##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة tote_ide
أنا عاوز أسألك سؤال
هو انت عملت حاجة كده ولا كده فى العربية؟؟؟؟.........حاجة عيب يعنى....أصل كده كتير بصراحة
################################################## #############
بغض النظر ان ده مش سبب.....الا انى أول ما خدتها دبحت لله
################################################## #############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة momenhamdy
انا كان في سؤال و برده الاخوه الافاضل برده سألوه ........... هي العربية لسه معاك و لا لا ..... و بعدين واضح ان في حلقات قادمة من الموضوع دا طيب يارب تكون خير ...... و ربنا معاك
################################################## #############
لسه معايا من أبريل وحتى الأن ...يعنى ما كملتش 5 شهور
################################################## #############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة mimysheckles
جرى ايه ياعم انت
ليه المعامله دى
انت بتعمل فينا كده ليه :(
انا حاسس انى بتفرج على مسلسل درامى فى رمضان :)
ما ترزعلنا القصه كامله عشان نتعب مره وحده وخلاص
مش كل يوم تبوظلنا اعصابنا كده ونفضل نستى الحلقه القادمه
عايزين نعرف حصل ايييييييييييييييييييييييي ييييييه
################################################## ############
معلش والله انا شغلى ظروفه صعبه...خاصة فى رمضان
################################################## ############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة dynamic_alpha
بس بالرغم من كل ده
انا باهنئك على معرفتك في الميكانيكا و السيارات
ده في كل حاجة قولتها ممكن الراجل يقولك بسبب سوء الاستخدام
و ياريت تقولنا عرفت منين التفاصيل ده كلها ؟
و ربنا يعينك على اللي انت فيه
################################################## ##############
على ئدى ... من وانا صغير بحب الميكانيكا وبقرأ فيها كتير ومتابع على ئد ما بقدر.
بالاضافه الى الخبرة العظيمه اللى اكتسبتها من الهونداى اكسنت اللى كانت معايا ..والحمد لله كنت اروح للميكانيكى أقوله أنا حاسس ان فى حاجه مش مظبوطه فى كذا فى العربيه لو سمحت شوف، فيشوف و يقولى صح ..ما شاء الله ..انت حساس اوى.
كانت عربيتى الهونداى الله يمسيها بألف خير ...لما كنت بأحس انها حتؤؤل أى ...كنت بلف البلد و أجيبلها الحاجه الأصلى،كنت مربيها على الغالى ،ولما جيت ابيعها ما كانش التوكيل يقدر يطلع فيها مسمار مش مسمارها الأصلى وكانت فابريكه بره وجوه و الموتور اكتر من 80% ولا فى مساعد بيفكر او بيحلم يعرق زيت وكانت عامله 85000 كيلو وكنت بحطلها موبيل 1 ال 10000 واغيره كل خمسه و بوجيهات اسبورت وكاوتش potenza >>> كفايه كده لأحسن أنا حعيط ....استحمليتنى كتير... وايام الشقاوه زمان و ما قالتش أى.
علشان كده قبل ما دخل بيها سوق العاشر من عند امبى كانت متباعه واللى اشتراها مكلمش فى فلوس وخطفها فى ساعتين وكنت حرجع فى كلامى ....ويارتنى كنت رجعت ......استغفر الله العظيم ..الحمد الله على كل شئ.
################################################## ##############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة شريف
هو لسة فى كمان
معلهش طلب رخم منى
هل ممكن تعمل Scan لكتيب الصيانة الاجزاء اللى محددين فيها عملو اية و خاتمين عليها
ارجو الا تتجاهل طلبى
وكل سنة و انت طيب
################################################## ############
وانت طيب وكل اخوتى فى المنتدى طيبين ورمضان كريم.
طبعا قريبا جدا لازم حنشر كل المستندات على الملئ علشان كل الأخوه يشوفوها ...بس انا بستأذنكم علشان أنا مرتبط بكلمه مع صحفى كبير بجريده يوميه بخصوص السبق الصحفى بالنشر.
و أوعدك فى نفس اليوم سأعرض جميع المستندات فى المنتدى ,وابلغكم بأسم الجريده وتاريخ الطبعه.
لأنى لو نشرت حيزعل ويقولى خلاص انت كده نشرتها على النت و يكون موضوع محروق.
ولكن معلش لو ما فيهاش تضييع لوقتك ممكن نتقابل ووريهالك كلها بشكل شخصى انت وكل من يريد من الأخوه فى المنتدى
################################################## ############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة sharky
طب ما تحط بقية المسلسل دلوقتى
ما إنت موجود أهه
و لا أنت عايز الموضوع دا شغال عالطول :wicked:
################################################## #############
حستفاد ايه لما الموضوع يبقى شغال على طول، دا أنا عايز احكيلكم كل حاجه بسرعه علشان تساعدونى وأخلص.
