الموضوع: انا عاوز اجنط اجنط دلوقتى ولا استنى لما اسقط مكنه

المشاركة الأصلية كتبت بواسطة nesr6060

معلشى انا قرات موضوع تسقيط الموتور بتاعك كذا مره يا باشا وكل مره بفكر فى حوار الجنط اللى مركبش عندك وعندى سؤال ده وقته الصراحه

هو العفشه الكبيره اللى انت بتقول عليها وانت ركبتها هى بتفرق مقاسها على العفشه العاديه اللى عندى اقصد يعنى انا لو جبت دلوقتى جنوط 15 4 مسمار وتركب على العفشه اللى عندى لو انا بقى بعد كدا غيرت العفشه ل عفشه كبيره الجنوط مش هتركب والمفاس هيتغير ساعتها وهشترى جنوط جديده ولا ممكن ساعتها اقدر اركب الجنوط ال 15 اللى كانت راكبه على مقاس العفشه القديمه


وعندى سؤال تانى انا عاوز اظبط العربيه جنوط و موتور حلو بس مش اكتر من 1600 سىسى علشان البنزين وعاوز جنوط ضخمه وكبيره انا شوفت واحد صابى مركب جنوط 15 بس مقاس الكاوتش اللى عليها مش كبير فمش باين الفرق بين قطر الكاوتش بتاعه وبتاى بالرغم انه جنط 15 وانا الجنطال 13 العادى فايه هو اعرض جنط مقاس 15 او 16 ممكن اجيبه ويركب على العفشه الجديده ومقاسه كام والكاوتش اللى يركب عليه ايه اكبر مقاس ممكن اركبه عليه عاوز العربيه تاخد فى اله الواحده اكبر مسافه ممكنه علشان التوب سبيد يبقى عالى

ومش عارف ليه عاوز تبيع عربيتك والله حرام بعد اللى عملته فيها وعاوز تبيعها هانت عليك وبعدين انا يوم ما اغير عربيتى مش هغيرها غير على جولف او بىام اوبس

العفشة الكبيرة بتفرق عن العفشة الصغيرة فى حجم الطنابير وحجم الكوبلن وعدد حلقات الياى

بالنسبة للجنوط والطنابير:
فى كل الاحوال سواء عفشة كبيرة او صغيرة هتلاقى ابعاد المسامير واحدة
لكن الاختلاف بيكون فى قطر الطنبور نفسه
الطنابير الصغير بتشيل جنط من اول 13 الى ماشاء الله
الطنابير الكبيرة بتشيل من اول 14 الى ماشاء الله

يبقى دلوقتى لو جبت اى جنط اكبر من 13 هيركب معاك عادى لما تحب تغير للعفشة الكبيرة

بالنسبة للسؤال التانى: انا مش عارف ايه فكرتك عن علاقة عرض الكاوتش بالتوب سبيد بس هجاوبك

خلينا نتفق ان فيه مقاسات محددة مينفعش نخرج عنها عشان هتبوظ الدنيا لو خالفناها
زى مثلا: متحاولش تجيب جنط اكبر من 16
متحاولش تجيب جنط عرضه اكتر من 7 بوصة
حاول تحافظ على الاوفست للجنط بين 35 وبين 43 وبرده حسب عرض الجنط
طبعا ابعاد المسامير لازم تكون 100x4
مقاس الكاوتش: لو 15 يبقى 50\195
لو 16 يبقى 45\195 او بالكتير 40\205

بالنسبة لعربيتى سبب البيع هو السفر وانى مش هكون محتاجها غير فى شهر فى السنة