السلام عليكم اولا انا ان شاء الله ناوى اشترى البيجو ال 301 و استخرت ربنا السبب الرئيسى فى تفكيرى فى البيجو السعر المتوفر لدى اقصى مبلغ 136 الف فطبعا مافيش فى السعر ده غير البيجو 301 و الريو وانا بصراحة ميال للبيجو اكتر لان الريو فى السعر ده مش هاى لاين بس عندى شويه ملاحظات مضيقانى شويه فى البيجو بعد لما اتفرجت عليها و ركبت فيها اولا مافيش اضاءة فى الصالون فى الجزء الخلفى ثانيا مكان زرار المفاتيح للزجاج الخلفى مش عاجبنى اوى و ثالث حاجة لما شوفت العربية فى الشارع و هى ماشية حاسس انها كنزة شويه من الخلف يعنى مش عريضة من الخلف مقارنة بوشها الجامد اللى يحسسك بقوة البيجو مش عارف وفى ناش كمان مخوفانى من تكيفها مع السحب وبيصقع كويس ولا لاء ياريت يا جماعة الناس اللى ركبت العربية يقولولى رايهم ايه فى الملاحظات دى و معلشى انا اسف طولت عليكم