مصطفي مهران واخوه محمود واقفين مع ابن عمي عند البيت عندي
ربنا يباركلهم ويحميهم ويخليهم ليا
شويه ولقينا العيال راجعين تاني وبيهددوني اني لو كملت المحضر حيدخلوني المستشفي
وابن عمي ومصطفي واخوه واقفين يكلموهم براحه بس العيال مبرشمين ومش حاسين بالدنيا
وبرضه كانو يقدروا يضربوهم بالنار بس لمينا الموضوع واتكلمنا براحه للاخر وبرضه في الاخر حقولكم ليه
شويه وهما واقفين معانا جت معاينه من القسم بناء علي بلاغ النجده اللي امي عملته راحت العيال جاريه
ورجعت انا ومصطفي علي القسم وابن عمي ومحمود اخو مصطفي فضلوا واقفين عند البيت علشان لو العيال رجعت
خلصنا المحضر ورجعنا وقفنا في الشارعوالظابط جه ورانا بالبوكس وعمل معاينه ومشي وقالي اقتله وهاهتولي لو جالك تاني ومش حتاخد فيه ربع ساعه
وجالنا ناس اصحاب ابن عمي الواحد فيهم ياكل منطقه لوحده
وجالي ناس تانيين
كل واحد فيهم بتليفون يحرق منطقه كامله
المهم علي الساعه 1 او 2 باليل كده الناس روحت وطلعت البيت واصحابي اخدوا العربيه معاهم حطوها في حته بعيد عن البيت علشان العيال مترجعش تولع فيها
علي 4 الفجر لقيت الواد جاي يحشش تاني تحت البيت وواقف عملت نفسي ولا شوفته
وخلص اول يوم
وكله واحنا بنتكلم براحه واللي كان بيسخن علي العيال بنمسكه ونهديه براحه
=======================================
تاني يوم الصبح محصلتش حاجه
نزلت المحل علي الساعه 4 كده و الجو عادي
لقيت امي بتصل بيا الساعه 6 بتقولي الواد رجع وقف تحت البيت وعمال يشتم
فجيت انا وواحد صاحبي اللي انا شغال معاه في محله دلوقتي (لاني قفلت محلي وغيرت المكان للي ميعرفوش)
وواحد سواق معانا اخدنا في التاكسي بتاعه
نزلت لقيت الشارع فاضي والواد واقف في اخره وبيركب موتوسيكل ورا واحد تاني وحيمشي
روحت جاري عليه وقولتله خد ياد يا %%^%#^#
راح نازلي من علي الموتوسيكل وشاتمني وبيفتح مطواه وداخل عليا
روحت مطلع المسدس وضارب طلقه في الهوا
ومنشن علي دماغه
فبدا يرجع لورا وانا منشن علي دماغه برضه وعمال اسب للشارع كله اللي مفيهوش راجل
وانها لو كملت كده يبقي نلبس طرح احسن
(انا حكولي بعد كده اللي قولته انا مش فاكر انا قولت ايه ولا عملت ايه )
المهم
كريم صاحبي لقيته اخد الواد تحت باطه ومشي بيه
وشويه وجوز اختي نزل وراح وراهم وانا عمال اقولهم خلوكم هنا محدش يتكلم معاهم وانا حضربه بالنار
وفعليا انا كنت ناول اضربه بالنار في دماغه وقلبه وحمثل بجثه امه في الشارع علشان يبقي عبره
شويه ولقيت كريم بيتصل بيا قالي نلم الدور والراجل عاوز ييجي يصالحك ويبوس علي راسك ويعتذر للحاجه قدام الناس ويبوس جزمتها
قولتله والعربيه يدفع تمنها
قالي العربيه انا حعملها علي حسابي
قولتله لا ياعم مينفعش
قالي اسمع مني الكلام انا عارف انا بقول ايه
قولتله طيب لما اهدي نتكلم
شويه ولقيته جايبه وجاي وقالي شوف ايه يرضيك وراح الواد بايس علي راسي ووقف يعتذر لامي في نص الشارع
قولتله انا لسه مش مرضي
انا عاوز العيال اللي بتحشش دي وتبرشم متقفش هنا تاني
قالولي حاضر وجزء منهم كان واقف في صفي لانهم شايفين انه حقي بعد اللي حصللي بسببهم
بس
وخلص الموضوع ودا شرح باختصار فيه تفاضيل كتير مش عارف احكيها او ارتبها بس ممكن افتكرها بعد كده
فيه حاجات لازم الناس تاخد بالها منها بقي في الحوارات دي
- اللي منعني ومنع الناس عن البلطجه واننا ندبح العيال دي مع انه في ايدنا فعلا
ان الخناقه تحت بيتي
يعني بتسيب امك ومراتك وعيالك واخواتك في البيت وساهل اوي ان حد ينتقم منك او يضايقهم
- اخو مصطفي حسسني اني ايام الثوره كنت ببيع مسدسات ميه مش سلاح (معلش يا ديشه بسيحلك )
لاني اخدت منه مسدسه لان المسدسين الي عندي واحد كان عطلان والتاني صوت مش بيقتل ولا يتعدل
ولما روحت القسم ورجعت لقيته جايب شنطه سلاح احتياطي
- كان في ايدنا نضرب خرطوش وحي ونولع في العيال دي
بس زي ما قولتلكم العيال دي موراهاش حاجه غير الشر ودا كان من اهم اسباب الصلح
