الموضوع: غيار الزيت للسيارات الجديدة

المشاركة الأصلية كتبت بواسطة Mahmoudelgen

استاذ كريم انا معايا بيجو ٣.٧ موديل ٢٠٠٧ العربية من الزيرو و التوكيل بيحط زيت موبيل ١ 0w50 و العربية عاملة حاليا ٧٧٠٠٠ الف كيلو و كان نفسي من زمان اغير الموبيل دة لان صوت الموتور عالي بس كل مرة بحتار و في الاخر بحط موبيل برضة كنت ناوي التغيرة دي احط كاسترول بس حضرتك قولت برضة بيتعبأ في مصر تنصحني احط زادو ولا ولف و هل الاتنين هولندي ؟
و سؤال تاني معلش في التوكيل كل مرة كانو بيحطو الزيت كان يشفطة من فوق و ميرضاش ينزلة من تحت بحجة ان المصفحة اللي تحت في مسمار بيلف علي الفاضي فمش حيعرف يشيلة و انا بحس انة مش كلة بيتشفط فهل الصح انة يشفطة ولا ينزلة من تحت ولا متفرقشي ؟
و كل مرة يدلق الجركن ٤ لتر كلة كدة ولا بيشوف المقياس وصل فين ولا حاجة اجي انا ابص علي المقياس الاقي الزيت معدي الماكس و طالع لحد الحتة الحديد اللي فوقها و اقولة اية كل دة يقولي عادي مفيش مشكلة فهل فعلا مالوش ضرر ؟

زيت موبيل طبعا دي صفقة وبيزنس
وزيت كاسترول معبأ في الامارات مش مصر
انت الانسب ليك زيت وولف التخليقي
وطبعا اللي بيحط ال 4 ليتر ويسيب الزيت يعدي ال max ده متخلف ولو انا كنت ربطتة في العربية وسحلتة
عادي انه يتشفط ما بيفرقش كتير وفي عربيات كتير ما بينفعش فيها غير شفط ومالهاش طبه تحت
لكن مش عادي انه يعدي المقاس ابدا
حط زيت وولف تكلمهم في 19728 تقولهم انك من نايل موتورز وانك معاك عربية كذا عشان تتاكد من انك تحط زيت 5-40 ولا 5-30
الاتنين تخليقي بس هما عندهم ليسته بالمناسب ليك
وتطلب زيت وولف يجولك تحت البيت تغيرة ببلاش وهما بيغيروه شفط وتطلب يجبولك فلتر وتحاسبهم عليه او اشتريه انت
ارجع للكتالوج وشوف العربية تاخد قد ايه
لو معرفتش يبقي نمشي بالطريقة المانيوال
انك تغير فلتر ويحط 3.5 ليتر ويدور ويبطل ويشوف عالمقاس
ناقص نزود ربع كمان لحد مانشوف العلامة تظبط بين ال min و الmax

ومتنساش تاخد خسم نايل موتورز ال 10 % والتوصيل والتغيير ببلاش
تحياتي