الموضوع: وقفة ضد عيوب الإليزيه

انا راييى تجرب حاجه الاول لانى بشك ان العربيه دى بنزين 95
فضى التانك وحط 10 ولا 20 لتر 95 وشوف المشاكل لسه موجوده ولا اتحلت لانى بشك فى نقطه 95 دى اوى
لان كل الاعراض بصراحه اعراض تظهر مع فرق اوكتان

المشاركة الأصلية كتبت بواسطة islam4ever

حطيت من موبيل 92 و رافع اوكتان و ده كان بعد الكشف عليها يوم الثلاثاء الماضي
و ظهرت نفس المشكلة يوم الخميس و الجمعة
و طبعا قالي امبارح انهم كشفوا على البوجيهات و نظفوا البوابة و عملوا تحديث للسوفت وير
الموضوع اللي عملوه كبير جدا و كتير
و لو لسه فيه مشكلة يبقى الموضوع لازم حماية المستهلك لأن التوكيل كدا بيضيع وقت على الفاضي

معلش مش هاتخسر حاجة بدون رافع اوكتين لانة ممكن يكون مضروب
ارجو عمل الاتي تخلي العربية تشحر بنزين وتحط 15 لتر95 مثلا ويكون يوم جمعة الدنيا فاضية وتطلع الدائري وتكبس بالعربية كيك دوان وار بي ام عالي وتوصل لسرعة 180 مثلا بدون تكييف وشوف وقرر بعد كدة
ممكن يكون البنزين وحش والموتور كربن وعاوز يتفتح
وبعد كدة شغل التكييف وشوف في فرق ولا لاء
وربك يحلها ان شاء الله

المشاركة الأصلية كتبت بواسطة leitosr

يا جماعة العربية نازلة أصلاً منصوح أن ينحطلها ببنزين 92 ومتصممة أنها تمشي بيه وكل العربيات سوا الأليزية أو ال 301 أو الأعلي منهم زي c4 أو 308 شغالين ب 92 زي الفل,
95 أيه اللي بتنصحو بيه دا وبالتجربة عليه.!!!

ولو أفترضنا جدلاً أنو هيظبطها,, هل دا هيكون علاج ولا مسكن ؟؟
وهل لو ظبطت معني كدا إن أصحابها المفروض يحطو 95 طول عمرهم عشان التكييف يبقي مظبوط.؟
ومش مشكلة بقي أن صاحبها يدفع 3 أضعاف تمن البنزين ال 92 بتاعها في مشاويرة واللي هيا نازلة عشان تشتغل بيه,,؟؟
لمجرد إن البرجلة ممكن تروح معاه حاجة وقتية كدا.!

عشان ال 95 مش منظف ولا بينضف, دا بنزين هيتحرق,,
المشكلة لو أتحلت معاه يبقي ظبط أنضغاط الموتور عايز يتظبط سوفتوير,
لو مظبتطش مع البنزين يبقي التوكيل يكشف علي العربية كويس ويشوف دا عيب كومبريسور ولا عيب أيه ويتصلح أو يتغير ويتبلغ بيه الشركة الأم عشان مينزلش في الباتشات الجديدة وميموتش سوق العربية,

اللي أنتو بتقولوه دا مش حل ولا علاج.

مع العلم إن البيجو 301 لحد أنهارده مفهاش مشاكل في التكييف وهما الأتنين المفروض خارجين من نفس المصنع,
فأنا اللي شايفة دلوقتي أنكم تعملو جروب وتبعتو لجهاز حماية المستهلك لان شكاوي التكييف كترت في القسم هنا, يعني لو كانت مشاكل عشوائية كنا قلنا بنزين أو عربية فيها عيب وعربية لأ,
لكن كدا ممكن يكون في حاجة محتاجة يتكشف عليها,,

وبعد ما تعملو جروب وتبعتو لجهاز حماية السمستهلك بمشكلتكم وأرقام شاسية عربياتكم,, تراسلو مصنع psa في أسبانيا وسيتروين فرنسا وتعرفوة بالمشكلة دي وتعرفوهم أنكم عايزين حل ليها في أسرع وقت ممكن..

