الموضوع: تحويل نظام العادم من مخرج واحد الى مخرجين في الفيكترا سي

المشاركة الأصلية كتبت بواسطة saddam

حضرتك عايز تخليه مخرجين جنب بعض يعني ماسورتين مجوز ولا كل ماسورة.في حته وهل إنت عاوزها للمنظر ولا لتزويد القوة الحصانية علما إن القوة الحصانية المتوقع تلاقيها بعد التعديل مش محسوسة أوبالنسبة لتعديل منظر فقط فده موضوع بسيط أي بتاع شكمانات شاطر ييجي ﻵخر علبة ومن هناك يطلع ماسورة تانية ويلحمهالك كويس وحياخد أقل من 200 جنيه وتجيب إنت حليتين ضخمتين من التوفيقية شبه بعض على زوقك حتكلفك 95 جنيه الوحدة وتركب
أما تزويد الهورس باور فالقضية مختلفة وحتغير الشكمان من اﻷول للآخر لأنك حتكبر قطر المواسير وتعديل في مخارج الفرن ومحتاجة قياسات وحد شاطر مش أي كلام وحتتكلف في حدود 1400 جنيه تقريبا وبالتوفيق

شكرا لرد حضرتك الوافي بس انا كنت عايز اعمله للسببين تزويد القوة الحصانية و الشكل ايضا و كنت عايز كل ماسورة في حتة يعني مسورة في الجنب اللمين لوحدها و ماسورة في الجنب الشمال لوحدها و ممكن تشوف حضرتك الامثلة اللي في الموقع فانا بسأل سؤال هو لو هجيب مواسير اوسع من اول الموتور لأخر العربية و طبعا هيكون مسورتين عشان مخرجين مختلفين هل هعدل حاجة بما انه خارج ماسورة واحدة بس ووثانيا هل في اي ضرر في الموضوع على العربية و لو هجيبه جاهز زي اللي في الموقع و لا في تعديلات تانية ؟ معلش طولت شوية بس كنت عايز حد يفيدني في الموضوع و الف شكر لك