غيار الزيت للسيارات الجديدة

**mohamed10salah** · 19-10-2013 07:59 PM

أنا معايا أفيو 2010 عامله 60000 كم واللى كانت معاه كان بيحط شل الأصفر !!!
عاوز اغير لزيت مناسب يحافظ على الماتور ، سمعت انه يفضل إستخدام زيت شل الأزرق أم زيت أخر وذلك لعدم إستخدامى للعربية بكثرة ، وهل يفضل عمل غسيل للماتور قبل تغيير الزيت
وشكرا
وكل عام والمنتدى بخير

**vip74** · 19-10-2013 09:56 PM

المشاركة الأصلية كتبت بواسطة karim_monir

عربية زيرو ازاي تحطلها زيت نص معدني او زيت معدني
زيت معدني اللي بيقولو علية 3 الاف
زيت نص تخليقي بيقولو عليه 5
زيت تخليقي اللي بيقولو علية 10 الاف

اولا ماينفعش نهائي تحط في عربيتك زيت اقل من تخليقي ولحد ما العربية تعمل 100 الف كم على الاقل نشوف بعدها هاتستعمل نص تخليقي ولا تكمل تخليقي

ماتقولش معاييش فلوس لنه ب 300 جنيه او مش هامشي بيه كتير لان صلاحية اي زيت ما تزيدش عن فترة سنة او 14 شهر بالكتير قوي حتي لو ممشيتش بيه ولا كيلو

نوع الزيت بلاش تحط موبيل الله يكرمك ده ازبل زيت ممكن تشوفوه في حياتك
انا شخصيا بحط زيوت مستورد مش معبأة في مصر
بحط وولف وبحط زادو وكنت بحط فالفولين وكنت بحط كاسترول وشيل ايام ما كانو تعبئة اربي
هات وولف او زادو وببعتو الزيت دليفري لحد عندك في القاهرة ببلاش تقريبا وفي اي محاظة ب 10 جنيه تقريبا والاتنين ممتازين
وانت قديم معانا يا استاذ مسعد اقرا في الزيت شوية :-)

تم تحويل الموضوع ليكون استشارات عن الزيوت للسيارات الجديدة
من فضلك اكتب الاتي قبل وضع استفسارك
ماركة السيارة والموديل
سنة الصنة
عداد الكيلومتر
نوع الزيت اللي بتحطة الماركة والنوع
لكي يسهل علي الرد في اجابة واحدة
تحياتي
كريم منير

تسلم ايدك معلومات قيمة جدا

**gmslem** · 19-10-2013 11:22 PM

السلام عليكم ورحمة الله وبركاته

كل عام وكل المنتدى بخيرررررررررر ........ مع خالص الشكر للباشمهندس كريم - الكريم ؛ والكريم يُغري كرمه دائما -

بصراحة موضوع الزيت طلع حكاية كبيرة جداااا هنا في مصر وانا اصلا ماكنتش واخد بالي .... - رغم اني كنت في قلب اوربا ؛ لكن هناك كنت بغير عند الوكيل المحترم للسيارة -

المهم انا هنا عندي 2 عربية الاولى صني 2009

والثانية فيرنا 2011 عداد 87 الف كيلو مانيوال استخدام داخل مدينة اسيوط ....

السؤال هو ما هو الزيت المناسب لها و كذلك الفلتر و ياريت رقم موبيلهم وانا اطلب منهم ..... ؟؟؟

علما بان الفيرنا كنت باحط لها شل اصفر وانزله على 2500 الي 3000 كيلو و استخدامها داخل المدينة .....

برجاء يهمنى هدوء صوت الموتور .

بصراحة عاجز عن الشكر .

