الاضواء النهاريه او daytime running light اختراع اصاب المصريين بالحيرة

**ENG\AHMED** · 19-11-2013 11:01 PM

المشاركة الأصلية كتبت بواسطة hunting_eagle

طيب و ايه رأيك في اللي عايزك تطفي النور كله بقه باليل !!

لما تكون ماشي في شارع رايح جاي و تكون مشغل النور الواطي .. اللي هو ما ينفعش تمشي مترين من غيره .. وتلاقي اللي جاي في وشك عمال ينورلك العالي لحد ما يعميك يا اما تطفيه

و يبقى كأنك شتمته .. يا عم ده نور واطي .. اسمه كده لأنه بينور في مسافة قريبة من العربية يعني عمره ما يجي في وشك .. مفيش فايدة بردو

الحل بقى من وجهة نظره انكم انتو الاتنين تطفو النور و تقعدو تنورو عالي قدام بعض كل كام متر لحد ما نتعمي كلنا .. كده احنا حلوين و سواقين

تقول ايه بقى لما تبقى داخل فى شارع رايح جاى ومنور الفوجات بسسس
وتلاقى تريلا جاى فى وشك بيقلبلك نور علشان تطفى نورك اللى هو منور تحت اكصدامه !!!!!!!!!

**ENG\AHMED** · 19-11-2013 11:06 PM

المشاركة الأصلية كتبت بواسطة Maghraby1987

ايه ده انا معنديش الكلام ده في الفوكاس
هو بينزل ستاندرد في كل الفئات وللا هاي لاين بس؟

موجود
افتح علبة الفيوزات اللى ناحية الراكب الامامى
هتلاقى مكان لفيوز ال drl وهتلاقى الوصلات موجودة بس الفيوز مش موجود
ركبة هتلاقى انوار العربية بتنور مع الدوارة كأنك منور نور التابلوة بس

فى نفس العلبة هتلاقى مكان لكتاوت ال drl ركبه مع الفيوز هيعمل اللى انا شرحتة فوق
مع الدوارة هتلاقى الكشافات نورت باضاءة خافتة شوية عن الطبيعى ومستوى الكشافات نزل لتحت
واول لما تنور الكشافات الاضاءة هتعلى ومستوى الكشافات هيرجع للطبيعى

**Mzeid** · 19-11-2013 11:19 PM

النور دة بجد بقى مشكلة
في العربيات الكيا النور ال drl بتاعها مستفز جدا خصوصا بالليل مش عارف هما فاهمين موضوع ال drl دة ازاي ؟!
الليدات اعلى من نور العربية العادي و بيوجع العين
لدرجة مرة كنت راكب مع واحد صاحبي و في المرايا الجانبية نور قوي جدا و متعرفش تشوف في المرايا منه المشكلة اصلا ان العربية كانت ورا اللي ورانا المهم لما طلعت جنبنا اكتشفت انها كارينز جديدة و النور اللي شغال دة مجرد ال LED's بتاعتها

Sent from my GT-I9505 using Forum Runner

**meedoo69** · 20-11-2013 12:17 AM

اضف الى السيارات المجهزه ب drl الايمجراند بس بينور بتعديل فى السوفت وير بتاع العربيه

**M I D O** · 20-11-2013 01:57 AM

المشاركة الأصلية كتبت بواسطة horas3000

يجوز انت ادري
اصلي بشوف العربيه يوميا تقريبا
و مشفتش ولا واحده بال drl

لسة شايف واحدة النهاردة كمان وانا راجع من الجامعة فيها الداي لايت .. خش قسم الجيلي وحضرتك تعرف اكتر عن موضوع الداي لايت دة

**horas3000** · 20-11-2013 11:39 AM

المشاركة الأصلية كتبت بواسطة ENG\AHMED

تقول ايه بقى لما تبقى داخل فى شارع رايح جاى ومنور الفوجات بسسس
وتلاقى تريلا جاى فى وشك بيقلبلك نور علشان تطفى نورك اللى هو منور تحت اكصدامه !!!!!!!!!

