قدامى فيليشيا 96 بس قلقان

**pido132** · 27-08-2013 07:32 PM

السلام عليكم
زى ما باين من العنوان انى قدامى عربيه فيليشيا موديل 96
بس انا قلقان من موضوع الحراره الى كل الناس حذرتنى منه
والعربيه من غير تكييف ومرفوعه سنتين
فارجو الرد
مع جزيل الشكر

**romany_ac** · 27-08-2013 08:11 PM

بص انا هقولك على كام حاجة كل الفلشيوية عاملنها ومرتحين من موضوع الحرارة
1-تركيب رادرياتير المونيوم صينى
2-تركيب مروحة 6 ريشة على كتاوت منفصل
3-اتاكد ان وش السلندر مفهوش حاجة
4-استخدام مياة خضرا
5-تركيب ترموستات واطى
6-فك ترموستات الكوعة
كلوا عامل كدة وناسى موضوع السخونية خالص
واستنى رد خبراء الفليشيا علشان ممكن اكون نسيت حاجة وكمان قول على المواصفات بدقة علشان يسعروها.

**sakr_skoda** · 27-08-2013 09:36 PM

الأستاذ :رومنى قام بالواجب من ناحية السخونه وما فيش كلام بعد كلامة....*

انما يابيدو انتا حتشترى عربية؟؟؟؟؟؟؟؟؟؟؟؟

يبقى قبل ما تشترى لابد من كشف كامل على موتور السيارة والكشف الدقيق على هيكل السيارة من البرومة وما شابه بص على الأعتاب بص على كارتيرات العجل بص كويس جدا على الفتيس من تحت وشوف فيه ترشيح زيت ولا تمام بص على حوض السيارة فيه بارومة تحت البطارية يعنى من الخر افحص العربية وخد معاك ميكانيكى فاهم ومخلص ....

**aw2100** · 27-08-2013 10:57 PM

المشاركة الأصلية كتبت بواسطة pido132

السلام عليكم
زى ما باين من العنوان انى قدامى عربيه فيليشيا موديل 96
بس انا قلقان من موضوع الحراره الى كل الناس حذرتنى منه
والعربيه من غير تكييف ومرفوعه سنتين
فارجو الرد
مع جزيل الشكر

اهم مشكله فى الفليشيا اللى قدامك مش حكاية الحرارة لا انها مرفوعة سنتين الفليشيا ركنتها بتبوظ حاجات كتير وخصوصا لو مش مركونة فى جراج زى الموتور نفسة بيملح لو محطوط فية مية حنفية والرادياتير والخراطيم والمارش والدينامو واجزاء فى العفشة فلازم انك تراجع العربية كويس اوى ومبروك مقدما !!