الموضوع: طرمبه البنزين روشتنى .. ارجوا الافادة

المشاركة الأصلية كتبت بواسطة leitosr

دا الكلام المظبوط,
الطرمبة اللي أنت غيرتها خراطيمها مش متربط عليها كويس, وعشان كدا في هوا بيدخل في الخرطوم ودا اللي بيخلي العربية تبطل,

أو حاجة تانية, إن كابل الكهرباء اللي واصل للطربمة من فوق مش ماسك فيها كويس, وبيتحرك معاك لما العربية بتميل جامد.
بس الأرجح أنها مش متربط عليها كويس وبتدخل هوا في الدورة.

وعشان متلفش حوالين نفسك كتير, الطرمبة بتجيب أخر التانك في كل الأحوال,, مفيش حاجة أسمها الطرمبة أتقصر خراطيمها عشان كدا مبقتش تجيب اللي تحت, أو بتبطل بسبب كدا.!
لأن الطرمبة أساساً كا جسم هيا فيبر وفيها سيكس بلف من تحت بيدخل البنزين لقلب الطرمبة الفيبر,,
ومنها الماتور الكهرباء اللي أنت غيرته بياخد البنزين دا ويضخة لموتور العربية في الخرطومين اللي واصلين من قلب الطرمبة للخرطومين اللي خارجين منها اللي هما المفروض يكون متربط عليهم كويس.

يعني الخراطيم لا أتلعب فيها ولا أتقصرت, ولا ليها علاقة بالبنزين اللي في أخر التانك,
ولا ماتور الطرمبة بياخد البنزين من التانك بخراطيم,,

ومع أحترامي لكلام العضو syd ال stp مش علاج لمشكلتك جربته قبل كدا لما كان عندي نفس الموضوع دا ومعملش حاجة,
لأن مشكلتك الحالية لو كانت وساخة كانت هتخلي العربية تنتش في السحب, وكنت ساعتها ممكن تستخدم ال stp
بس طالما هيا ماشية عادي وبتبطل في الملفات يبقي مشكلة هواء بيدخل دورة البنزين, أو فيشة الكهرباء بتتهز ومش متركبة علي الطرمبة.
وممكن تغير فلتر ابلنزين زيادة نضافة.

كلام حضرتك نظرياً جميل جداً ومش بشكك فيه

بس مهما كانت سرعتك اللي هتاخد بيها ملف مش هتفضي البنزين من تحت العوامة لدرجة انها تدخل هوا بدل البنزين
الا لو كان صاحب الموضوع بياخد الملف لدرجة ان العربية تمشي علي جنبها
ولو الخراطيم مش رابطة كويس
يبقي الهوا هيدخل حتي لو التانك فول

لكن كلامنا مبني علي التجربة في مشاكل مشابهة في القسم هنا
والمشكلة بتكمن في ان الرواسب بتسد فتحات دخول البنزين وبتمنع وصوله ودة الأحتمال الأرجح المسبب للمشكلة ولذلك الحلول كانت بتتكلم عن النظافة لتفتيت الرواسب في التانك وتغير فلتر البنزين لأنه اكيد هيتسد هو كمان من الرواسب
وحتي لو - فيبقي عمل سيرفيس ونظافة للدورة - ودي مش هتخسر معاه لأن كدة كدة انت محتاج تعمل سيرفيس زي كدة كل 6 شهور او كل 10,000 علي الأكثر

تحياتي لشخصكم الكريم