- حسيب شغلي واقعد في بيتي شبه فيلم تيتو كده
مخزن سلاح وقاعد اقابل الهجمات اللي جايه تنتقم لاصحابهم
واللي حيجيلي النهارده من معارفي مش حيجيلي بكره لانه ممكن يكون بعيد او نايم او مش فاضي
وممكن ميلحقش ييجي لان العيال دي بتهجم في دقايق وتجري
- ازاز العربيه الي اتكسر بتمن يومين رشاوي في القسم لاني في يوم واحد دافع حوالي 150 جنيه رشاوي
-متعطل عن شغلي يومين وامي عايشه في رعب
===================================
الدروس المستفاده بقي
الشرطه ايدك منها والارض نوعا ما مش اوي برضه هما ضعاف بس بيحاولوا يعملوا اللي عليهم
- اهم درس لازم الناس تعرف انك تملك قوه ضاربه وانك مش اهبل ولا عبيط وان طيبتك مش من فراغ
انما سكوتك لانك مستحرم تقتل بني ادم
- جارك لو شافك بتتقتل حيطلع الموبايل ويصور ويفرج اصحابه علي الصور
او حيقف ورا الشباك يتفرج ويلبس طرحه
بجد اهم حاجه
ضبط النفس ثم ضبط النفس ثم ضبط النفس
متتهورش الا وانت حاسب خطواتك كويس اوي وعارف نتيجتها خصوصا لو في مكان انت معروف فيه
لو طلع عليك بلطجي في شارع بعيد عنك اقتله ودوس عليه وامشي ولا يهمك
انما عند بيتك او مكان شغلك
حذاااااااااااري
ممكن تتغفل اي وقت وتتضرب مطواه في ضهرك وانت ماشي
واهم من كل اللي فات ده
وزي ما قال سواقين التكاتك وضحكنا عليهم
يا بخت اللي صاحبه راجل
انا كنت واقف مش هاممني حاجه ولا حاسس اني لوحدي حتي وانا لوحدي في البيت
لاني اصحابي رجاله
ربنا يكرمهم ويقدرني وارد جمايلهم
ودا كان العيد بتاعي بكل اختصار ((:
ومنجيلكوش في حاجه وحشه
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 49341
تاريخ التسجيل : 09Oct2009
المشاركات : 2,135
النوع : ذكر
الاقامة : Alex
السيارة: !
السيارة[2]: Cerato
دراجة بخارية: no
الحالة :
الف سلامة عليك يا غالي معلش متزعلش نفسك ! انا عاجز عن الكلام والله ! ربنا يسترها معانا و يرحمنا برحمته !
رقم العضوية : 117054
تاريخ التسجيل : 24Nov2011
المشاركات : 1,807
النوع : ذكر
الاقامة : Sheraton :D
السيارة: isA Soon
السيارة[2]: Nissan Sunny 2003 Ex Salon
دراجة بخارية: NEVER
الحالة :
قول الحمدلله وقدر الله ما شاء فعل ..... وكويس ان الموضوع متطورش عن كده والواد اعتذر ...
حمدلله على سلامتك وسلامة اهلك كلهم يا قرصان
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 392
تاريخ التسجيل : 01May2007
المشاركات : 741
النوع : ذكر
الاقامة : Cairo
السيارة: Lanos
السيارة[2]: Lancer
دراجة بخارية: ..................
الحالة :
الحمد لله انها عدت علي خير
و ربنا يبارك في الرجالة الي كانوا جنبك
و يا رب البلد دي تنضف محدش عارف ازاي بس بنقول يا رب
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
عين العقل يا شنوري .. وزي ما بتقول لو في منطقة غريبة أو محدش يعرفك فيها يبقى أعمل اللي أنت عاوزه وأمشي من غير ما حد يعرف مكانك .. إنما المشكلة أنهم عارفين المكان وكل شوية ممكن ينطولك ودول أقصى أمانيهم أن الحجز يلمهم ويبقى كمان وسام شرف اتضاف ليهم .
القوي ليس بالصرعة ولكن القوي من تمالك نفسه عند الغضب .
أهم حاجة أن العيال دي اتعمل معاهم لقطة .. وبعد كدة مش حيقربولك .
Life's too Short for the Wrong Job
ziabassem سابقا
رقم العضوية : 392
تاريخ التسجيل : 01May2007
المشاركات : 741
النوع : ذكر
الاقامة : Cairo
السيارة: Lanos
السيارة[2]: Lancer
دراجة بخارية: ..................
الحالة :
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
الجميل ان كريم صاحبي قالي انا حصلحلك العربيه
وكريم منير اتصل بيا وعرض عليا يصلحها برضه
ههههههههههههههههههه
بس الاتنين عاوزين يغيرولي الازاز محدش جاب سيره السمكره ولا انه يرشها ((:
فحصلحها انا وامري لله ههههههه
ربنا يباركلي فيهم ويخليهم ليا
احبايبي اكيموهين
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
المفضلات