المية بتغلى ارجوكم ساعدونى

**moshax** · 29-08-2013 03:43 AM

انا تعبت مع العربية ومش عارف اية الى بيحصل دا ... عربيتى لانوس من حوالى سنة اتخبطت وغيرت الريداتير اشتريت الكورى ابو 300 جنية هو معروف
بعدها بفترة علبة الريداتير اتخرمت وغيرتها ولاحظت ان العربية بتاكل مية كتير نسبياً وبتسخن بسرعة سالت ميكانيكى قالى عادى هى الانوس بتسخن بسرعة فامهتمش للموضوع
من حوالى شهر لقيت العربية بتنزل مية كتير اول ما وقفت بصيت لقيت القربة مخرومة غيرتها وبعدين لقيت المية بتخلص بسرعة برضوا وبعد كام يوم لقيتها بتنزل مية تانى كشفت ع الريداتير لقيتة فى خرم اتلحم وعلبة الريداتير مخرومة غيرتها وبرضوا العربية بتاكل مية وبعد كام يوم لقيتها نزلت مية كتبر روحت لميكانيكى قالى مغيش اثر لتسريب مية زودنا مية واستنينا لما العربية سخنت لقينا الغطا بتاع القربة بينزل المية غيرتة بس الوضع مش متحسن لو مشيت ربع ساعة بالعربية وقرصت ع الغيارات اول ما اركن الاقى صوت بقبقة كان المية بتغلى فى القربة والخراطيم - مؤشر الحرار مبيعلاش عن المعدل بتاعة مش عارف بايظ ولا طبيعى" ياريت حد يفيدنى لان حاسس ان فى حاجة بتخلى المية تسخن كدا وتسبب التلف فى الريداتير والقربة مش معقول يكونو باظو مرة واحدة كدا ورا بعض !!

**Mecha** · 29-08-2013 05:31 AM

may be driving pattern is rough

**Ahmed_Ramadan** · 29-08-2013 10:37 AM

شوف الريدياتير عاوز يتسلك أو ترموستات الكوعة بيعلق

**HeMa_LanCeR** · 29-08-2013 10:46 AM

انا كان عندي مشكلة الغليان دي واتحلت لما غيرت القربة بالغطاء

**moshax** · 30-08-2013 12:11 AM

المشاركة الأصلية كتبت بواسطة ahmed_ramadan

شوف الريدياتير عاوز يتسلك أو ترموستات الكوعة بيعلق

المفروض ان الريداتير لسة ملحوم ومجربة هناك كويس ! ترموستات الكوعة دى الى تحت سير الكاتينة ؟

**moshax** · 30-08-2013 12:12 AM

المشاركة الأصلية كتبت بواسطة hema_lancer

انا كان عندي مشكلة الغليان دي واتحلت لما غيرت القربة بالغطاء

هل كانو مخرومين او فى تسريب عندك ولا اية سبب تغيرهم ؟

**a_arazik** · 30-08-2013 08:12 AM

لو الماية بتنفخ زي ما حضرتك بتقول دة يبقي عيب جوان وش سلندر

**Elawany13** · 30-08-2013 09:08 AM

لما الميه تغلى مينفعش تسكت
احتمال ان تريموستات الكوعه قافش غير صحيح لإنه لو قفش الميه السخنه هتتحبس عند وش السيلندر انما الرداتير والقربة هتلاقى الميه باردة خالص

ممكن يكون سبب الغليان المروحة بايظة أو ضعيفه
ممكن تكون طرمبة المياه فيها مشكلة
ممكن يكون الرداتير عايز يتسلك

الاحتمال الأكبر لمشكلتك انه جوان وش السيلندر
والله اعلم