غيار الزيت للسيارات الجديدة

**mosad2** · 26-08-2013 10:53 AM

السلام عليكم يا شباب.

عندي كام سؤال بخصوص الزيت و غياره.
انا معايا افيو 2013 و جه ميعاد تغيير الزيت بس عشان الظروف اللي البلد فيها و مش مستحمله سفر عشان اروح التوكيل فقلت اغير الزيت و فلتر بره و خلاص.
المهم انا عارف التوكيل بغير زيت كل 5000 ده حسب كلامهم.
بس لما رحت اسال عن زيت موبل 5000 كيلوا البنزينة قالت مفيش حاجة اسمها 5000 الموجود 3000!
فسألت اللي بيغير الزيت قالي التوكيل بيعتمد ان العربية جديدة فبيسيب الزيت 5000 !
الكلام ده صحيح؟؟

و ثانيا ايه افضل الزيت ال3000 من موبل و لا الموبل 1 ؟؟؟
و لو فيه ماركة تانيه افضل تنصحوني بيها؟؟

--------------
تم تحويل الموضوع ليكون استشارات عن الزيوت للسيارات الجديدة
من فضلك اكتب الاتي قبل وضع استفسارك
ماركة السيارة والموديل
سنة الصنة
عداد الكيلومتر
نوع الزيت اللي بتحطة الماركة والنوع
لكي يسهل علي الرد في اجابة واحدة
تحياتي
كريم منير

**Karim_Monir** · 26-08-2013 12:07 PM

عربية زيرو ازاي تحطلها زيت نص معدني او زيت معدني
زيت معدني اللي بيقولو علية 3 الاف
زيت نص تخليقي بيقولو عليه 5
زيت تخليقي اللي بيقولو علية 10 الاف

اولا ماينفعش نهائي تحط في عربيتك زيت اقل من تخليقي ولحد ما العربية تعمل 100 الف كم على الاقل نشوف بعدها هاتستعمل نص تخليقي ولا تكمل تخليقي

ماتقولش معاييش فلوس لنه ب 300 جنيه او مش هامشي بيه كتير لان صلاحية اي زيت ما تزيدش عن فترة سنة او 14 شهر بالكتير قوي حتي لو ممشيتش بيه ولا كيلو

نوع الزيت بلاش تحط موبيل الله يكرمك ده ازبل زيت ممكن تشوفوه في حياتك
انا شخصيا بحط زيوت مستورد مش معبأة في مصر
بحط وولف وبحط زادو وكنت بحط فالفولين وكنت بحط كاسترول وشيل ايام ما كانو تعبئة اربي
هات وولف او زادو وببعتو الزيت دليفري لحد عندك في القاهرة ببلاش تقريبا وفي اي محاظة ب 10 جنيه تقريبا والاتنين ممتازين
وانت قديم معانا يا استاذ مسعد اقرا في الزيت شوية :-)

تم تحويل الموضوع ليكون استشارات عن الزيوت للسيارات الجديدة
من فضلك اكتب الاتي قبل وضع استفسارك
ماركة السيارة والموديل
سنة الصنة
عداد الكيلومتر
نوع الزيت اللي بتحطة الماركة والنوع
لكي يسهل علي الرد في اجابة واحدة
تحياتي
كريم منير

**Ahmed Amin** · 26-08-2013 12:29 PM

المشاركة الأصلية كتبت بواسطة the lawyer

الله ينور عليك يا استاذ كريم ... بس في سؤال انت اخر تغيرة زيت كانت لولف ؟ فهل غيرت بعديه لزادو ؟ وشايف انه احسن ، حاجة اخيرة هل فيه فرق بينهم وبين فالفولين أو كاسترول ، يهمني بالدرجة الأول ان صوت الموتور يكون ناعم

نفس السؤال دا يا أستاذ كريم بما أنك جربت الوولف والزادو,
لأني بحط زيت شيل بقالي 3 سنين وهوا زيت ممتاز, مقارنة بموبيل زفت 1
بس لاحظت مؤخراً إن الزيت بقي ينزل أخف من الأول, وكمان قليل,, ومش عارف لسه نسبة البخر بتاعته عليت ولا فيه حاجة تانية, مع إن العربية لسه معدتش رينج 80 الف,
وبقت ساعات بتسقف علي خفيف ما بين النقلة من الأول للتاني,,

فبفكر أغير في الغيار الجاي لنوع جديد, فا أنهي الأحسن من تجربتك ليكوي مولي ولا وولف ولا زادو.؟
وهل ممكن أجرب في غيار زيت وولف والغيار اللي بعده زادو, وهيا كان جواها شيل الأول
ولا فيه مشكلة من التغير الكتير, دا أكتر سؤال محيرني.

**Karim_Monir** · 26-08-2013 01:12 PM

المشاركة الأصلية كتبت بواسطة mosad2

انا حطيت زيت موبل 3000 للاسف :(
اعمل ايه دلوقتي؟ اروخ اغير تاني؟؟
انا متاح عندي شيل و ممكن توتال لكن المستورد احاول اسال عليه.
او لو تتفضلوا تبعتولي رقم الشركة اللي اطلب منها الزيت

فورا تنزله
لنه زيت معدني تقيل جدا وهايوسعلك الخلوصات جوة الموتور
من الاخر ان بتجيب اجل الموتور
وغير مناسب لعربيتك نهائي ده مناسب للعربيات القديمة بس والمواتير اللي هلكت
نزله فورا والنهاردة او ما تمشيش بالعربية
ده لينك شركة وولف
https://www.facebook.com/NileMotors#!/WolfLubeEgypt
وتليفونهم 19728
هاتخد خصم 10 % ويبعتولك الجركن لحد عدك انت في محافظة ايه ؟
الخصم ده عشان نايل موتورز تاكد عليهم
وتبلغني عملت ايه

