الموضوع: عدة مشاكل في عربيتي ارجو الافادة

افيدوني افادكم الله.

السلام عليكم

انا عربيتي لانوس 2001 عاملة 171 الف باستخدم بنزين 92

أولاً: بداية العربية استهلاكها في البنزين مش كويس حوالي 140 – 150 في الصفيحة .. كشفت عليها مرتين كمبيوتر في مكانين مختلفين ويتقالي العربية مفيهاش حاجة حساسات سليمة ورشاشات سليمة، غيرت فلتر البنزين مرتين، غيرت حساس الشكمان، البوجيهات مش بتطلع مهببة ومش بتغيب في الدوارة خالص ولا بتطلع دخان من الشكمان، ومواعيد السرفيس بعملها بانتظام، ولحد دلوقتي مش عارف احدد المشكلة فين.

ثانياً: من حوالي شهر ابتديت اسمع صوت صفارة (أو نحره) لما بدوس بنزين وعداد الار بي ام بيقرب على 3 وبيستمر طبعاً بعدها وبسمعها بوضوح مع الغيار الاول والثاني، الصفارة (او النحرة) بسمعها وانا سايق لكن لما بفتح الكبوت وبدوس بنزين مش بسمعها.

ثالثاً: جاء ميعاد تغيير سير الكاتينة والسرفيس، ومن حوالي اسبوع تم عمل السرفيس بالكامل تغيير جميع الفلاتر وتغيير البوجيهات وسلوك البوجيهات وتغيير الزيت ونظافة الايدل والبوابة وتركيب سير كاتينة GM، ونظفت دورة المياه وحطيت مياه جديدة .. والنتيجة ان اداء العربية ازداد سوء .. استهلاك البنزين سيء صوت الصفارة (أو نحره) زي ما هو وبقى واضح جداً. السحب ازداد سوء وخصوصا مع التكييف .. لما بدور العربية الصبح وانا فاتح الكبوت بسمع صوت يشبه الرفرفة من ناحية سير الكاتينة، ولما العربية بتسخن وبمشي بيها الصوت مش بسمعه.

في حاجة حصلت والميكانيكي بيعمل السرفيس .. فيه بلف بفيشه جهة اليمين وانا واقف امام الكبوت خارج منه خرطوم رفيع اتكسر من الميكانيكي وهو بيفكه روحت علشان اشتريه قالولي مش موجود واسال عند بتوع التكييفات .. المهم الميكانيكي لازقه بأمير وانتهى الموضوع .. مش عارف دا ليه تاثير والا ايه.

افيدوني افادكم الله

صورة البلف اللي اتكسر

المشاركة الأصلية كتبت بواسطة abo_lamar

سير الكاتينة لو مأخر العربية حتدور عادي بس حتلاقي سحبها اي كلام زي ما حصل عندي قبل كده ولما رجعت للميكانيكي ظبط التقسيمة تاني والعربية رجع سحبها تمام التمام .

ما هو انا عاوز افهم الحتة بتاعة سير الكاتينة مأخر .. يعني ايه سير الكاتينة مأخر هو مش سير الكاتينة دا عبارة عن سير راكب على ترسين؟؟ نفسي افهم يعني ايه مأخر أو مقدم ؟ علشان حاسس ان فعلا سحب العربية ازداد سوء بعد ما غيرت سير الكاتينة وعملت السرفيس الاخير دا، وكمان علشان احاول افهم الباش ميكانيكي علشان يقتنع ويحل الكاتينة ثاني.