محتاج رأيكم ضرورى فى عربية فولفو

**mohammed dodda** · 29-08-2013 12:14 AM

أمامى سيارة فولفو 244 gl موديل 82 فبريكة جوه ورشة بره مكنة 2100 سىسى كاربرتير مانيوال وكمالياتها باور وسنتر وتكييف وصاحبها بيقول انها كانت مرفوعة فترة....ايه رأيكم فى العربية دى من حيث الاداء والاعطال-العيوب-الصيانة وقطع الغيار-الضريبة السنوية ومتوسط استهلاك البنزين ...وايه السعر المناسب ليها؟؟

**saddam** · 29-08-2013 12:43 PM

العربية كويسة وقطع غيارها موجوده وأسعارها لا تزيد عن 27 ألف وتلاقي ب 22 ألف حسب الحالة

**mohammed dodda** · 30-08-2013 04:05 AM

شكرا يافندم...وطبعا حيث أنها عربية بقالها 31 سنة شغالة ياريت أعرف من خبراء الفولفو أخد بالي من ايه فيها ؟ وايه اللي ممكن أتغاضي عنه؟

**saddam** · 30-08-2013 02:27 PM

الفولفو أكثر ما يميزها هي العفشة وتماسكها فلو إشتريتها حتى لو عفشتها نص نص متركبهاش قبل متوديها لبتاع عفشة محترم يرجعلك العفشة عالزيرو عشان تعيش تجربة قيادة ممتعة ولو كان لونها أبيض أو بيج أو برتقالي فغير اللون ده ﻷنه مش لايق عليها وبالتوفيق

**mohammed dodda** · 30-08-2013 03:51 PM

طيب أنا قرأت فى منتدى لملاك الفولفو240/244 واحد منهم بيقول ان (الصاج بتاعها غير مقاوم للبارومة وانها بنتشر فيها بسرعة ومحتاجة متابعة مستمرة واول مابتظهر بتكون حول الزجاج الامامى وعند فتحة تانك البنزين)...فهل الكلام ده حالة فردية ولا عيب شائع؟؟
وأسف على الاطالة سيد صدام بس انا أهم حاجة عندى ان العربية تكون ثايتة وسريعة لان معظم سواقتى سفر وجرى بحكم شغلى(يعنى 160 -170) ومحبش العربية اللى تحجمنى على الطريق...تفتكر مكنة من سنة82 بفرض الحالة الجيدة هتبقى لسه جراية ولا راحت عليها؟؟

**saddam** · 31-08-2013 02:06 AM

البارومة لو مطلعتش في عربية من سنة 82 في مصر فدي معجزة أما بمجرد مترش السيارة ومتخليش البوهيجي يجيب خامات حط إنت خامات على مزاجك العربية حتتبطن وحتتعزل ومفيش أي مشاكل للبرومة
السؤال اﻵخر هل تستحمل العربية سرعة 160 نعم تستحمل ولكنها تحتاج مروحة إضافية أمام الراديتر وتحتاج راديتر جديد 3 صفوف وركب ثرموستات 82
أما موضوع اللي إنت حتجيبها حتجيب مكنتها 160 على طول فبالتأكيد ﻷ إنت لما تجيب عربية مستعملة لازم تكون هاديء ومتزعلش لو مرتين تلاتة طلعتها على ونش كل مرة ب 200 جنيه لغاية متتظبط عندك كل حاجة في العربية على مزاجك غير كده متحطش في بالك حشتري عربية من السوق أو من بيت وحنزل أسافر كل يوم أو كل أسبوع على 160 من غير مترتب فيها شوية حاجات قد تصل إلى 7 أو 8 آلاف بعدها خد راحتك إمشي 200 بس متشتريش عربية بكل فلوسك ومتعملش حسابك إنك محتاج تغير فيها شوية حاجات ودمتم للنضال