الموضوع: مساعدة في اختيار نوع زيت المحرك

المشاركة الأصلية كتبت بواسطة SYD

اكيد خلاص مفيش كلام تاني يتقال بعد كلام الاخوة الافاضل ربنا يباركلنا فيهم
بس انا هقول شوية hints عن موضوع اختيار الزيوت
1- حالة الموتور
2- الكيلومتر
3- متوسط سرعة السير والسرعة القصوي اللي بتمشي عليها مسافات
4- متوسط عدد الكيلومترات في المشوار اليومي
5- التجربة الشخصية


اولا انا قولت الحالة قبل الكيلومتر لأنك ممكن تكون من اول يوم ومن اول كم بتحط معدني تقيل وبالتالي تبقي العربية ماكملتش 60,000 والموتور وسع وتعب وساعتها يبقي مش هينفع معاه التخليقي وكمل زي مانت بالمعدني
والله يا هندسه انا مسقط موتور وطبعا مش عارف حالته من قبل كده كانت ايه او كان بيتحط ليه زيت ايه بس انا من ساعه ماجبته وانا بحط الشل 5000 وده ثالث غيار يعني حطيت مرتين بس قبل كده
ثانيا بقولك الكيلومتر لأن لو محافظ علي عربيتك من اول يوم وبتغير الزيت بانتظام وبتستخدم تخليقي يبقي الموتور ان شاء الله هيفضل بحالته لحد ال100,000 او ما يزيد

ثالثاً انت متعود تمشي علي سرعة كام ؟ التخليقي مع محرك قديم نسبيا (بقول نسبياً لهدف هقوله) يبقي خراب بيوت لهواة الجري والسرعات العالية
ممكن يبقي موتورك مش بياكل زيت مع الزيت المعدني لكن اول لما تحطله تخليقي تلاقيه حرقه - يبقي كدة موتورك قديم نسبياً - ودة حصل معايا شخصياً (تجربة الليكوي مولي)
لا انا مش بجري قوي ومش بمشي براحه عادي يعني بس اقصي سرعه لي 120
رابعاً مشوارك اليومي - لو بتقطع مسافات قليلة في الحر مع عدد مرات تشغيل وتبطيل كتير - يبقي انت بتهلك الزيت واحسنلك زيت نصف تخليقي او معدني وتنزله علي كيلو متر قليل يعني 5000 بالكتير
لكن لو سكتك كلها طوالي ومسافات طويلة (حتي لو في الحر) يبقي تحط تخليقي وتكالك علي الله
مشواري في الاغلب صغير واغلب تحركاتي يا اما دائري يا محور المشي جوه البلد قليل جدا
خامساً واخيراً كل الهري دة مالوش قيمة جمب التجربة الفعلية ودة اللي قاله المهندس ايهاب في اول مشاركة
ان شاء الله هجرب وربنا يكرم

تحياتي

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

والف شكر ليك يا كبير الابيزاويه

كلمتهم ( زادوا ) رد عليا هيثم وقالى خلاص طالما انت تبع نايل موتور هنعمل خصم 10% هيييييييييييييييييييييييي يييييييييييييه

كاسترول مجناتيك 5000

بس ده نادر شوية - لان الموجود 10000