غيار الزيت للسيارات الجديدة

**moody_687** · 27-08-2013 05:41 PM

المشاركة الأصلية كتبت بواسطة karim_monir

موبيل وان تخليقي بالكامل والمفروض يتغير كل 10 الاف كم لكنه زيت سيئ جدا
وانت في اسكندرية وولف وزادو بيشحنو لكل المحافظات
تقدر تطلب الاوردر منهم يكون عندك بعد يومين وبكلام فارغ عشرة جنية رسوم شحن
ودي زيوت اوربة المنشأ والتعبئة
لينكاتهم في مشاركات سابقة ولاتنين كويسين معاك اللي يعجبك اعمل اوردر ويشحنهولك على طول
والزيت التخليقي يقعد بيني 8 الى 12 الف كم حسب سواقتك هادية ولا عنيفة
لكن كل 5 طبعا دي خسارة جامدة

استاذ كريم انا بحط موبيل اللي هو 5الاف كيلو مش 10 الاف كيلو وبغيروا على 4500 كيلو ده نوعه ايه وانا دايما اغيروا مع الصيانة وبيسئلوني تحب الزيت كل 5الاف كيلو ولا 10 الاف كيلو فانا بختار كل 5الاف كيلو ده كل اللي اعرفه عن حوار الزيت بتاعي وبنزل الزيت من الطبة عشان الرواسب وانا كده كده سواقتي هادية

**Theredbaron** · 27-08-2013 05:47 PM

أنا عربيتي شاهين موديل ٢٠٠١ عاملة ١٣٠ ألف, و بحط زيت شيل الأصفر و الموتور بحالة جيدة الحمد لله.
تنصحني بايه هل اكمل على شيل الأصفر و لا اغيره بحاجة تانية ؟ عشان انا عاوز احافظ على الموتور لأطول فترة ممكنة.

**mohamed sharm** · 27-08-2013 05:52 PM

شكرا للمعلومات

**haroun707** · 27-08-2013 05:54 PM

طيب اولا انا معاية نيو اكسنت - عامله 145000 - اتوماتيك

طريقة القيادة - معتدلة

بحطلها زيت شيل الاصفر ( 5000 )

-
جربت الموبيل وانواع كتير حسيت ان الموتور بيكون صوته عالى وبحس بحرارة الموتور طالعه من جناب العربية مع ان الاداء بيكون مش مقبول واستهلاك البنزين بيكون اعلى

انما مع زيوت شيل العربية صوت موتورها اهدى وانعم واستهلاك البنزين فى المعدل

لو فى انواع اخرى اجود من فضلك توضحلى

وبالنسبة لمحسنات دورة البنزين ... فى اى تعليقات على استعملها ؟؟

شكرا مقدماً

**بنت مصر** · 27-08-2013 05:55 PM

بعد اذن حضرتك كنت عايزة اسأل عن الزيت المناسب لعربية ماروتى موديل 2009 عاملة حوالى 22000 كيلو
مع العلم انى كنت بستخدم زيت فيسكو 2000

**ramighoneem** · 27-08-2013 05:58 PM

عربيتي نيسان صني 2012 الشكل القديم وعاملة 10000 كيلو ومحتاج اغير زيت ... هم في التوكيل كانو بيحطو زيت "شيل" بس انا عاوز اغير ... احط ايه ؟؟؟؟ انا كنت عاوز اغير اويليبيا oilibya ... ايه رأيكوا ؟؟؟؟؟؟؟؟؟

**sunflowertota** · 27-08-2013 06:24 PM

عربتى لادا 2110 كنت حاطة موبيل 1 بعد اول 1000 وغيرت الفلتر كمان ودلوقتى عملة 5000 ك عايزة اعرف اي زيت يناسبها وهل ضرورى اغير الفلتر تانى؟ سؤال تانى من فضلك ( اجيب الفلتر منين؟ غير التوفقية) شكرا

**hagag_ab** · 27-08-2013 06:25 PM

انا عندى دايو ليجانزا وبسافر كتير احط زيت بجد لانى ناس كتير ضحكو عليا فى الموضوع دا ياريت حد يغدنى
هيا 2001
عامله 260 الف كيلو

**dr.hazem** · 27-08-2013 06:39 PM

عربيتي شيري qq311 موديل 2011
1100 سي سي 4سلندر dohc
ماشيه 15 الف
التوكيل بيحط زيت ac delco 10w 40 semisynthetic
وبيغيروه كل 5 آلاف كيلو....
التوكيل رفض طلبي لتغيير نوع الزيت وبيقول الضمان هيتلغي لو حطيت زيت مختلف...
هل الزيت ده كويس ولا افضل معاهم؟؟
انا كان نفسي احط كاسترول ماجنتك 10w 40 لان الشتا عندنا قارس البروده وبتتلج احيانا....
احب اسمع نصائحكم...
تحياتي

Sent from my Xperia Arc S using Forum Runner