كاوتش النيو صنى و جهاز حماية المستهلك

**katoda** · 27-08-2013 06:18 PM

طبعا كلنا عارفين مشكلة الكاوتش السئ فى النيو صنى و انه بيلم الطوب و الزلط كلمت الشركة و طبعا رفضوا يغيرو الكاوتش و قالولى ان ده اول شكوى تجلهم بخصوص الكاوتش !! مع العلم انى فى صيانة ال 1000 كم مهندس الصيانة فى اوتو ايجيبت قالى ان فعلا الكاوتش نقشته عريضة و بيلم زلط شألته اه الحل قالى غيره على حسابك !!
المهم كلمت جهاز حماية المستهلك و كلمنى حد من نيسان مصر قالى ان ده اول شكوة تجلهم بخصوص الكاوتش و انهم مش هيغيروه عشان الكاوتش ده نازل مع تصميم العربية ... حاجة تضحك مش كدا ونبى, المهم قولتله كلامك غلط و الكاوتش ملوش علاقة بتصميم العربية عشان ببساطة لو مورد الكاوتش ده قفل ولا اتحرق بجاز انتم هتجيبو كاوتش تانى من مورد تانى.
جهاز حماية المستهلك كلمنى النهاردة و قالى ان نيسان مصرة ان ده اول شكوة تجيلهم و مش هيعملوا حاجة, قولتلوه طيب و اه دور الجهاز قالى مش هقدر اعمل حاجة عشان ده اول مشكلة تيجى للجهاز بخصوص الكاوتش!! و قالى انه مش هيعمل حاجة الا اذا الشكاوى كتير او انهم يرفعوا الشكوى للفحص بأحدى كليات الهندسة و انا هدفع التكلفة اللى هى 1% من تمن العربية !!!!
ارجوكم يا جماعة لو حد عنده نفس المشكلة يكلم جهاز حماية المستهلك علشان نقدر نجيب جزء من حقنا.
انا رقم شكوتى كانت 227746 يا ريت كل حد يكلم الجهاز يجيب رقم الشكوى عشان ولا الجهاز ولا نيسان يضحكوا علينا
ارجوك خليك ايجابى

**M I D O** · 27-08-2013 07:34 PM

استهتار من حماية المستهلك

**elmkaneeki** · 27-08-2013 10:21 PM

طب ما يلم زلط...فين المشكلة

**mshmshm3** · 27-08-2013 10:43 PM

لا معلش نقول اللي لينا و اللي علينا
الموضوع مش مستاهل كل ده
كاوتش عربيتي بريدجستون و بيلم زلط و قبلها نسر و بيلم زلط اخرها ايه شوية و الزلطة بتقع
العربية جميلة و استمتع بيها

**katoda** · 28-08-2013 08:40 AM

طبعا شاكر لكل الردود حتى الغير متجاوبة بس احب اوضح انى معايا عربية تانية و استخدمت فيها 3 انواع كاوتش مفيش ولا واحد فيهم زى الماكسس الصينى اللى راكب فى النيو صنى و اكيد انا بمشى فى نفس الشوارع و مش بخترع شوارع للنيو صنى عشان اكره نفسى فيها.
ملحوظة انا معايا 3 زمايل فى الشغل معاهم نفس العربية و عندهم نفس الشكوى و ان شاء الله هيكلموا الجهاز و يعملوا شكاوى.

