استفسارات عن إبيزا ٩٨ و ٢٠٠٠

**mohanad hani** · 01-09-2013 12:30 AM

نزلت الحرفيين أدور علي نصبولو كلاسيك أوتومتك مكيف و باور مالاءتش. و سمعت إكتراحات كتيييييير مكن بولو و جولف و كربيراتر و حاجات كتير لحد ما في أقتراح عجبني ة. إبيزا ٢٠٠١ أوتوماتك كاملة ١.٦بس معرفتش أجيب الكود بتاعوبس سألتوا إذا كان قطع غياروا موجودة قالي مفيش غير موتورين إلي بينزلوا منها. وأعجبت بيها عشان التبلوه بتاعهل تحفة و سألت كذا ورشة فيها مكانيكا و كهربا دخلت علي المهندس إلي فيها كولو أجمع أنو التبلوه بالكونسول بتوع ال٢٠٠١ يركبوا على ال٩٨ عادي جداً. لما روحت و فكرت لأيت أنو زراير الزجاج الكهربا و المريات في التبلوه بس التبلوه بتاع ال٢٠٠١ في الباب فإستفساري هنا
هل ينفع أنأل زرار الزجاج و أعمله فتحة في البابين و أوصلوا بالمكن ؟
هل ينفع أنأل زرار المرايت بالكنترول بتاعو أحطواتحت التبلوه علي الشمال كدة ؟
هل في فارق في الهيكل بتاع ال٩٨ و ال٢٠٠١ ؟
هل التبلوه هيركب بالماتور بالعفشة أصلاً ؟! D:

**eng.salama93** · 01-09-2013 01:52 AM

هو انا مش عارف اجاوب علي أسئلتك
بس اللي اعرفه و شفته بعيني ان انصاص البولو الكلاسيك موجودة ف عزبة شلبي و شارع شبرا .. ف شارع سنجر بجوار كلية الهندسة

**nesr6060** · 01-09-2013 06:37 AM

فين عزبه شلبى دى يا رجاله لو سمحت ؟؟؟

**SYD** · 01-09-2013 07:35 AM

عزبة شلبي تعتبر في المطرية

**SYD** · 01-09-2013 07:36 AM

http://www.nilemotors.net/Nile/23572...post3873689170

**SYD** · 01-09-2013 07:42 AM

بص يا مهند
بالنسبة للتابلوه انا حطيت لينك لموضوع قديم كان مركب تابلوه 2000 في ابيزا 94 بس للأسف الشديد الصور مش ظاهرة - بس طبعا انا شوفت الموضوع دة اول لما نزل وشوفت الصور في الموضوع وكان ما شاء الله شكله حلو
وعاماً مش هو اول واحد يعمل الموضوع دة

اما عن فكرة تركيب فرش ابواب ال2000 في ابواب 98 فهو بردو ينفع
http://www.nilemotors.net/Nile/374967-a.html
وممكن تركب الأبواب نفسها بتاعة ال2000 علي هيكل 98 عادي جداً

واحب اقولك علي حاجة

انا شخصياً شوفتها بعينيا الأتنين
تعديل عربية 94 لشكل ال2000 بالكامل
شنطة وكبوت ورفارف واكصدامات وفوانيس وتابلوه وكل شئ كل شئ
الأتنين نفس العربية يا باشا
ال94 هي هي ال98 هي هي ال2000
الأختلافات كلها في الفوانيس والكبوت والرفارف والأكصدامات والصدر وطبعا اختلافات التابلوه وفرش الأبواب والأوكر والمراايات

دي كل الحكاية

تحياتي

**ehab_mansour** · 01-09-2013 10:45 AM

بالتالي كما قال ابو السيد ... كل حاجه في ابيزا 2001 تركب في ابيزا 94 او 98 و لكن لو حابب تعدل هتحتاج انك تنقل كل و اي حاجه و حتي ضفيرة الابواب و كهرباء الفوانيس الخلفية و غيره عشان تشغل بيها كل حاجه

يعني متقتصرش في تغيير موتور بضفيرة و كنترول و تابلوه و لكن فك ضفيرة الأبواب كمان و كل حاجه و انقلها بما فيها ابواب ال 2001 ... و كله هيبقي تمام و لكنك محتاج كهربائي محترم و بيفهم قوي في العربيات دي يقفلك الدنيا كلها بشغل مضبوط و مافيهوش عك عشان متتعبش فيما بعد

**SYD** · 01-09-2013 01:42 PM

المشاركة الأصلية كتبت بواسطة mohanad hani

شكراً للجميع على الرد.
بس كان عندي سوءال فين ضفيرة الفوانيس الخلفية ديه ؟
و أنا مؤلتش أني أركب فرش باب ال٢٠٠٠ أنا أولت أني أضيف زرار فتح و قفل الزجاج بتاع ال٩٨ إلي في التبلوه أنإله في الباب فهل الموضوع هيحتاج نقل زرار و إيه كمان ؟!

باب ال98 مافيهوش مكان تركب فيه ازرار فتح وقفل الزجاج
ولو عملتها - يبقي هتعملها بالمفاتيح الموجودة في السوق عند اي كهربائي واعتقد مش هيبقي شكلها حلو زي الفبريكة - دة غير انك هتقطع في الفرش واللي اعتقد مش هتبقي النتيجة مرضية
فانت اما تجيب فرش باب 2000 او الأحسنلك انك تغير الأربع ابواب لأبواب 2000

ثم ان تابلوه ال2000 فيه الأربع زراير زي ال98 - فانت ليه شاغل بالك بالحوار دة ؟

اما عن ضفيرة الفوانيس الخلفية فهي بتبقي ماشية تحت فرش الشنطة في اطراف العربية
ودي مش هتلعب فيها - ولكن يمكن تحتاج بعض التعديل لو هتركب باب شنطة 2000 بدل باب شنطة 98
لأن باب شنطة 2000 فيه لمبات بتنور غير موجودة في باب ال98
بس عموماً الباب بيجي بلمباته بضفيرتها
بس بردو هتحتاج كهربائي نظيف يقفل الشغل تمام

تحياتي

الموضوع: استفسارات عن إبيزا ٩٨ و ٢٠٠٠

LinkBack

أدوات الموضوع

عرض

-

-

-

-

-

-

المواضيع المتشابهه

موتور تويوتا ٢٠٠٠ سي سي

لنا الله اصحاب ال ٢٠٠٠ سي سي

ار بي ام اوبل فيكترا ٢٠٠٠ سي سي

كيا شوما مانيوال ٢٠٠٠ أو دايو لانوس ١ مانيوال ٢٠٠٠

بونتو ٢٠٠٠

الكلمات الدلالية لهذا الموضوع

المفضلات

المفضلات

ضوابط المشاركة