بص يا سيدي انا واحد زيك نفسي اركبها و سبتني من الناس و رحت سألت رجاله القسم عشان هما ملاكها
الرجاله بتشكر فيها اوي وقطع غيارها بقت متوفره من الفرنساوي للتياواني واسعارها ممكن تكون في رينج اللانسر بتاعتك و موضوع الكويلات ده اشتغاله لو انت مركب الاصلي حيعيش معاك دخلت في صناعه تانيه غير الاصلي يبقى استحمل زيها زي اي عربيه لما تركبلها قطعه غيار مضروبه وموديل 2005 و 2006 منصحكش بيه لانه كانت فيه مشاكل في الفتيس (نتشه ظاهره على الاول والتاني بس) بس التوكيل كان بينزل سوفت وير جديد للفتيس ببلاش اثناء الضمان للي ضهرت عنده النتشه وممكن تعرفها ديه من التوكيل اذا كانت عملوها في العربيه ديه ولا لأ فأنا انصحك ب 2007 وانت طالع عشان على الاقل الشكل الجديد
وبالنسبه للكشف زيها زي اي عربيه لو استريحت ليها اوووي روح بيها التوكل حتدفع 550 جنيه ويطلعلك القطط الفطسانه لان توكيلها قوي و فاهم فيها بس خلي بالك القطعه اللي حالتها تحت 70% بيعتبرها واجبه التغيير و يطلعلك كرتها من عنده لو تم تغير اي شئ فيها
موفق في الشراء انا كمان بحب العربيه ديه وحاسس اني من ملاكها بس من غيرها ويارب اكون افادتك
المفضلات