**Karim_Monir** · 26-08-2013 01:15 PM

المشاركة الأصلية كتبت بواسطة the lawyer

الله ينور عليك يا استاذ كريم ... بس في سؤال انت اخر تغيرة زيت كانت لولف ؟ فهل غيرت بعديه لزادو ؟ وشايف انه احسن ، حاجة اخيرة هل فيه فرق بينهم وبين فالفولين أو كاسترول ، يهمني بالدرجة الأول ان صوت الموتور يكون ناعم

خلصت وولف وحطيت زادو امبارح بس
مش هاحكم على زادو قبل 3 الاف كم عشان كدة ما جبتش سيرتة
وولف عملت بيه 9 وشوية قول 10 الاف
هاروق واكتب تقرير كامل عنه
وانا مغيرتش من ولف لزادو عشان سيئ
لاء عشان وولف بعتولي عبوة اجربها واكتب تقرير
وزادو عملو نفس الكلام فاهجرب الاتنين واكتب تقريري عنهم بكل حيادية

فالفولين حلو بس التشتيت الحراري وولف احسن
عربيتك ايه موديل وسنة وماشية قد ايه وبتحط زيت يه عشان اساعدك
كاسترول كنت بحطة لما كان اوربي لكن مش هاحطة وهو امارتي وعندي زيوت اوربية المنشأ والتعبئة

**Karim_Monir** · 26-08-2013 01:20 PM

المشاركة الأصلية كتبت بواسطة LeitoSR

نفس السؤال دا يا أستاذ كريم بما أنك جربت الوولف والزادو,
لأني بحط زيت شيل بقالي 3 سنين وهوا زيت ممتاز, مقارنة بموبيل زفت 1
بس لاحظت مؤخراً إن الزيت بقي ينزل أخف من الأول, وكمان قليل,, ومش عارف لسه نسبة البخر بتاعته عليت ولا فيه حاجة تانية, مع إن العربية لسه معدتش رينج 80 الف,
وبقت ساعات بتسقف علي خفيف ما بين النقلة من الأول للتاني,,

فبفكر أغير في الغيار الجاي لنوع جديد, فا أنهي الأحسن من تجربتك ليكوي مولي ولا وولف ولا زادو.؟
وهل ممكن أجرب في غيار زيت وولف والغيار اللي بعده زادو, وهيا كان جواها شيل الأول
ولا فيه مشكلة من التغير الكتير, دا أكتر سؤال محيرني.

ليكوي زفت انساه ده بيبخر بغباء
80 الف وسمعت تسقيفه حط زادو
تكنوليجا المرمات بتاعتهم دي حلوة جدا ودكتور مناهري كتب فيها شعر وده الي شجعني احطة في البي ام عشان عربيتي عدت ال 100 ومحتاج مرمم
ده لينك زادو
https://www.facebook.com/NileMotors#!/XADOEGYPT
ولما تتكلم تقول ل م. هيثم كريم منير بيقولك عايز خصم نايل موتورز :-)
ما تقلقش من التغييير ده نهائي
وممكن كل 4 او 5 غيارت تحط موتور فلش تغسل بيه الموتور

**Ahmed Amin** · 26-08-2013 01:27 PM

المشاركة الأصلية كتبت بواسطة Karim_Monir

ليكوي زفت انساه ده بيبخر بغباء
80 الف وسمعت تسقيفه حط زادو
تكنوليجا المرمات بتاعتهم دي حلوة جدا ودكتور مناهري كتب فيها شعر وده الي شجعني احطة في البي ام عشان عربيتي عدت ال 100 ومحتاج مرمم
ده لينك زادو
https://www.facebook.com/NileMotors#!/XADOEGYPT
ولما تتكلم تقول ل م. هيثم كريم منير بيقولك عايز خصم نايل موتورز :-)
ما تقلقش من التغييير ده نهائي
وممكن كل 4 او 5 غيارت تحط موتور فلش تغسل بيه الموتور

كويس أنك قلت لي إن ليكوي هيبخر زي ما شيل بيعمل مؤخراً,
وكدا أنا هجرب زادو وهبقي أستني أقرأ تقريتك برضه عن الوولف عشان أشوف الفرق معاك كان عامل أزاي,,

وحاضر لما أكلمهم هقولهم عايز الخصم بتاع نايل موتورز, ولو مدونيش خصم مش شاري من عندهم,

وهبقي أقولك عملت أيه معاهم,

بالنسبة لل Engine Flush إنا قريت أنو مضر بياكل الجوانات أو ال Seals مع العربيات اللي عاملة كيلو متر عالي, معظم الشركات الكبيرة عموماً مش بتنصح بيه.
واللي بيحطة بيحطة كل 20 أو 30 ألف كحد أدني,, أنت جربته أو حطيته بالمعدل العالي دا ؟

الموضوع: غيار الزيت للسيارات الجديدة

LinkBack

أدوات الموضوع

عرض

-

-

-

-

المواضيع المتشابهه

اسرار اللوحات المعدنية الجديدة للسيارات

أسرار اللوحات المعدنية الجديدة للسيارات

الخدوش وطبقة الشمع للسيارات الجديدة

حد يعرف كمية الزيت المستهلك اللى بينزل عند غيار الزيت

المصرية للسيارات مصر الجديدة

الكلمات الدلالية لهذا الموضوع

المفضلات

المفضلات

ضوابط المشاركة