الموضوع: طلب تعديل موتور bmw e30 3500cc

المشاركة الأصلية كتبت بواسطة احمد شوقي

السلام عليكم ورحمه الله وبركاته
طلب من خبراء التعديل
سؤالي عن موتور bmw 3500cc
هل ممكن يتعدل يوصل ل400 او 500 حصان للدرفت
وممكن تكون تكلفته كام
ولو الموتور ده مش يقدر ايه تاني في مواتير البي ام السته سلندر تنفع
وشكرا للجميع

بص يا باشا قدامك حل من 2

الاول تشوف الموتور ال 46 بتاع ال x5 موديل 2000 او موتور Mpower كده ظريف

هتلاقى نفسك مش عايز الارقام الكبيره دى

انت ممكن موتور 25 اسود مع كرونه سريعه متعرفش تتحكم فى العربيه

التكلفه دى لو السيستم الاول هيبقى من 20 ل 30 ألف

ولو السيستم التانى يبقى من 6 ل 8 الاف جنيه اقصى حاجه

عندك بقا الحل التانى

موتور 1jz او 2jz بتوع ال toyota supra المواتير دى twin turbo

الموتور الاول بيدى 300 حصان و التانى بيدى 350 حصان

لو chip ظريفه هتلاقى الكلام وصل ل 400 ولو توربينه اكبر هتلاقى نفسك وصلت ل 650 حصان

التكلفه من 30 ل 50 الف و ممكن تزيد لو هتكبر التوربينه

ساعتها مش هتعرف تتحكم فى العربيه و هتقول ياريتنى كنت حطيت حاجه 25 بكرونه سريعه و خلاص

و للعلم فى الحالتين هتتنفخ بنزين

تحياتى

^_^

اي 3500 بدون Forced Induction اقصى قدرة ليه في حدود 300 حصان تزيد او تقل قليلا( طبعا المواتير الحديثة- القديم من 200-250 حصان)

عشان تقرب من ال 400 حصان ممكن تركب سوبر تشارجر صغير علي المكنة الاستوك
انما لو عاوز تكسر ال 400 - 500 حصان، يبقى لازم تيربو وبوست عالي وهتحتاج معاه تعدل في المكنة بساتم و connecting rod وسبيكة وكرنك عشان يستحمل البوست الجديد۔

المشاركة الأصلية كتبت بواسطة احمد شوقي

يعني انا دلوقتي سمعت كلام كتير في الاول مهندس سامح قال تربو وبس
وبعد كده الاخ احمد ايهاب قال كذا حاجه بس انا مش فهمت هو يقصد ايه بالتحديد
والاخ ام قال كلام اخر
ممكن حد يوضح
وياريت يااخ احمد ايهاب تقول الموتور 2jz بالفتيس ال6 غيار عاوزه يوصل من 400 الى 500 حصان يكلفني كام في مصر
وعلى فكره انا بجهز العربيه دي للرد بل فياريت حد يفيدني بخبره
شكرا للجميع

سعر الموتور 25 ألف لحد ما بيدخل مصر و التعديلات اللى هتعملها علشان توصله للرقم اللى بتقول عليه مش اقل من 20 ألف عليهم و طقم دسك و اسطوانه و فولام ب 9000 جنيه يعنى الموتور ده لو دخل مصر هيكلفك لحد ما يدور من 50 ل 60 ألف

من رأيي الشخصى ابعد عنه علشان مصاريفه كتير و صيانته هتبقى صعبه و غاليه

خليك فى اى موتور Mpower معدى ال 300 حصان و خلاص

و اعمل حسابك فى الحالتين هتحط 95 مع رافع اوكتان لان الانضغاط بتاع ال Mpower معدى ال 11 يعنى التفويله بتاعتك هتبقى ب 360 جنيه

ربنا معاك و ان شاء الله توصل للى انت عايزه

^_^

المشاركة الأصلية كتبت بواسطة احمد شوقي

نفس المشكله مواتير ال mصيانتها مش سهله في مصر
وغاليه برده

يبقى خلاص خليك فى ال 28 مع تتوينه حلوه كده

او 35 بردو مع تتوينه حلوه

هتلاقى نفسك بتقول كويس انى متسرعتش و اشتريت مواتير خرب البيوت دى

^_^