الإهمــــــــــــــــــــ ـــــــــــــــال

**iunknown** · 06-09-2008 12:53 AM

الموضوع ده موجه بالدرجة الأولي للمهندس طارق (مصراوي جدا) انا بحترم ردودة وحرصه على سمعة الشركة والعربية
بس الاهمال اللي بيحصل في مركز الصيانة بقليوب بجد ماينفعش ينسكت عليه. ولازم الادارة تاخد فعل لو فعلا عايزين يحافظوا على مصداقيتهم

انا حصل لي حادثة راح فيها الفانوس الشمال والاكصدام والرفرف الشمال (قدر الله وما شاء فعل)

المهم العربية خدت اسبوع في الصيانة ورحت استلمتها للاسف ماشيكتش على النور كويس علشان استلمتها الضهر

اللي حصل ان الفانوس اللي اتركب على طول على العالي بمجرد ما أنوره
يعني بيبقى اليمين (اللي هو ماتغيرش) على الواطى والشمال للي اتغير على العالي ولما انور العالي اليمين بيقى عالى والشمال عالي

يعني الكهربائي اللي اشتغل فيها ماكلفش نفسه انه يشيك على شغله

انا استلمت العربية يوم الخميس (امبارح) وغالبا مش هروح قليوب مخصوص علشان الموضوع ده
ممكن اروح جسر السويس

ا. طارق

حضرتك هنا ممثل الشركة واتمنى فعلا ان رسالتي توصل للادارة عندكم

احب اضيف ان شاحن التليفون + حافظة السيديهات + 2 سي دي ضاعوا

ايوة كانوا في العربية ومتسجلين في المحضر بتاع الاستلام وانا منارضيتش اطول وأكبر الموضوع علشان الموضوع مش مستاهل
بس مبدأ ان حاجة تضيع من العربية ما اظنش انه ينفع في شركة كبيرة زي شركتكم

**mraslan_1987** · 06-09-2008 01:01 AM

أنا مقدرش أققول غير حسبى الله ونعم الكويل فى كل التوكيلات المهملة إللى مبيهمهاش غير أنها تبيع العربية وبس وبعد كدة نخبط دمغنا فى الحيطة وربنا يكفينا ويكفيكوا شر الأهمال
وعلى فكرة (هو دة إللى جايبنا ورا وعمرنا ما هنتقدم طلاما مش عارفين نراعى ربنا ولا على الأقل نرضى ضميرنا وربنا يتولانا برحمتوا فى الزمن دة )

**lovelorn** · 06-09-2008 02:10 AM

من الملاحظ ان الأهمال فى اسكندرية والقاهرة

نفسى فى مركز صيانة مخترم زى بتاع الرينو

انا متهيألى ان مركز الصيانة دى مش حتتعدل طول ما المديرين مصريين

ربنا يصبرنا جميعا وندعيلهم ان هما يراعوا ضميرهم شوية

**momenhamdy** · 06-09-2008 02:23 AM

معلش بس حضرتك مفروض ماتسبش حقك خــــــــــــــــــــــــ ـــــــالــــــــــــــــ ــــــــص و معلش حتي لو حتعطل وقتك و شغلك بس في الاخر دا حقك لازم الواحد يخدوا من عينهم و لا انا كلامي مش صح ؟؟؟؟

**iunknown** · 06-09-2008 02:28 AM

المشاركة الأصلية كتبت بواسطة momenhamdy

معلش بس حضرتك مفروض ماتسبش حقك خــــــــــــــــــــــــ ـــــــالــــــــــــــــ ــــــــص و معلش حتي لو حتعطل وقتك و شغلك بس في الاخر دا حقك لازم الواحد يخدوا من عينهم و لا انا كلامي مش صح ؟؟؟؟

حضرتك عندك كل حق طبعا

انا كنت مستعجل وبعد اسبوع من غير عربية كنت عايز اخلص

لكن كموضوع حق مكانش المفروض اعمل كدة

**Chicco** · 06-09-2008 02:34 AM

في انتظار رد طارق باشا .......بس الاول حمد الله على السلامة

**محمد أنور** · 06-09-2008 03:03 AM

هو حضرتك كنت سايب الحاجات دي فالعربية ؟ انا لما سبتلهم العربية لما كانت عاملة حادثة فضيت كل حاجة فيها .. حتى الولاعة بتاعت العربية اخدتها ..
اصل انت سايب العربية تحت ايد صنايعية مصريين حتى لو كانوا فالتوكيل.. و طبعا الصنايعي المصري معروف بأمانته هههههههه
لكن موضوع التشييك دة فكان لازم حضرتك متستلمش غير وانت راضي عن كل حاجة .. انا لما جيت استلم العربية كنت بطلعلهم عيوب فالرش بتاعهم قاموا اخدوها تاني ظبطوها كويس و استلمتها تمام
بس ان شاء الله تبقى حاجة بسيطة متقلقش نفسك

**مصراوي جدا** · 06-09-2008 12:54 PM

الاستاذ iunknown تحية طيبة

طبعا اللي حصل ده ميرضيش حد واحنا بنعتذر عنه وهيتم كمان معاقبة المسئولين عن الاهمال ده.

انا عرضت الشكوى على المهندس مدير عام الصيانة بالشركة ورده كالتالي :

أولا : نعتذر عن الخطأ الحادث بحركة النور الأمامي ، برجاء التوجه الى فرع جسر السويس لضبط النور.

ثانيا : محضر التفتيش الخاص بالسيارة لا يوجد به شاحن السيارة ولكن يوجد به اسطوانات ، برجاء مراجعة الشركة لتحديد نوعية الاسطوانات المفقودة.

- يعني بخصوص النور حضرتك ممكن تعملها في فرع جسر السويس في أي وقت يناسبك ومش هتاخد وقت خالص ولا طابور طبعا (ارجو الاتصال بي 0122812742 لابلاغ مدير فرع جسر السويس ببيانات العربية).

- بخصوص المفقودات هو محضر التفتيش فيه السيديهات وبالتالي هي مسئولية موظف التفتيش فأرجو تحديد تكلفة السيديهات ويمكن صرفها من فرع جسر السويس خلال الزيارة.

**مصراوي جدا** · 06-09-2008 01:40 PM

اتصلوا بيا دلوقتي من الورشة بيلغوني ان حافظة السيديهات وال 2 سي دي تم تسليمهم بالخطأ لعميل تاني من اسكندرية وتم الاتصال به وقال ايوة انا فعلا استلمتهم كنت فاكرهم بتوع واحد صاحبي
وقال انه هيجيبهم في اقرب فرصة

لو تحب تنتظر لحين وصولهم - يبقى وفرت الخصم من الموظف المسئول بقيمتهم وان كان قد حصل على انذار كتابي نتيجة الاهمال. وكذلك الكهربائي اللي اشتغل في العربية.