السلام عليكم ورحمة الله وبركاته

انا هحكيلكو الحكاية من البداية للنهاية

في البداية شهر 4 اللي فات تقريبا لقيت العربية مرة واحده سخت وجابت ال 100 وانا كنت ماشي في البلد مش علي طريق سريع روحت طافي التكييف لقيت الحرارة نزلت

علي قد خبرتي روحت رايح علي الماية لقيتها تمام
المهم حصلت وانا راجع من المشوار اللي كنت فيه تاني قولت لا كدا ميكانيكي .. روحت علي صابر اول حاجه منصور قالي يا باشا دا الارضي مهرب طبعا انا مش مقتنع اوي بس هو قالي انه لو مهرب ممكن يخلي المروحة الكهربا متشتغلش كويس وممكن اصلا يكون الامبير بتاع الحرارة هو اللي مش متظبط كهربا
قولتله طيب ايه قالي هنغيره قولتله غير وخد 150 جنيه ... مااا علينا

وروحت وبعد اول مشوار لقيت نفس الموضوع رجعلته تاني قولتله لسه المشكلة موجوده نده حماده وخلاه يشتغل فيها بص علي المراوح قالي المقاومة مش شغاله قولتله بمعني قالي انها مش هتشتغل سرعتين قولتله طيب نشغلها سرعه واحده .. دخلني في حوارات كتييير كدا ملخصها ان لا المروحة دي كدا خلاص طيب ايه قالي المروحة الاستيراد ب 450 جنيه قولتله والجديد قالي معرفش سالت وجبت استيراد تايواني ب 300 جنيه تقريبا او 350 مش فاكر وروحتله بيها ومكنش عارف يركبها وكانت حاجه نيلة وفي الاخر شبطها بأفيز
وفضلت الحرارة علي نفس الموضوع دا متغيرتش برضو بتزيد مع التكييف بس انا كنت زهقت من الطريق بتاع صابر ومن الانظار المبالغ فيه وندور علي الصنايعي ونجيبه من كل حته غير ان شغله في الكهربا وحش جدا ومش نضيف مقارنتا بعبد الراضي كان عند عبد الراضي يخلص ويقفل علي الفيش كلها بأفزان ويظبط كل حاجه لحد لما مرة في العيد اللي فات المروحة فصلت خاااالص ومكنتش عايزه تشتغل وكانت مشكلة فيوز وكنت في التجمع والعيد ومش عارف ارجع والعربيه اخرها تمشي 10 دقايق ربع ساعة وتوصل للاحمر اساسا بس المشكلة ان في مروحة تانيه الصغيرة المفروض تكون شغاله وعلي الطريق السريع ومنغير تكييف تتدخل هوا وتبرد شوية ودا مكنش بيحصل
ودا لييييييييييييييييه
لان العكس كان بيحصل المروحة كانت بتلف عكس كانت بتجيب الهوا من جوا لبرا واللي اكتشف الموضوع دا ميكانيكي تحت بيتنا ولا واخد شهرة ولا بتاع اوبل ولامتصيط وبتاع .. وطبعا اللي حاصل دا كان بسبب ان الباشا كان مركب الفيش باستهتار
المهم ركبنا الفيش صح والمروحة الصغيرة اشتغل تمام التمام نيجي للمروحة الكبيرة ( الجديدة ) فكها ولقينا المقاومة فاصلة والفيوز مش متظبط وليلة كدا المهم لحم المقاومة واتركبت واشتغل وزي الفل وخلصنا الموضوع دا كله وخليته شغلها علي السرعة التانيه كمان علي طول

ورجعت لنفس المشكلة الاولانيه
بعد كــــــــل دا بئا لسه برضو العربيه بتسخن وتحديدا مع التكييف

افيدوني يرحمكم الله