الموضوع: الاضواء النهاريه او daytime running light اختراع اصاب المصريين بالحيرة

الموضوع ده عقدني في عيشتي في الموتسيكل والمشكله ان ما فيش حد ما يشوفه الا ويقولي النور شغال وطول ما انا ماشي في الطريق كل واحد يشورلي بأيده كده ويفضل يفتح ويقفل في صوابعه دلاله علي ان النور شغال وانا كل ما بلاقي فرصه واكون ماشي بالراحه افهمه ان ده ما بيطفاش والمشكله الاكبر بقي في الكماين اول ما تدخل علي كمين تلاقي امين الشرطه الناصح بيقولي النور والع d: لدرجه اني خلاص جبت من موضوع النور ده الاخر وبفكر افصل الفيوز بتاعه من كتر النصاحه بتاعت الناس الي لو شافت النور والع بتحس انها كده مضايقه منك وكأنك ماشي عكس السير ولا غتت عليه في حاجه

يا جماعة انا عقدتى عربيات التاكسى و الاجرة اللى بيمشوا بالليل بدون نور و لا اجد تفسير مقنع لده ولما بركب تاكسى خاصتا بالليل بسأل دايما و خاصتا لما الاقى السواق يحاول يكشف الطريق بأضواء العربيات الاخرى بجانبه و دايما اغلب الاجابات متعلقة بالكتاوت او البنزين بدون اى تفسير مقنع فطبعا تخيل رأى الجماعة دول لما يشوفوا الكشافات منورة فى النهار , فحاول ان تكبر دماغك لحد ما يتعودا على ده بعد بدء انتشار العربيات الاوربى فى مصر