الموضوع: اخوكم من قسم المتسوبيشي ومحتاج نصحتكم لوجه الله

السلام عليكم
اخوكم من قسم المتسوبيشي ومحتاج نصحتكم لوجه الله
انا معاي لانسر بومه 2007 هاف اسبورت
وكان نفسي قبلها اركب الميجان والناس كلها خوفتني منها عشان خاطر كم التكنولوجيا اللي بعتبرها فعلا من افضل العربيات الموجوده بالسوق

اخويا باع عربيته وبندور الان علي عربيه ليه وادمي دلوقتي ميجان 2005 كامله مانيوال
انا بصراحه مابعرف الكماليات بتاعت الميجان بس هو قالي انه جايبها من السعوديه ورشه بعض الاجزاء من الخارج
المفروض ايه اللي اشوفه وانا بكشف علي العربيه ووممكن اكشف عليها فين وموضوع انها منوال ده مريحني جدااا بس القصه ان قطع الغيار اخبارها ايه واللي اعرفه انها بتضرب كويلات كل فتره بالله عليكم ياريت حد ينصحني اجيب الميجان ولا ادروله علي لانسر زي اللي معاي وخلاص ولا انزل من الانسر واركب ميجان وهحس بفرق للاعلي ولا لاء

من وجهة نظرى الميجان ممتازة بس الانسر اعتماديه اكتر وصيانتها طبعاً اسهل وقطع غيارها متوافره بشكل اكبر ويمكن صيانتها فى اى مكان فى مصر سواء فى القاهرة او اى محافظة بعكس الميجان حيث لا يتوافر من يفهما غير فى صقر قريش او حرفين السلام والمراكز مثل فرينش موتورز والميكانيكيون العرب عند السندباد وفى جسر السويس وخارج القاهره صعب تصليحها
اما فى اعادة البيع اللانسر مجرد ماتنوى تلاقى اللى يشترى فى وقتها اما الميجان صعب شويه عايزه صبر والا تخسر كتير
فى الاخر الامر يرجعلك الميجان حلوه جداً لو غاويها اوى وتبقى حاله ممتازه وكيلومتر قليل وتكشف فى التوكيل
والا خليك فى الانسر لو عايز تبقى فى الامان ولاتنسى الاستخارة وانتظر اراء خبراء القسم وربنا يوفقك للى فيه الخير