الموضوع: القاهره

المشاركة الأصلية كتبت بواسطة gelgel2004

السلام عليكم
اود ان اسرد تجربتى فى عاذوها الموضوع
معا اختى فيكترا 95 / 2000 / اوتو
طبعا مشيت بالزيت اكثر من 70000 الف لحد ما النقل بقى تقيل
روحت و غيرت الزيت ليها و قتها كان نوه موبيل atf 3
الزيت نزل هباب طبعا و اضطريت اجيب اكثر من 4 لتر - اظن كده - و بعدها بجرب الفتيس علق
روحت لبتاع فتيسات اوتو مشهور جدا فى احمد سعيد و جكيتله
قالى ياباشا الزيت القديم بالرايش و الوساخه اللى فيه هيا اللى كانت بتعشق لان الفلنشات او الاسطوانات فوتت من الزيت القديم و الرايش هو اللى كان بيساعد فى التعشيق و لما حطيت حضرتك الزيت الجديد نزل الرايش و الزيت بقى خفيف و الكلنشات مبيعشقش الا بنتشه
الحل ايه ياعمنا
رد عمنا : طقم اصلاح ب 600 جم و الطقم المانى - موش اصلى - و مصنعيه 600 جم و طبعا لك ان تتخيل فتيس فيكترا بيتفك لاول مره :(
المهم
نتائج التجربه
1/ لو العربيه متصانه و بتغير الزيت كل 40000 الف يبقى مافيش مشكله - توكل و غير
2/ نوع الزيت لازم يكون محترم و انصح بوولف او شل او موبيل 320
تحياتى و متنساش لو فيها فلتر لزيت الفتيس غيره احسن

تسلم ياباشا بس حضرتك العربيه انا جايبها مستعمله ومعرفش عنها حاجه بس ولا بتنش ولا حاجه وفعلا اتقاالي الكلام ده فقلقت وسيبتها على كده وانا مشاوير داخل البلد وقليله

تغيير الزيت مش محتاج حد كويس ، أي واحد بتاع زيت أو البنزينة هايغيرهولك
ممكن تسأل صاحب العربية وتسأله كان غير زيت الفتيس قبل كدا ولا لأ ومش مشكلة العداد ، المهم هو كان بيغيره ولا لأ
على أي حال منطقياً لو العربية اللي معاك حالتها كويسة وباين عليها بنت ناس يبقى كان بيغيره

المشاركة الأصلية كتبت بواسطة ayman hamdy

غير الزيت عند اى بنزينة وعلى مسؤليتى ومتخافش اوى كدة مفيش مواويل ولا حاجة الموضوع بسيط جدا وتوكل على الله وتحياتى

هههههههههههههه الف شكر ياباشا بس جلجل بيقولك جنيه تصليح بس 1200 بس ان شاء الله هغيره واقولكم

المشاركة الأصلية كتبت بواسطة maam

تغيير الزيت مش محتاج حد كويس ، أي واحد بتاع زيت أو البنزينة هايغيرهولك
ممكن تسأل صاحب العربية وتسأله كان غير زيت الفتيس قبل كدا ولا لأ ومش مشكلة العداد ، المهم هو كان بيغيره ولا لأ
على أي حال منطقياً لو العربية اللي معاك حالتها كويسة وباين عليها بنت ناس يبقى كان بيغيره

الف شكر ياباشا وربنا وفقنا في الخير

المشاركة الأصلية كتبت بواسطة cayman69300

طب هاقول اقتراح لن يختلف علية حد
اسحب 2 لتر بمكنة الشفط و حط مكانهم 2 لتر
و بكدة هتحافظ على لزوجة الزيت احسن من الاول و على كلام الناس الرايش هيبقى موجود
يعنى امسك العصاية من النص و انا بتكلم بجد مش تريقة على فكرة

فكره برضو واكيد هتبقا احسن شويه شكرا ياباشا