.......... شكراااااااا جزيلاااااااااااااا

**mohamed10salah** · 19-10-2013 11:43 PM

أنا معايا أفيو 2010 عامله 60000 كم واللى كانت معاه كان بيحط شل الأصفر !!!
عاوز اغير لزيت مناسب يحافظ على الماتور ، سمعت انه يفضل إستخدام زيت شل الأزرق أم زيت أخر وذلك لعدم إستخدامى للعربية بكثرة ، وهل يفضل عمل غسيل للماتور قبل تغيير الزيت
وشكرا
وكل عام والمنتدى بخير

أيهما أفضل زيت زادو ام وولف!
مع العلم انه اخر تغييرين شل الأصفر

**Wolf Oil Egypt** · 20-10-2013 11:07 AM

المشاركة الأصلية كتبت بواسطة mohamed10salah

أنا معايا أفيو 2010 عامله 60000 كم واللى كانت معاه كان بيحط شل الأصفر !!!
عاوز اغير لزيت مناسب يحافظ على الماتور ، سمعت انه يفضل إستخدام زيت شل الأزرق أم زيت أخر وذلك لعدم إستخدامى للعربية بكثرة ، وهل يفضل عمل غسيل للماتور قبل تغيير الزيت
وشكرا
وكل عام والمنتدى بخير

الزيت المناسب لعربيتك من زيوت وولف VitalTech 5W40 C3 و ده بيتغير كل 10000كم و يفضل فعلاً عمل غسيل للموتور قبل استخدام الزيت التخليقي

**mohamed10salah** · 21-10-2013 12:25 AM

وكل عام والمنتدى بخير

**halika76** · 26-10-2013 02:04 AM

السلام عليكم ...
أنا غيرت زيت OfficialTech 5W30 C3 لعربية بومه 1300cc ماشية 55000 كيلو وغيرت كمان زيت الفتيس الاوتوماتيك من wolf حسب ما رشحولى ... الكلام ده بقالوا شهر ...

المشكلة إنى من وقت ما غيرت الزيت صوت الموتور بقى عالى نسبياً بالنسبة لصوته الطبيعى ... لدرجه إنى بسمع صوت الموتور بيعلى مع ضغطة دواسة البنزين برفق وبدون كيك داون ... قولت أستنى كام يوم ... ولسه الصوت زى ما هو ... قولت إعمل سفرية فى العيد ... ورجعت برضوا الصوت زى ما هو ... يا ترى ده طبيعى ولا فيه إيه

تاريخ تغيير الزيت للسيارة موبل وان 10000 كيلو

**Wolf Oil Egypt** · 27-10-2013 09:57 AM

المشاركة الأصلية كتبت بواسطة halika76

السلام عليكم ...
أنا غيرت زيت officialtech 5w30 c3 لعربية بومه 1300cc ماشية 55000 كيلو وغيرت كمان زيت الفتيس الاوتوماتيك من wolf حسب ما رشحولى ... الكلام ده بقالوا شهر ...

المشكلة إنى من وقت ما غيرت الزيت صوت الموتور بقى عالى نسبياً بالنسبة لصوته الطبيعى ... لدرجه إنى بسمع صوت الموتور بيعلى مع ضغطة دواسة البنزين برفق وبدون كيك داون ... قولت أستنى كام يوم ... ولسه الصوت زى ما هو ... قولت إعمل سفرية فى العيد ... ورجعت برضوا الصوت زى ما هو ... يا ترى ده طبيعى ولا فيه إيه

تاريخ تغيير الزيت للسيارة موبل وان 10000 كيلو

ممكن نسأل حضرتك كام سؤال عشان نعرف نساعد حضرتك:
١) العربية عاملة كام ألف من ساعة ما غيرت الزيت؟
٢) بالكشف علي مستوي الزيت، هل لقيت الزيت نقص؟ و لو نقص، قد ايه تقريباً؟
٣) هل عداد الحرارة عندك مظبوط ولا ملاحظ أن درجة الحرارة أعلي من المعدل الطبيعي؟
٤)آخر مرة كشفت علي أو غيرت مياه التبريد كان أمتي؟

-

الموضوع: غيار الزيت للسيارات الجديدة

LinkBack

أدوات الموضوع

عرض

-

-

-

المواضيع المتشابهه

اسرار اللوحات المعدنية الجديدة للسيارات

أسرار اللوحات المعدنية الجديدة للسيارات

الخدوش وطبقة الشمع للسيارات الجديدة

حد يعرف كمية الزيت المستهلك اللى بينزل عند غيار الزيت

المصرية للسيارات مصر الجديدة

الكلمات الدلالية لهذا الموضوع

المفضلات

المفضلات

ضوابط المشاركة