**Msanad** · 28-08-2013 10:16 AM

المشاركة الأصلية كتبت بواسطة katoda

طبعا كلنا عارفين مشكلة الكاوتش السئ فى النيو صنى و انه بيلم الطوب و الزلط كلمت الشركة و طبعا رفضوا يغيرو الكاوتش و قالولى ان ده اول شكوى تجلهم بخصوص الكاوتش !! مع العلم انى فى صيانة ال 1000 كم مهندس الصيانة فى اوتو ايجيبت قالى ان فعلا الكاوتش نقشته عريضة و بيلم زلط شألته اه الحل قالى غيره على حسابك !!
المهم كلمت جهاز حماية المستهلك و كلمنى حد من نيسان مصر قالى ان ده اول شكوة تجلهم بخصوص الكاوتش و انهم مش هيغيروه عشان الكاوتش ده نازل مع تصميم العربية ... حاجة تضحك مش كدا ونبى, المهم قولتله كلامك غلط و الكاوتش ملوش علاقة بتصميم العربية عشان ببساطة لو مورد الكاوتش ده قفل ولا اتحرق بجاز انتم هتجيبو كاوتش تانى من مورد تانى.
جهاز حماية المستهلك كلمنى النهاردة و قالى ان نيسان مصرة ان ده اول شكوة تجيلهم و مش هيعملوا حاجة, قولتلوه طيب و اه دور الجهاز قالى مش هقدر اعمل حاجة عشان ده اول مشكلة تيجى للجهاز بخصوص الكاوتش!! و قالى انه مش هيعمل حاجة الا اذا الشكاوى كتير او انهم يرفعوا الشكوى للفحص بأحدى كليات الهندسة و انا هدفع التكلفة اللى هى 1% من تمن العربية !!!!
ارجوكم يا جماعة لو حد عنده نفس المشكلة يكلم جهاز حماية المستهلك علشان نقدر نجيب جزء من حقنا.
انا رقم شكوتى كانت 227746 يا ريت كل حد يكلم الجهاز يجيب رقم الشكوى عشان ولا الجهاز ولا نيسان يضحكوا علينا
ارجوك خليك ايجابى

من فضلك راجع موضوعى ده
http://www.nilemotors.net/Nile/368656-2013.html

**ebrahim30** · 28-08-2013 04:48 PM

ياجماعة المشكلة مش انة بيلم زلط و الكلام دة الكوتش سئ لدرجة محدش يتخيلها الفرامل ضعبفة و الثبات سئ لاقصى درجة و هبد ورزع مع المطبات نتيجة الخامات السيئة للعجلة و اضطريت انى اغيرة مع الاسف و اشترى دماغى ب 4 فرد بريدجيستون تورنزا gr90 فرق رهيب فى الاداء و الثبات و الفرامل انا بنصح كل الناس الى تقدر تغير العجل دة تغيرة لان التوكيل مش هايعمل حاجة فى الموضوع دة

**Msanad** · 28-08-2013 08:06 PM

انا مستعد اقدم شكوى معاك لحماية المستهلك بخصوص الموضوع ده -لان نيسان بتنكر من الاساس وجود ضمان على الاطارات مع ان كتيب الضمان بيقول عكس كده.

**janagabr** · 29-08-2013 12:48 AM

معلش يا باشا مايلم زلط حتي لو خد الاسفلت معاه
الفرامل بتمسك في الطمبور مش الكاوتش
الكاوتش بيمسك في الارض
لو توزيعه الكاوتش وحشة هنتزحلق في الماء ويبقي كاوتش وحش
لو الكاوتش بيتاكل مع الاسفلت بسرعة يبقي وحش
لو الكاوتش بيتزحلق في الرمل علي طول يبقي كاوتش وحش
انما موضوع بيلم زلط ده مش مقنع ومش سبب
لما بتاع التوكيل ياخدك بالعربية وويفرمل جامد والعربية تقف كويس هايقولك الكاوتش زي الفل
وبالتالي عشان تاخد حقك لازم تقول سبب مقنع للجهاز او التوكيل او اليابان
وتاكد اسبابك بمجموعه من الصور والمعلومات والادله العلميه مع عمل بحث علي النت عن تفاصيل الكاوتش والرسم البياني ومقارنته بالكاوتشات الاستنادرد لثبات سوء جودته ويا سلام لو مضر بالبيئة مع عمل شكوي جماعية مرة كل واحد لوحده ومرة كلكم مع بعض
يعني شويه شغل احترافي صحيح هتتعب بس كله ليك وللي بعدك
طاب هي اليابان اصلا عارفه ان ده نوع الكاوتش بتاع عربيتها ليكون هنا استرخصوا كاوتش ولا حاجة ؟
وربنا معاكوا