اخي العزيز
حضرتك مافهمتش وجه نظري
انا اقصد ان البنزين اللي انت بتحطة من البنزينة ممكن يكون مخلوط نتيجة الغش
ودة ممكن ينتج عنة ان البساتم تكربن علشان كدة قولتلك تتحط 95 وتاخد العربية مشوار قرص علشان تفتح الموتور وتخرج الكربون
وممكن المشكلة تتحل مش باقولك مون 95 عالطول
لان نفس المشكلة دي حصلت مع واحد زميلي بس في رينو ساندريو والعربية كانت بتقطع كمان
خلص البنزين اللي في التنك وعمل زي ما بقولك والعربية اتظبطت بعد ماوداها التوكيل 3 مرات ومعرفوش يعملوا فيها حاجة وبعدها بطل يمون من البنزينة اللي كان بيمون منها وبيحط بنزين من بنزينة تانية
والعبرة العيب دة فيها من اول ماجبتها ولا لاء
لو الاجابة لاء يبقي في احتمال كبير للكلام اللي انا قولته ولو الاجابة اه يبقي العربية كان فيها العيب دة من اول ماشتريتها ويبقي الكلام اختلف والحل دة مش هايكلفك حاجة دول 50 جنية مش هاتخسر
وتمنياتي ليك بالتوفيق
وشكرا

المشاركة الأصلية كتبت بواسطة mezo73

اخي العزيز
حضرتك مافهمتش وجه نظري
انا اقصد ان البنزين اللي انت بتحطة من البنزينة ممكن يكون مخلوط نتيجة الغش
ودة ممكن ينتج عنة ان البساتم تكربن علشان كدة قولتلك تتحط 95 وتاخد العربية مشوار قرص علشان تفتح الموتور وتخرج الكربون
وممكن المشكلة تتحل مش باقولك مون 95 عالطول
لان نفس المشكلة دي حصلت مع واحد زميلي بس في رينو ساندريو والعربية كانت بتقطع كمان
خلص البنزين اللي في التنك وعمل زي ما بقولك والعربية اتظبطت بعد ماوداها التوكيل 3 مرات ومعرفوش يعملوا فيها حاجة وبعدها بطل يمون من البنزينة اللي كان بيمون منها وبيحط بنزين من بنزينة تانية
والعبرة العيب دة فيها من اول ماجبتها ولا لاء
لو الاجابة لاء يبقي في احتمال كبير للكلام اللي انا قولته ولو الاجابة اه يبقي العربية كان فيها العيب دة من اول ماشتريتها ويبقي الكلام اختلف والحل دة مش هايكلفك حاجة دول 50 جنية مش هاتخسر
وتمنياتي ليك بالتوفيق
وشكرا

طبعا اسمحلي ارد على كلام حضرتك
الموضوع اكبر من بنزين
لأن الكركرة و الرجة بتحصل لما بنكون في زحمة و التكييف شغال
و التكييف مقفول الدنيا حلوة و هادية و العربية بتجري
و التوكيل لحد النهاردة راجع على كل حاجة في العربية و مفيش فيها حاجة
يبقى يا بنزين و مش مقتنع انها تكون بنزين او كومبريسور تكييف او التكييف كله الله اعلم
مش منطقي اني افول عربية من بنزينه نظيفة في التجمع مرتين و العربية مفيش فيها حاجة غير الرجة اللي في الماتور
و لما ينزلي سوفت وير العربية يظهر فيها صوت الكركرة
و لو زي ما حضرتك بتقول انها بنزين , يعني افضل مستحمل الصوت ده و كمان كام شهر الماتور يضيع لانهم مش عارفين يشخصوا المشكلة ؟!!
فيه شكوى عضو محترم بدأها و كلنا ان شاء الله هننضم ليه
احنا المفروض معانا عربيات جديدة و مش كل يوم و التاني رايحين نصلح , كنا جبنا عربيات مستعملة احسن

و اتمنى ان المشكلة تتحل على وجه السرعة بدون خسائر

مش ممكن برضوا يكون العيب في الدينمو؟؟؟
يكون مش بيشحن كويس و بكده التكيف يحمل علي الموتور اكثر ؟؟
ولا صعب يكون العيب من الدينمو!!!