ما هو الفرق بين الافيو المصري و الكوري؟؟

**CBR** · 07-09-2008 08:09 AM

1-افيو هاف اوبشن ودى الاوبشن الى فيها (تكيف -بور -كاست ) ودى سعرها 73000
2-افيو Ls ودى فول اوبشن ودى الى فى منها مصرى وكورىودى الاوبشن بتاعتها (تكيف -سنتر -بور-كاست-زجاج كهرباء (امامى )-كنبه قابله للطى -لمبه تحذير الفرامل - ضبط تدريجى لاضائه التابلوه
سعر المصرى 76000 اما الكورى موديل 2009 ب80000 والفرق الوحيد هو التقفيل وطبعا يستسن الكورى علشان انت عارف طبعا المصريين مش بيعرفو يعملو حاجه وثانيا كل السيارات الى متافله فى مصر لازم يكون 40% من مكوناتها مصرى حسب قانون الصناعه المصرى اما لكورى كل مكوناتها كورى 100%
اما بالنسبه للضمان المصرى 3سنوات او 100.000 كيلو
اما الكورى 3 سنوات او 60.000 كيلو

م ل

**tutankhamoun** · 07-09-2008 09:10 AM

أنا ركبت الأفيو المصري كتير
مع واحد صاحبي

تقفيلها ممتاز ............ يا جماعة بلاش نعيب على حاجة ما شونفنهاش بعينينا

أفيو مش معمولة تحت السلم
دي إنتاج شركة جنرال موتورز مصر
اللي الأوبل فيكترا فيها كانت بتأخد جوايز أحسن عربية بتتجمع في العالم كله ( من مصانع جنرال موتورز ) لمدة ثلاثة سنوات تقريبا
يعني مش مصنع كفتة
ده مصنع عالمي ............. و محترم و منتجاته محترمة جدا

الأفيو المصري ممتازة و ده اللي أنا شوفته بعيني و جربته و مع صاحبي بقالها أكتر من 5 شهور بدون أي مشاكل تُذكر
غير أنه بيقول إن التكييف مش قوي

ياريت أصحاب الأفيو يفيدونا في الموضوع ده

**Moh** · 07-09-2008 01:26 PM

انا معايا الأفيو المصري ، وتقفيلها أنا راضي عنه ، ومش شايف فرق عن الكوري ، دي مجرد سمعة وأحكام مسبقة ، واللي خد الكوري خد أوبش اقل بسعر أعلي إعتمادا على سمعة بدون أساس من الصحة .

**shady_elkady** · 08-09-2008 10:57 AM

الفروق بالتفصيل(كاملة مانيول)
1-الدهان بيترش فى مصنع اكتور-كورى100%
2-الكراسى تاكى سفنج و موبيكا تافيل -كورى100% ++1
3-الشكمان ابو اليذيد اكتوبر-كورى 100%
4-ضفيرة الكهرباء مصرى -كورى 100%
5-الراداتير تقفيل العلبتين الالمونيوم بمصنع باكتوبر -كورى 100%
6-المريات مريات كهرباء-عادية
انا معايا المصرى بس شايف ان الكورى افضل للاسباب دة اولا الدهان مش بقول الدهان المصرى وحش بس فية شوية عيوب مش اى حد هيلحظها زى الحروف بتاعة الرفارف هتلاقى الدهان فى تسيل بسيط اكيد الكورى افضل الكراسى و دة مهمة اوى فرق كبير بين سفنج تاكى و السفنج الكورى الكورى ناعمة اكتر كتير

**tutankhamoun** · 08-09-2008 11:02 AM

المشاركة الأصلية كتبت بواسطة shady_elkady

الفروق بالتفصيل(كاملة مانيول)
1-الدهان بيترش فى مصنع اكتور-كورى100%
2-الكراسى تاكى سفنج و موبيكا تافيل -كورى100% ++1
3-الشكمان ابو اليذيد اكتوبر-كورى 100%
4-ضفيرة الكهرباء مصرى -كورى 100%
5-الراداتير تقفيل العلبتين الالمونيوم بمصنع باكتوبر -كورى 100%
6-المريات مريات كهرباء-عادية
انا معايا المصرى بس شايف ان الكورى افضل للاسباب دة اولا الدهان مش بقول الدهان المصرى وحش بس فية شوية عيوب مش اى حد هيلحظها زى الحروف بتاعة الرفارف هتلاقى الدهان فى تسيل بسيط اكيد الكورى افضل الكراسى و دة مهمة اوى فرق كبير بين سفنج تاكى و السفنج الكورى الكورى ناعمة اكتر كتير

أنا شوفت الأثنين ...... الكوري و المصري
الأثنين كويسين و مفيش فروق جوهرية
و على فكرة مصنع جنرال موتورز مصنع محترم و عمره ما هايركب قطع تجميع في السيارة أي كلام
مصنع أبو اليزيد من أفضل المصانع اللي بتعمل شكمانات و بيعملوا شكمانات لبي إم كمان و مرسيدس
و بالنسبة للفرش بتاع الأفيو المصري كويس قوي و مريح
رأيي
إن الفرق 2000 جنيه الزيادة في الكوري و بكماليات أقل و ضمان أقل
ما يستاهلش خالص

و اللي عايز يشتري المصري
أقدر و بعون الله أقول
أشتري الأفيو المصري لو عاجباك و حط في بطنك بطيخة صيفي إن شاء الله

**mahamedaraby** · 08-09-2008 11:10 AM

انا نفسى ثقافه التجميع المصرى عن العربيات دى تتغير

ليه اى عربيه تجميع مصرى وحشه ما زى ما توت بيقول ان مصنع جنرال موتور اللى فى مصر اخد جايزه عن افضل تجميع فى العالم لمده تلات سنوات اكيد ما جتش من فراغ

انا لو مكانك اشترى المصرى طبعا ضمان اعلى امكانيات اعلى سعر اقل

مش محتاجه كلام

**mahmoudhegazy** · 08-09-2008 04:56 PM

شكرا علي الردود و المعلوملت دي كلها ..

**aymanaly2002** · 09-09-2008 11:37 AM

الموضوع الفرق بين الكوري والمصري:

- المريات في المصري كهربا الكوري لاء
- التحكم في اضاءة التابلوة في المصري بس
- بس لازم تكون عارف ان الكوري بتبقي 100% كوري انما المصري لازم يدخل فيها 20% خامات مصرية
- يعني مفيش فرق بالعكس المصري اكتر في الامكانيات .