حاجزى الإليزيه الكرام

**elsayed mohame** · 17-06-2013 11:09 PM

أنا حاجز فى نهاية شهر ابريل والمفترض أن استلم فى الفترة من 15/6 حتى 30/6 ولكن !!! اتصلت بمدام ايناس فاسكندرية معندهاش اى معلومة عن التسليم امتى !!!!!!!!!!!!! اتصلت بجورج فى القاهرة معندوش اى معلومة !!!!!!!!!!!!!!!!!! .. انتو عندكم معلومة !!!!!!!!!!!!!!!!!!!!!!!!!!!!!!!!!!!!!!!!
طيب ايه الموقف الجماعى لينا هل نروح نقدم مبلغ ونثبت السعر .. ولا ناويين على ايه انتو عارفين انو من المحتمل فى بداية شهر يوليو هبوط جديد للجنيه فانتوا رأيكم ايه ؟!

**الجنرال** · 17-06-2013 11:32 PM

انا شخصيا هلغي الحجز ومش هشتري الان اصلا

اللى انا شبه متأكد منه ان العربية موجودة فى الشركة وهما مش راضيين يسلموا لحد اول يوليو علشان زيادة الاسعار .. فانا لا يشرفني انى اتعامل مع توكيل بالمنظر ده

انا خلاص بنسبة 80% هتصل الغي الحجز واخد فلوسي

**gebreel** · 17-06-2013 11:41 PM

انا شفت العربية ماشية في الشارع قدامي

**الجنرال** · 17-06-2013 11:42 PM

اه ما انا عارف .. وانا شفتها وفي ناس شافتها

لكن في حاجات تانية في التعامل مع التوكيل هي اللى ادت الى القرار ده

**elsayed mohame** · 17-06-2013 11:43 PM

المشاركة الأصلية كتبت بواسطة gebreel

انا شفت العربية ماشية في الشارع قدامي

ياااااااااااااااااااااااا اااااااااااااااااارب

**الجنرال** · 17-06-2013 11:44 PM

المشاركة الأصلية كتبت بواسطة elsayed mohame

أنا بقالى أكتر من سنة بختار فى عربية والإليزية لقيت فيها اللى أنا عاوزه وعجبانى جدا .. مش عارف بس لو كلامك صح ممكن نروح نثبت سعر ولو موفقوش خلاص نسحب الحجز بس ده لو موقف جماعى هيكون فى صالحنا ولا ايه رأيكم !!

بص خلاصة الكلام بصراحة:
1- لو تعرف حد فى التوكيل هتاخد العربية بكرة
2- لو هتدفع الفلوس كاش هتستلم على طول

لكن لو استنيت اسبوع من دلوقتى مش هتاخد حاجة لانه هيحدفك على اخر يونيو

بس كده

**elsayed mohame** · 17-06-2013 11:44 PM

المشاركة الأصلية كتبت بواسطة الجنرال

اه ما انا عارف .. وانا شفتها وفي ناس شافتها

لكن في حاجات تانية في التعامل مع التوكيل هي اللى ادت الى القرار ده

هو حضرتك حاجز من امتى ؟

**elsayed mohame** · 17-06-2013 11:46 PM

المشاركة الأصلية كتبت بواسطة الجنرال

بص خلاصة الكلام بصراحة:
1- لو تعرف حد فى التوكيل هتاخد العربية بكرة
2- لو هتدفع الفلوس كاش هتستلم على طول

لكن لو استنيت اسبوع من دلوقتى مش هتاخد حاجة لانه هيحدفك على اخر يونيو

بس كده

المشكلة ان لما كنت بكلم مدام ايناس بتتكلم عن العربية هتتشحن خلاص فاتصدمت من الكلمة هى لسه هتتشحن !!!!!!!!!!!!!!!!!!

**الجنرال** · 17-06-2013 11:54 PM

ده الكلام اللى بيتقال للناس

لكن اللى انا كاتبه ده اللى حصل فعلا

كلمت واحد صاحبي شغال فى التوكيل فى الفرع الرئيسي .. وقلتله على العربية والحجز وكده (انا حاجز من اخر ابريل)

قالي اللون فارق معاك؟؟ قلتله لأ

قالي كلمنى بكرة الساعة كذا وربنا يسهل

وسبحان الله .. اليوم اللى كنت هكلمه فيه كان نفس اليوم اللى هبيع العربية بتاعتي فيه .. سبحان الله البيعة تقف وتتعطل ومكلمهوش

وبعدها اعرف ان كان في عربية فى المعرض وفي اخ فى المنتدى هنا راح اشتراها من المعرض واستلمها نفس الفئة اللى معظمنا حاجزها الاكسكلوسف (اتمنى انه ميفهمنيش غلط وده مش حسد ولا قر وهيا مش مشكلته اصلا .. والمشكلة مشكلة مع التوكيل قليل الذوق ده)

وانا بقول قليل الذوق لان لما اتصلوا بيا علشان يأجلوا معاد التسليم من اخر مايو الى نص يونيو ... انا رديت عليهم بكل ادب وتفهمت الموقف لدرجة ان اللى اتصل بيا قالي بالحرف "انا بشكر حضرتك جدا على رد فعلك وانك تفهمت الموقف .. لان في عملاء تانيين كان رد فعلهم شديد جدا"

واتصلت بيهم كذا مرة اقولهم انا محتاج العربية لانى خلاص بيبيع العربية بتاعتي ومش هينفع افضل من غير عربية لكن للاسف ادوني مواعيد وهمية وغير دقيقة واهو لحد دلوقتى قاعدين !!

فانا مش فاهم ايه اللى يجبرني على توكيل بالمنظر ده!! بلاها العربية كلها وان شاء الله الواحد هيلاقي احسن منها بمليون مرة ان شاء الله

بس كده