انا جربت شل هيلكس الترا التخليقى وهو يعطى اداء جيد جدا حتى 7500 كيلو بعد كده بيقل اداء السيارة
عرض للطباعة
انا جربت شل هيلكس الترا التخليقى وهو يعطى اداء جيد جدا حتى 7500 كيلو بعد كده بيقل اداء السيارة
طب انا عربيتى لانوس موديل 2000 اوتوماتيك ماشيه 260 الف وكنت بغير شل 5000 تنصحنى بأيه؟
جماعه الخير موبيل 1 نصف توكيلات مصر بتستخدمه فممكن افاده لان تويوتا بتستخدم موبيل 1
هوا مش النصف, ممكن تقول تلات تربع توكيلات مصر بتستخدم موبيل 1.
وهيا في الأول وفي الأخر سبوبة زي ما أستاذ كريم وضح, ومش معني كدا أنو زيت ممتاز ومحترم,
أنت ليك أنك تشوف لزوجة الزيت عاملة أيه معاك بعد ما تحطة, وتشوفه تاني كل ما تعمل عليه كيلومتر عالي لسه محتفظ بلزوجته ولا بقي مية, وتشوفه برضه نسبة البخر بتاعته عاليه ووقل معاك ولا لأ.
المثل بيقولك أسئلك مجرب ولا تسأل طبيب, موبيل هوا أسوء زيت في مصر بجدارة.
ممكن تشوف أراء ناس كتير مجرباه من هنا, وتقييمهم للزيتين.
http://www.nilemotors.net/Nile/42130-a.html
وأنا عن نفسي لما كنت بروح أغير الزيت في التوكيل كنت باخد جركن زيت شيل ألترا معايا وأنا رايح, وأقولهم هغير بالزيت دا عشان أنا مبحطش موبيل,, لأنه كان بيسخن لي موتور العربية جداً ومش بيكمل ال 7000 كيلو وانا سواقتي هادية,
وكمان صوت الموتور كان عالي بشكل ملحوظ أكنها عربية قديمة وكانت بتسقف وهيا طالعة, يعني كل الحاجات الوحشة اللي ممكن تحصل كانت بتحصل معاه,,
وكل دا راح من بعد ما غيرت لزيت شيل من 2010.
المهم كانو بيغيرو لي بالزيت اللي بجيبه من برة وباخد الفلتر من عندهم وبيحاسبوني عال مصنعية, وبس.
في الأول كان فيه مهندسين أستقبال لما بيشوفو معايا جركن الزيت مكانوش بيوافقو ويقولي مش هينفع,
كنت أقولة طب ياريت تدخل تسئلهم في الأدارة جوا وتشوف هينفع ولا لأ, عشان لو مش هينفع هروح أغيرة في أي مركز خدمة تاني برة أو هجيب الفلتر وأغيرة في بنزينة,
وكانو بيدخلو ويخرجو ويقولي لي ماشي هنغيرهولك.
وبس كدا أنا حبيت أعرفك باللي بيحصل معايا واللي بعمله عشان لو بتحب تغير زيتك في التوكيل تبقي عارف الدنيا ماشية أزاي.
شكرا جزيلا علىالدعوة الطيبه دي ولك المثل واكثر ان شاء الله
زيت زادو دي الصفحة بتاعتهم تكلمهم وماتنساش تاخد خصم نايل موتورز
https://www.facebook.com/NileMotors#!/XADOEGYPT
01020092323
دي نمرة استاذ هيثم في توكيل زادو وباكد عليك خصم نايل والصفحة عليها عنواين الموزعين
طبعا تغير نوع الزيت وخليك على تخليقي برضه طالما مش بينقص معاك وتقدر تحط وولف او زادو الاتنين مناسبين ولكن تكمل مع تخليقي لان موتورز لسه جديد وكنت بتستعمل تخليقي على طول
صوت التاكيهات طبيعي مع زيت بيفقد لزوجتة بعد 3 او 4 الاف كم زي موبيل وان
زيت الفتيس وولف عندهم مجموعه زيوت الفتيس كاملة في المركز بتاعهم ممكن تروحلهم زيارة تغير الزيوت كلها هناك ومتنساش تاخد خصم نايل موتورز وانت معاك الاستيكر 10 %
ونوع زيت الفتيس هما هايطلعهولك من على الموقع بالمواصفات المذكورة لعربيتك
ولو مغيرتش زيت الفرامل غير زيت الفرامل برضه لانه بيتغير كل سنتين
واكشف على زيت البارو برضه لو مغيرتوش قبل كدة
ومية التبريد بتتغير كل سنتين لو مغيرتهاش في مواعيدها
واضح ان موتور عربيتك في النص التاني من حياته لان 260 الف مع زيت معدني اعتقد انك كدة هاتكمل مع زيوت معدنية 20-50
ممكن تستعمل زيوت زادو عشان عندهم تقنية مرممات لسبيكة المواتير في الزيوت بتاعتهم ولينك صفحتهم هنا
https://www.facebook.com/NileMotors#!/XADOEGYPT