الموضوع: طريقة فك تلاجة تكييف فيكترا بى2

المشاركة الأصلية كتبت بواسطة amr_650

ربنا يخليك يا ايمن بية .. بس تخيل بعد كل دة اكتشف ان الكمبريسور ضغطو ضعيف ... يعنى شغال زى الفل و لا فى تسريب و لا حاجة . بس مش بيسقع .

و فى الحالة دى قدامى 3 حلول. اما انى اجيب واحد بتاع دايو نوبيرا و افكو او اجيب واحد استيراد بتاع الاوبل و فى كلتا الحالتين دى مخاطرة كبيرة لان ممكن التنين يكونو زى الفل بس ضغطهم واطى و يحصل نفس الحوار و ابقى كدة رميت فلوس على الارض .

الحل الاخير انى اجيب واحد جديد بيكون فى حدود ال 1800 الى 2500 .. يعنى عشان اصلح التكيف اكون صرفت فوق ل 5000 و نص كدة ..

اولع فى نفسى و لا اية رئيك

عمرو باشا ان رائي تجيب كمبروسر بتاع النوبيرا وتركبه على قاعدة الكمبروسر بتاعك وهتبقى التكلفة رخيصة ومش مخاطرة وان شاء الله يطلع قوى بس جيبه على التجربة ولو فيه حاجة هتخسر بس ثمن الفريون واصبر انا لسة بقول علي جبل ولااييييييييييه وبالتوفيق ان شاء الله وتحياتى لحضرتك

ربنا يعينك في موضوعك
بلاش فكرة فك التابلوة انا حاولت افكة وماعرفتش بسبب الكهربا
طريقة الفك حتي توقفت
1:فك الكنسولة كاملة بحتتين الفبر يمين وشمال الي بيغطو التلاجة
2:حتفك درج التابلوة
3:حتفك لوحة العدادات وجميع الهوايات ودرج التخزين
ملحوظة طريقة سهلة لفك الهوايات بلاش موضوع المفك العادة او انك تشد الريش لبرة
كل الي حتعملة حتقفل بوابة الهوايا من البكرة حدخل مفك من الفتحة الثالثة من فوق ويكون معاك كشاف
حتشوف المسمار فكة براحتك وبعد لما تشيل الهوايا افتح البوابة وطلع المسمار وانطر الهوايا من الداخل علشان التركيب بعد كدة
4:حتفك كاوتش البيبان حتلائي مسامير وراهم m8
5:اصعب حاجة بئا وهيا المسامير المحملة التابلوة من الاعلي ودي بتكون موجودة اسفل الهوايا العلوية
بيكونو حوالي 5 مسامير m8
المشكلة في الهوايا علشان تفكها لازم تفك الزجاج الامامي
ولو فكيت الزجاج الامامي خلي بالك الهوايا راكبة بكلبسات ومتحمصة من الشمس حتتكسر منك خليك هادي جدااااا
6:بعد كدة حتلائي التابلوة حر خالص في ايدك بس المشكلة في حاجتين صاعبين جداااا
1:مواسير الهوايات البلاستك مدككة في التابلوة الي تفكة اعرف مكانة
2:وهنا كانت محطة الوقوف بالنسبالي معرفتش اكمل وهيا دفيرة العربية مدككة بشكل معقد داخل التابلوة عاوزة واحد
رفيع جداا ينام علي ظهرة ويفك الكلبسات ولاكن مش حتعرف تطلع التابلوة غير لما كهربائي نظيف
يفك الكهربا بتاعت علبة الفيوزات علشان تعرف تخرج التابلوة وطبعا دي تضحية كبيرة جدااااااااااا
ومن هنا ركبت كل حاجة تاني