سؤال عن تكلفة دهان سيارة متوسطة (إبيزا 94)

**aid904** · 08-09-2008 11:56 PM

انا لسه راشش 127 من شهر التكلفه 800 جنيه ودة حسب شطارة البوهيجي وكمان شطارتك في الفصال معاة
ثانيا انصحك تجيب اوميجا كيلو ونص او اتنين إلا ربع رخيصه وحلوة
البوهيجيه دول اسواء صنايعيه من حيث الامانه فعلا كما قال احد الاخوة اشتري البويه معاة بس خليها معاك انت لحد يوم الرش وروح معاة بس هيبقى يوم متعب شويه معلش
اخيرا لوهترش عادي مش ميتلك يبقي متجيبش ورنيش
رابعا بعد ما تخلص ممكن تديها وش واكس لحمايه الدهان

**MotorX** · 09-09-2008 02:22 PM

المشاركة الأصلية كتبت بواسطة aid904

انا لسه راشش 127 من شهر التكلفه 800 جنيه ودة حسب شطارة البوهيجي وكمان شطارتك في الفصال معاة
ثانيا انصحك تجيب اوميجا كيلو ونص او اتنين إلا ربع رخيصه وحلوة
البوهيجيه دول اسواء صنايعيه من حيث الامانه فعلا كما قال احد الاخوة اشتري البويه معاة بس خليها معاك انت لحد يوم الرش وروح معاة بس هيبقى يوم متعب شويه معلش
اخيرا لوهترش عادي مش ميتلك يبقي متجيبش ورنيش
رابعا بعد ما تخلص ممكن تديها وش واكس لحمايه الدهان

شكرا أخي الكريم على النصيحة ، ومازلت في انتظار أن يدلني أحد الزملاء على بوهيجي شاطر و أمين.

تحياتي.

**MotorX** · 11-09-2008 04:01 AM

لسه في انتظار حد يفيدني.

تحياتي.

**dream_man1110** · 12-09-2008 09:22 AM

اخى العزيز ممكن نقول عايزين نلم العربيه دوكو . فى دوكو يوتن الكيلو 75 جنيه و عربية حضرتك تاخد كيلو و نص المصنعيه من سحق و تلقيط و بطانه حسب الشغل ايللى فى عربيتك يعنى ممكن 200 لحد 350 و الفرن تكلفته 80 جنيه للعربيه يعنى تقريبا 550 جنيه

**MotorX** · 12-09-2008 03:38 PM

المشاركة الأصلية كتبت بواسطة dream_man1110

اخى العزيز ممكن نقول عايزين نلم العربيه دوكو . فى دوكو يوتن الكيلو 75 جنيه و عربية حضرتك تاخد كيلو و نص المصنعيه من سحق و تلقيط و بطانه حسب الشغل ايللى فى عربيتك يعنى ممكن 200 لحد 350 و الفرن تكلفته 80 جنيه للعربيه يعنى تقريبا 550 جنيه

شكرا أخي الكريم للرد ، وكنت عايز أسأل لو تعرف حد كويس بتاع دوكو.

تحياتي

**dream_man1110** · 13-09-2008 02:05 AM

اخى العضو كلهم تحف زى بعض بس المهم انك بعد المعجون و التلقيط مش تغلط غلطتى و ترش العربيه على طول . سيبها يومين تعضم الاول و باذن الله تطلع زى الفل

**mohamedok** · 14-09-2008 02:35 AM

السلام عليكم ورحمة الله وبركاته

اود ان اشكر العضو صاحب هذا الموضوع لانه موضوع هام جدا وكل واحد فينا معرض للتعامل مع البهيجيه كثيرا وبصراحه الاعضاء الافاضل الى اثروا هذا الموضوع بالمعلومات لهم منى كل تقدير واحترام على هذه المعلومات القيمه والثمينه والتى كانت نتيجه لخبراتهم السابقه وارادوا ان يفيدونا بها لكى لا نقع فى المشاكل التى واجهتهم عند التعامل مع هذه الفئه من الصنيعيه خاصة معدومى الضمير منهم

اخيرا ارجو ان استفسر من حضراتكم عن الانواع الجيده من البطانه والمعجون الذى يستخدم قبل الدهان الاخير بالفرن وذلك طبعا لانك لما تزنق الصنايعى وتجبلوا البويه وتدفع الفرن هيحاول يشتغلك فى اى حاجه تانيه وممكن تكون البطانه والمعجون فيجبلك خامات رديئه وبالتالى تضيع كل الشغل بعد كده وهنا نقدر نقول بالمثل البلدى " جيت تصيدوا صادك "

اكرر شكرى وتقديرى لكل الاعضاء الافاضل الذين لم يبخلوا علينا بكل هذه المعلومات القيمه جزاهم الله كل خير واثابهم عنا جميعا خير الجزاء والثواب

تحياتى وتقديرى

**dream_man1110** · 14-09-2008 04:09 AM

المشاركة الأصلية كتبت بواسطة MotorX

شكرا أخي الكريم للرد ، وكنت عايز أسأل لو تعرف حد كويس بتاع دوكو.

تحياتي

اخى العضو الموقر اخاف اقولك على حد معين يعمل حركة نداله معاك يبقى انا اذيتك من غير ما اعرف . اتوكل على الله و اسال على صنايعى كويس فى المنطقه ايللى انت فيها و ربنا يسهل

**superkenwood** · 18-09-2008 04:42 PM

لو عايز أرش اكصدامات بس (نظافة) اللون فضي ميتالك .. هل حيكون في فرق في اللون بينها وبين جسم السيارة ؟ و ياترى الاكصدامين لأوبل فيكترا يأخذوا أكثر من كيلو ؟ وهل موضوع المعجون بينفع فعلا في الاكصدامات ؟ أصل ناس كثير بيقولوا انه خرف ؟؟
في حاجة كمان .. كنت راكن تحت برج تحت التشطيب ولما جيت أركب العربية لقيب على العربية والزجاج بقع بوية بيضاء بقالها أكثر من 6 شهور على العربية لغاية دلوقتي .. بصراحة ماحاولتش أشيلها بأية مواد مذيبة خوفا على طلاء السيارة .. حد يعرف يقولي أعمل ايــــــه ؟؟؟!!!