معك حق أخي الكريم.. لولا اختلاف الأذواق لبارت السلع.. جزاك الله خيرا على هذه الإضافة الهامة، وربنا يقدر الخير حيث كان ثم يرضينا به.
اوبا الاسترا عدت
بيقلك اتقل تاخد حاجه نضيفه
ياجماعه بمنتهى الامانه عربيتين الماظ والموضوع فى الاخر راحه نفسيه
فين ياعم صاحب الموضوع
اشتريت ايه حضرتك بعد ما الزملا شرحوا لك كل صغيرة و كبيرة بالتفصيل الممل
يلا استخير ربنا و اتوكل على الله
ان شاء الله مش هتندم لو جبت اي واحدة منهم
يلا علشان نعرف عملت اية
بما إن العربيه دي سلعه معمرة يعني حضرتك المفروض تبدأ تفكر تغيرها بعد مدة من 5-10 سنين ف مش هتبص لسعر إعادة البيع دلوقتي هنشيله من الحساب؛
يبقي فاضل الرفاهيه والعزم (قوة الموتور) والثبات علي الملفات والفخامة في التصميم الخارجي وسعر قطع الغيار
لو فرضنا ان العربيتين تصميمهم شيك وفخم وان شوفنا قطع الغيار هنلاقيهم سعرهم قريب جداً لبعض، يبقي باقي النقاط تتفوق فيها الأسترا وبقوة
عشان كدة تصويتي راح للأسترا سيدان (الألماني لايعلي عليه في العربيات الحقيقه)
استرا
الاسترا طبعا هى افضل من حيث الإداء وجودة الخامات والتكنولوجيا بس اكورولا شكلها مش فخم
اللي اسمعه عن الاسترا ان استهلاك البنزين عالي شوية وبتضطر تروح تعملها تحديث كدا معرفش اسمه ايه وفي ناس بتقول ان في زنة بسيطة في الطارة وانت ماشي في زحمة وفي اللي بيقول ناشقة آخر حاجة غير الحاجة اللي معلقين عليها انها ضيقة من ورا بس إن جيت للحق موتور الكورولا اقوى وبيدي تسارع احسن من الاسترا (الاسترا تربو برا الموضوع ها؟)
نقطة الثبات على الملفات دي خليها برا الموضوع العربيتين فيهم esc اياً كان اسمها في كل عربية
في واحد هنا بيقول ان الاسترا مافيهاش لمبة تنور الكنبة الخلفية والعربية حتبقى كحل بليل :grin54:
بص هي الاسترا يوم مفكر فيها حيبقى عشان شكلها والاشيك في الفئة كلها ولو ان الكورولا الجديدة دي قمة في الجمال
انا افضل الكورولا عشان اوسع ومحرك اقوة 122 حصان مقابل 115 وعشان خاصية الاوتوبارك عشان مبعرفش اركن :grin54:
لا بجد هي شكلها مش فخم فعلاً بصلها كدا بزمة شوية حتلاقيها شبابية ونظام روشنة خصوصاً لو على لون فضي او ابيض
عايز فخامة والافخم في الفئة هات فلوينس اسود ولا شئ غير الاسود
أنا كمان مش عاجبني شكل الكورولا، وشايف إن الأسترا - على بساطتها - أشيك بكتيييييييير من الكورولا، وفي الآخر .. أذواق!
كورولا طبعا او ممكن تفكر فى السيراتو