والله انا فاتح المنتدى وانا بتشغل وبرد على قد ما أقدر وفى نفس الوقت بكتب اللى جاى بس بدقه علشان انا حلفت انى اكون امين
وان شاء الله ححاول اخلصه خلال اليومين الجايين
################################################## #############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
################################################## ##############
الجزء السادس:
روحت صيانة الــ 10000كم
******مفاجأه رقم 6: *************
رفعنا العربيه...وجدنا:
مساعد امامى شمال ...ضارب زيت تانى..(اللى غسلناه اخر مره)
مساعد امامى يمين...مرشح زيت تانى ...(اللى تغير قبل كده)
مساعد خلفى يمين ...سليم
مساعد خلفى شمال ....مرشح زيت
*****************
أنا: يا باشمهندس ايهاب ايه رأيك
*********مفاجأه رقم 7*****************
هو: نعمل الصيانه الأول و يوم تانى نبقى نغير المساعد الشمال علشان مش حينفع النهارده.، لكن بقية المساعدين كويسين وعادى.... كل مساعدين السوبارو كده بيطلعوا الزيت الزياده
******************************
أنا: ...طب ايه أخبار جهاز ظبط الزوايا .
هو:لسه بايظ
أنا: طيب موضوع التزيئه اللى بتظهر مع كبس الفرامل و لما باسيبها
هو:نفك التيل ونشوف
********** مفاجأه رقم 8*******
وفك التيل قدام وجدنا أن دعامة لقمة التيل اللى بين التيل ومكبس بستم الفرامل مش موجوده ووظيفتها منع الاحتكاك بين مكبس الفرامل و لقمة التيل علشان ضهر لقمة التيل ما يتكسرش أو يتاكل وش مكبس الفرامل .
****************************
أنا: وهى راحت فين
هو:ممكن لما كانوا بيفكوا فى المعادى وقعت ....عادى مش مشكله.
****وجابوا دعامه تانيه من تيل خلصان و حطوها ******
أنا:طب و موضوع سحب العربيه قل كمان عن المره اللى فاتت.
هو:حننضف فلتر الهواء ، ونكشف على كمبيوتر العربيه
.................
هو: كمبيوتر العربيه زى الفل ما فيش و لا error
أنا: كويس ...وفلتر الهواء
هو:كويس لسه ما يتغيرش دلوقتى احنا نضفناه كويس
انا:طب ما نغيره أحسن
هو: نبقى نغيره الصيانه الجايه ولو عايز تغيره دلوقتى انت حر على حسابك
أنا: اللى انت تشوفه اصلح دى عربيتكوا .
هو:لأ ...تعال نجرب
.........أثناء التجربه...
هو:ما العربيه سحبها حلو اهه..انا جايب ال 100 اهه
أنا:انا طريقى سريع كل يوم ،كانت بتوصل للـــ 100 دى و الـــ 140 كمان بسهوله على الأوتوماتك العادى من غير ما حس وكان صوت الماتور واطى مش بينعر كده.
هو:طيب الطريق مش مدينا فرصه...تبقى جربها وقولى ايه الأخبار بعد تنضيف فلتر الهواء
أنا :طيب.
..........................
وطلبت اثبات اللى حصل ...قعدنا نناكف فى بعض وفى الأخر خليتوا يكتب فى ورقه صيانة العشره انى :
1. العميل طلب ظبط زوايا لكن جهاز ضبظ الزوايا فى الصيانه
2. العميل يشكو من ضعف سحب السياره ولكنها جيده
3. العميل يشكو ان المساعد الأمامى شمال ضارب زيت وهذا طبيعى
#### واخدين بالكم من كلمة هذا طبيعى###########
حاله السياره الأن:
1. السحب ضعيف
2. صوت الموتور على جدا
3. صوت كمبروسور التكييف على جدا
4. صوت تكتكه الموتور عالى جدا جدا كصوت تكتكة مواتير النقل الديزل
5. العفشه اتبهدلت وبالذات بحسها فى فواصل الكبارى ...مرجيحه والله
6. عند تخفيف السرعه بالفرامل على السرعات العاليه(80 او 100) العربيه مش موزونه وبلاقيها بتعوم الأول وكأنها حتلف أو تعرض فى الطريق
7. لما بفرمل مفاجئ على سرعات واطيه لأى ظرف بلاقى العربيه برضه حدفت على جنب علشان مش موزونه بالرغم انى فى طريق مستقيم.
8. ثبات السياره تأثر بشكل كبير جدا على السرعات العاليه
وأنا اعتقد ان النقطه 5،6،7،8 بسبب المساعدين اللى بالطبع خفوا والفرامل الغير موزونه وكأن فى عجله فراملها تقيله عن عجله.
الحمد لله ................................أنتهى
################################################## ##############