وبدات مشاكل التكييف في اوبل استرا ٢٠١٣

**karim gamal** · 24-08-2013 07:17 PM

النهارده كنت مسافر بالعربيه وفي نص الطريق قررت اشغل التكييف ؛؛ لقيت التكييف علي سرعه المروحه الاولي بيدخل يدوبك نسمه هوا خفيفه ولما ازود المروحه الاقي هواء سخن اوي داخل مش ساقع انا شغلت التكييف قبل كده مرتين تلاته وكان زي الفل معرفش ايه اللي حصل ،العربيه مكملتش لسه الفين كيلو ؛؛كنت متعصب جدا علشان اللي حصل ،، كمان علي السرعه الاولي بسمعً زي الفريون ماشي في ماسوره ،، العربيه انا فرحان بيها جدا بس حاجات بتعكنن علي الواحد؛؛ يا تري ايه الاي حصل ،، انا رايحلهم الصيانه الاسبوع ده اعمل صيانه الاربع شهور واشوف في ايييه

**cosmo** · 24-08-2013 07:23 PM

طب حضرتك كنت مدخل هوا من برة ولا قافل الدورة

**Lifz_Good** · 24-08-2013 07:47 PM

فلتر التكييف يا باشا

**karim gamal** · 24-08-2013 08:49 PM

مره قفلت دوره التبريد ،، ولما عملتو اوتو هوا فتح الدوره لواحده ،، هوا مفروض ايه الصح؟

**janagabr** · 24-08-2013 09:10 PM

الف سلامه ان شاء الله تكون حاجة بسيطةهو في حوار ان كل ما تدور العربية لازم تدوس علي الزرار بتاع غلق الهواء اللي هتلاقيه اخر زرار تحت شمال ( مش متاكد من مكانه بالضبط ) عشان ميدخلش الهواء السخن عليك لانك في كل تدويرة لازم تشغله والا هيدخل عليك الهواء السخن
عند تشغيل التكيف انا بتاكد من ثلاثه زراير شغاله منوره زرار المروحه اللي هو سته سرعات وزرار غلق الهواء اللي بره والزرار اللي فوقه واستنا شويه عقبال متدخل هواء سائع لان درجه واحد ضعيفه علي الجو ده
موضوع صوت المواسير ده انا مبسمعوش
انا ماستنتش علي العربيه بمجرد ما استلمتها وانا مشغل التكيف وكان الصيف لسه مجاش وكنا في الخريف وبشغله بالليل عشان معرفش امشي والزجاج مفتوح
ربنا معاك