تقييم سئ ل بيجو 301

**eng.salama93** · 27-08-2013 10:31 PM

و انا بركن العربية بتاعتي ( رينو أوبتيما 97 )
كان في بيجو 301 واقفه مكاني .. فا طلعت و ركنت ف مكان تاني
انا طبعا بعد اللي سمعته عن بيجو 301 قولت لازم انزل اتفرج عليها

أولا شكل العربية .. العربية مش عريضة بعكس السيراتو و الكرولا و الإلنترا .. ولو ان دا اكيد معمول حسابة ف الثبات بما ان العربية أوروبي
ثانيا : الخامات .. خامات الطابلوة جيده جدا و أيضا خامات الكراسي و فرش الأبواب
ثالثا : صوت الموتور .... مززززززززززززعج جدا و عالي أوي لدرجة أنه كان أعلي من صوت اللانوس موديل 2001 بتاعه جاري و اللي كان بيركن ف نفس الوقت
إضائة الفوانيس الأمامية ... سيئة للغاية و لونها أصفر أوووي كأن العربية البطارية بتاعتها ضعيفة
و كأن الفوانيس منقوعة ف مية و ملح ف الشمس بقالها شهرين ولا حاجة
ياريت اللي معاه العربية دي أو جربها يقولي رأيه فيها عشان انا مش عارف العربية دي مالها كدا معاكسه كل كلامكم عنها
العربية كانت سايقاها بنت .. مش عارف بقي هي هلكتها بالسرعة دي ولا أيه النظام

**mohamed hussei** · 28-08-2013 10:22 AM

متابع

**Rsarabia** · 28-08-2013 12:55 PM

لأ هى فعلا زى ما حضرتك قلت
بس جودة التابلو و الخامات مش قد كدا بردو

**mohamed_rhem** · 28-08-2013 01:00 PM

واحد صعيدي بيقول "وكل الحلاوة حلو قوي يابوي"

الثاني بيسأله "انت دوقتها"

رد عليه "لاء بس واد عمي شاف اللي عيلحس الورقه"

يعني لا هو ولا ابن عمه اللي شاف ولا حتي اللي لحس الورقه داق طعم الحلاوة

**hugan** · 28-08-2013 03:43 PM

المشكله هنا في المنتدي ان كل واحد يشتري عربيه اقتصاديه وبسيطه
بقدره قادر تتحول لعربيه سوبر كار
مع انها المفترض انها عربيات اقتصاديه ورخيصه في السعر
يتحول الموضوع لقصايد شعر في قدره العربيه الخارقه

ونها تتفوق علي اعتي المنافسين
وعلي الفئات الاقوي والاجود والاغلي سعرا منها
وفي حقيقه الامر ان معظهم بيكون عربيات عاديه جدا

ومليئه بالمشاكل زيها زي اي عربيه
الطبيعي يعني
نفس الكلام ينطبق علي الرينو اللوجان
عربيه بتمشي علي الارض والبحر وعلي الحيط كمان

**mohamed_selim** · 28-08-2013 11:31 PM

الراجل مقالش حاجه محتاجه تجربه ... هو نقل اللى شافه فبالتالى اللى عمال يتريق و واخد الكلام على صدره يرد على النقط اللى الراجل اتكلم فيها و ينورنا بالصح ...
الراجل اتكلم على صوت الموتور و عرض العربيه (و تساءل عن الثبات و قال اكيد واخدينه فى الاعتبار) و اتكلم على نور العربيه.... و حد تانى اكد عليه .... يا اما الكلام ده صح يبقى مداخلات الاخوه بتوع الحلاوه ملهاش لازمه يا اما مش مظبوط فيبقى الاوقع انهم يدونا الحقيقه بناء على تجربتهم للحلاوه !