الموضوع: تفكير جاد لشراء بيجو 301 ولكن يوجد لدى ملاحظات عليها مش عجبانى شويه

بالتأكيد هى في فئة صغيرة ، فلازم يتم التنازل عن بعض الحاجات ، في مقابل انك واخد اسااسيات جامدة جدا وسعر ممتاز

شاسيه وموتور وعفشة ولا كلمة
ثبات مش هتلاقيه في الرينج ده خالص
فرامل ممتازة وجميع وسائل الامان وايموبلايزر
شكل حلو
صاج جامد جدا
اوبشن ممتاز ، خصوصا الهايلاين

بيتهيألى دول اهم حاجات تدور عليهم في عربية ، وهى وفرت كل ده ، عايز فوق ده يبقى اكيد لازم تنقل لفئة اعلى وتشوف الـ 508 مثلا ..


بالنسبة لشكلها من ورا ما عجبنيش برضه وهى واقفة ، ولكن لما شفتها في الشارع وهى ماشية عجبتنى

موضوع انها كنزة ، هى عريضة جدا بالارقام ومن جوة واسعة جدا وعريضة ، الشكل عينك هتاخد عليه بعد كدة ، خصوصا لما العربية تنتشر ، هتبقى مألوفة جدا ، وهى بالفعل بدأت بالانتشار



اللى مكنش عاجبنى فيها برضه الخامات ، حسيتها اقل من اسم بيجو او عربية اوروبى ، بس لما شفتها تانى خدت عليها وهى مش سيئة ولا حاجة ، بلاستيك بس كويس وطبعا زي ما قلنا مش هينفع بالسعر ده نوفر كل حاجة في العربية ، وبما اننا خدنا اساسايات ممتازة يبقى العربية صفقة رابحة بالسعر ده ..

انا زيك بالظبط لسة هحجز العربية وحاليا بدور عليها في المعارض (مانيوال)

انت معاك حق فى ان بالثمن ده فعلا مش حاينفع تلاقى كل اللى انت عايزوه فى العربية وده مسئلة اراء فعلا بتختلف من زاحد للتانى ممكن ناس تانية تبقى الملاحظات ده عادية و هى فعلا حاجات مش اساسية تزعل فى العربية انا عارف ان اهم حاجة و سائل الامان و التكييف و باقى الاساسيات اللى انت قولت عليها بس تكيفها ايه نظامه كويس و لا ايه وهى فعلا العربية من جوه معاك انها واسعة طبعا و عائلية بس انا بقول مش عريضة كشكل فقط مش اكتر

ما جربتش تكييفها ولا سوقتها للاسف ونفسى اجربها قبل ما احجز بس مش عارف

انا شفتها وقعدت فيها بس ، وقعدتها كنت مريحة جدا وواسعة وعالية

انا معايا واحد فى الشغل معايا و لسهة جايبها بس مش معايا فى نفس الفرع هو من القاهرة اصل انا من اسكندرية بس لما كلمته عليها كان عامل بيها حوالى 4000 كيلو و بيشكر فيها جدا بس مسالتوش عل تكيفها حاسال كده يا باشا و حاقوللك

الناس هنا برضه شكرت جدا فيها وفي التكييف وكل حاجة
شوف المواضيع دى

http://www.nilemotors.net/Nile/372502-301.html

http://www.nilemotors.net/Nile/360546-301-100-a.html

http://www.nilemotors.net/Nile/369153-301.html

http://www.nilemotors.net/Nile/370918-301.html

انا محتار كمان يا باشا بين 3 الوان بالترتيب كده البترولى ثم الشامبيين ثم الفضى ولسه بفكر انت ناوى على لون ايه و يا ترى العربية عندكم سعرها كام انا فى اسكندرية الهاى لاين 136 و استلام فى حدود شهرين