ده ملوش حل الا رصاصتين في دماغه

المشاركة الأصلية كتبت بواسطة Mzeid

النور دة بجد بقى مشكلة
في العربيات الكيا النور ال drl بتاعها مستفز جدا خصوصا بالليل مش عارف هما فاهمين موضوع ال drl دة ازاي ؟!
الليدات اعلى من نور العربية العادي و بيوجع العين
لدرجة مرة كنت راكب مع واحد صاحبي و في المرايا الجانبية نور قوي جدا و متعرفش تشوف في المرايا منه المشكلة اصلا ان العربية كانت ورا اللي ورانا المهم لما طلعت جنبنا اكتشفت انها كارينز جديدة و النور اللي شغال دة مجرد ال LED's بتاعتها

Sent from my GT-I9505 using Forum Runner

مهو المفروض ال drl يتطفي لما تشغل النور
بس الناس هنا مش بتعمل كده
و كيا بالتحديد ال drl بتاعها غبي فعلا
يعني الاودي و اللي ابتدت الحوار ده مش كده برضه

المشاركة الأصلية كتبت بواسطة meedoo69

اضف الى السيارات المجهزه ب drl الايمجراند بس بينور بتعديل فى السوفت وير بتاع العربيه

المشاركة الأصلية كتبت بواسطة M I D O

لسة شايف واحدة النهاردة كمان وانا راجع من الجامعة فيها الداي لايت .. خش قسم الجيلي وحضرتك تعرف اكتر عن موضوع الداي لايت دة

انتم ادري بقي
بس زي ما قلت لسه مشفتوش

**spidars** · 21-11-2013 11:37 PM

طب والعربيات الي مفهاش ممكن يتعمل فيها لاني عاوز اعمله في الكارينز الشكل القديم

**horas3000** · 22-11-2013 10:51 AM

المشاركة الأصلية كتبت بواسطة friendship7897

الدنيا بخير
أنا بحمد ربنا إن صاحب الموضوع عمل ( لي ) الموضوع دا
هقول لكم ليه :
لأني من فترة كنت لاحظت بعض العربيات اللي نورها شغال في النهار
مرة أقول : العربية دي مستعجلة فأوسع لها - يمكن معاه حالة مريضة ومستعجل يعديني .
ومرة أقول : هي العربيات الحديثة بس هي اللي منوره ليه - دول عنهم ثقافة عاليه - هههه
( ثقافة مش موديل )
ومرة أقول : العربية دي بتعكسني !! فأتجنبها - ههههه
ومرة أقول : دا ناسي النور .
وفي الآخر : أستنتجت إنها الموديلات الحديثة والشيك فقط ( العلم نورن - بالنون - ههههه )
فقررت إن أهتدى بمثل هذه العربيات - لأني لاقيته فكر عالي وأكيد لتحديث نور العربيات دي وجهة نظر مفيدة - ففي الصباح كنت بشغل النور العادي
ولاقيت كل الناس بتشاورلي على النور زي ما أُثير بالموضوع .
فقررت إلغي فكرة تشغيله نهائياً
حتى يفعل الله أمراً كان مفعولاً وأشتري عربية موديل جديد ( منه فيه ) .
شكراً جزيلاً ...

العفو و اي خدمه
و طبعا بامكانك تشغلي اول نور في العربيه عادي
خصوصا في الاجواء الغير مشمشه
و سيبي اللي يشاور يشاور

المشاركة الأصلية كتبت بواسطة Abdulrahman M

كورورلا 2014 ؟؟؟

مالها يا زعيم
انا قايلها في تالت او رابع مشاركه

المشاركة الأصلية كتبت بواسطة spidars

طب والعربيات الي مفهاش ممكن يتعمل فيها لاني عاوز اعمله في الكارينز الشكل القديم

بيتعمل
بتروح تشتري ال drl و متوفر في محلات الاكسسوارات
بس الفكره عايزه كهربائي كويس عشان يفصل اول ما تولع النور العادي
الا لو مش فارق معاك يكون شغال علي طول زي موديلات كيا الجديده كده

-

-

الموضوع: الاضواء النهاريه او daytime running light اختراع اصاب المصريين بالحيرة

LinkBack

أدوات الموضوع

عرض

-

-

-

-

-

المواضيع المتشابهه

E90 daytime running lights

Disabling daytime running lights(DRL) Astra j ازاى اعمل

بفكر أجيب daytime running lights تفتكروا شكلها هيكون حلو ؟

Daytime Running Lamp - DRL

المرايات الجانبية للسيارة، اختراع اصاب شعب مصر بالحيرة

الكلمات الدلالية لهذا الموضوع

المفضلات

المفضلات

ضوابط المشاركة