الموضوع: الحمد لله استلمت العربية ياإليزاوية :)

المشاركة الأصلية كتبت بواسطة kamero

لو اعلى فئه هى فيها immbolizer

انته متاكد .. معلش أنا مسألتش ومشفتش فيها ولا لا .. بس هشوف دلوقتى ان شاء الله

معلش يا جماعة لحظة غباوة على الصبح .. العربية فيها امبوليزر مكنتش اعرف فمعلش على الربكة اللى على الصبح دى :)

كلمت جورج دلوقتى على العجل .. قالى عادى اعمله نيتروجين فقلتله على 32 قالى لا 28 علشان ده جنط 15 فاحسن له 28

ألف مبروك يا باشا و إختيار موفق إن شاء الله و ربنا يكفيك شرها و يديك خيرها و العربية بها إيموبيليزر و فرامل abs و ebd و eba فى كل الفئات بالإضافة إلى 2 إيرباج فى الفئة الإكسكلوسف و إيرباج واحدة فى البيزلاين .

المشاركة الأصلية كتبت بواسطة mohjarr

ألف مبروك يا باشا و إختيار موفق إن شاء الله و ربنا يكفيك شرها و يديك خيرها و العربية بها إيموبيليزر و فرامل abs و ebd و eba فى كل الفئات بالإضافة إلى 2 إيرباج فى الفئة الإكسكلوسف و إيرباج واحدة فى البيزلاين .

الله يبارك فيك يا اخواتنا الأشقاء فى البيجو :)
وفعلا هى فيها كل ده ما شاء الله عليها وعلى 301 :)

المشاركة الأصلية كتبت بواسطة mohammad isdf

ما شاء الله لا قوة الا بالله الله يباركلك فيها ومتقعدش تمدح فيها كتير لا انت اللى تديها عين ..
وبالراحه عليها وجيبلها غطى ضرورى عشان الناس المؤذية، اللى بتكحت العربيات وبتسرق منها حاجات، هتلاقى موضوع فى المنتدى عن طريقة تأمين العربية وحمايتها من السرقة.
وأنصحك بإن تطعم طعاما شكراً لله على النعمة

بينى وبينك الحمد لله انا بقالى سنتين باختار فعربية .. بس مكنتش متخيل ان ربنا بعد كل المدة دى والحيرة ومشواير على معارض انى ارسى على الاليزية بكل ما فيها من جمال وسعر .. الحمد لله له كل الحمد فعلا :)
هدور على موضوع التأمين ..
وان شاء الله هدبح خلال الأسبوع القادم :)
وربنا يبارك فيك وفكل اعضاء هذا المنتدى اللى ليه الفضل بعد ربنا فى حسن الإختيار او بمعنى اخر ربنا جعلكم سبب فى حسن اختيار لواحد مكنش يعرف اى حاجة فى العربيات وخلال مدة زمنية ومن خلالكم ومن خلال اللف خلال سنتين يعنى نقدر نقول خلاص خلصنا kg2 ودخلين ابتدائى :)
الف شكر ليك ولك رجالة نايل موتورز :)