افادة هامة عن تكييف البيجو 301

**m.basha** · 27-08-2013 10:03 PM

يا جماعة حد يفدنا قبل ما نتوكل على الله و نشترى العربية انا سمعت ان الناس بتقول ان تكيفها مش حلو اوى و بيخنق العربية وهو شغال و الموضوع ده سمعتوا كمان فى السى اليزيه واعتقد انها نفس التكنولوجيا ارجو الافادة من ملاك السيارة او من لديه المعلومة و شكرا لحضرتكم

**amrelsaqqa** · 27-08-2013 10:53 PM

انت سمعت من حد معاه الـ 301 نفسها ؟
اصل الكلام كله عن الاليزيه مش عارف ليه

انا لسة اصلا كنت هعمل نفس الموضوع ...

من الاخر :

مطلوب من كل ملاك 301 في المنتدى ان يبصموا بالعشرة ان الـ 301

مختلفة تماما عن الاليزيه في موضوع التكييف

وان التكييف لا يقوم بالتحميل على الموتور او احداث رجرجة او كركرة او هبوط في الـ rpm نهائيا تحت اي ظرف

وانهم جربوا التكييف اكتر من مرة نهارا في ظروف قيادة متعددة سواء داخل المدينة والشوارع المزدحمة او على الطريق

ولم تصادفهم اي مشاكل من نظام التكييف في السيارة حتى الآن ..

**M I D O** · 27-08-2013 11:13 PM

المشكلة دي سمعتها في الاليزية لاكن ال 301 اول مرة اسمع الكلام دة

**mohjarr** · 27-08-2013 11:44 PM

أنا فى ظل الظروف الحالية السيئة لا أستخدم السيارة كثيراً و لكن سافرت بها لأكثر من مرة و ضغط عليها فى طريق العلمين و على النمط الرياضى أيضاً على سرعات عالية و لمسافات طويلة و لم أواجه هذه المشكلة حتى الأن و عداد السيارة عندى حوالى 2500 كيلومتر و لى قريب دائم التحرك بسيارته و عمل بسيارته أكثر من 5000 كيلومتر و لم تواجهه هذه المشكلة ... ننتظر أراء باقى الملاك بس حتى الأن لم أرى أى شخص بهذه الشكوى فى البيجو ال301 . و كما أرى فى قسم الستروين أنه ليس كل السيارات المستلمة بها هذه المشكلة!! بس الغريب إن السيارتين المفروض يتطابقوا فى كل شىء!!

**SERGIOOO90** · 28-08-2013 12:27 AM

اما توكيل عز العرب ده غرييييييييييب جدا العربية سمعتها بتضيع بسبب حاجة تافهة مع إنها عربية حلوة جد

**Hema_Basha** · 28-08-2013 06:40 AM

لك ان تتخيل ان درجة الحرارة عندنا في راس البر بتبقي 37 بالنسبة لينا حر جدا وبشغل التكييف علي 2 في عز الضهر وبوطيه علي علي 1 لاني 2 ده بيخليني اتلج والعربية هتبقي هطير من علي الارض يبقي فين بتاثر علي السحب المشكلة بقي اما تبقي واقفة والتكييف شغال بيبقي صوت المروحة عالي جدا وبيبقي ملحوظ فهل ده عيب ولا د طبيعي

**amrelsaqqa** · 28-08-2013 09:22 AM

المشاركة الأصلية كتبت بواسطة ebrahim mayalo

لك ان تتخيل ان درجة الحرارة عندنا في راس البر بتبقي 37 بالنسبة لينا حر جدا وبشغل التكييف علي 2 في عز الضهر وبوطيه علي علي 1 لاني 2 ده بيخليني اتلج والعربية هتبقي هطير من علي الارض يبقي فين بتاثر علي السحب المشكلة بقي اما تبقي واقفة والتكييف شغال بيبقي صوت المروحة عالي جدا وبيبقي ملحوظ فهل ده عيب ولا د طبيعي

مش مشكلة صوت المروحة ، المهم مفيش خنقة في الموتور ولا رجرجة ولا كركرة ، ولا حاجات من دى

**Hema_Basha** · 28-08-2013 10:10 AM

المشاركة الأصلية كتبت بواسطة amrelsaqqa

مش مشكلة صوت المروحة ، المهم مفيش خنقة في الموتور ولا رجرجة ولا كركرة ، ولا حاجات من دى

والله العظيم يا عمرو ولا اي حاجة والحمد لله انا من اول ما جبت العربية وانا طول النهار مش بطفي التكييف والحمد لله بقالها شهر وعدداها عامل 1800 مفيش اي شكوي من العربية

**amrelsaqqa** · 28-08-2013 10:49 AM

المشاركة الأصلية كتبت بواسطة ebrahim mayalo

والله العظيم يا عمرو ولا اي حاجة والحمد لله انا من اول ما جبت العربية وانا طول النهار مش بطفي التكييف والحمد لله بقالها شهر وعدداها عامل 1800 مفيش اي شكوي من العربية

تسسسسسلم يا كبير ، ربنا يباركلك فيها يارب
هم دول الكلمتين اللى كنت عاوز اسمعهم

دعواتك بقى ربنا يكرمنى والاقيها