##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة mosso
اعذرني يا استاذ cars_lover,
انا معاك مش ضدك و الدليل على كده اني قلتلك عليك و على جهاز حماية المستهلك او على شركة سوبارو الام,
و لو كنت ضدك مكنتش برضه هاجمت التوكيل في اخر كام سطر انا كتبتهم,
و موضوع الضغط بتاع الكاوتش ده انا متأكد منه لان معايا كيا ريو خليجي و المعلومات الي مكتوبه عليه غير الي مكتوبه على الي نازل تبع التوكيل المصري,
يعني انا مقلفتهاش دي حاجه انا شفتها و بحكي عنها
ثانيا فعلا موضوع الجنوط ده مش في سوبارو بس, لا ده معظم الشركات الي بتخاف على سياراتها بتخيّر العميل يا اما يركب الجنط الاصلي يا اما العفشه هتخرج من الضمان انا مليش دعوه بالي عمله توكيل هوندا,
سوبارو عندها دلوقتي مقاسين للجنوط و الاتنين نازلين تبع التوكيل و من حقه يقوللك متركبش غيرهم عشان يقدر يبيع اولا و ثانيا عشان هو ميضمنش الي هيركّب هيركب جنط عامل ازاي,
و على موضوع جهاز الانذار ده انا معاك انهم المفروض يوفروا بديل,
انما ايه ذنب الوكيل المصري ان الشركه الام قالتله متركبش!!!!
اكيد هيعمل بتعليماتها عشان يضمن اعلى اداء للسياره,
و بعدين في ناس كتير معاها العربيه و محدش طلع فيها كل العيوب الي حضرتك قلت عليها فعشان كده كان طبيعي جدا ان اي رد يكون عباره عن انها (حاله فرديه)
و لو على الرعشه الي في الدركسيون ما دام ظهرت في كل السيارات تبقى هي طبيعيه احنا مسقناش الي بره مصر عشان نعرف نحكم هي في كل سيارات سوبارو ولا في مصر بس,
و لما حضرتك تدخل مكان مكسر و تدوس فرامل و تسمع صوت هبد جامد كأن العفشه مخلوعه ده بسبب الABS لانه بيوقف السياره بطريقه نبضات مش بيخليها تقفش و ده في كل السيارات الي فيها ABS تقريبا لاني اول ما جبت العربيه قلقت جدا من الموضوع ده فسالت فقالولي السبب
################################################## ##########
يا باشا انت اخ وصديق وعارف ان انت معايا ومحتاج رأيك ولوتفتكر انا كنت كلمتك قبل كده على الموبايل وطلبت منك نتقابل انا وانت والأخ عادل لبحث شكواه اللى أنا كمان حاسس بيها..
***اقتباس*******
"و بعدين في ناس كتير معاها العربيه و محدش طلع فيها كل العيوب الي حضرتك قلت عليها فعشان كده كان طبيعي جدا ان اي رد يكون عباره عن انها (حاله فرديه)"
على فكره في ناس بتمشى بعربياتها و بتكون فيها بلاوى وهمه مش ملاحظين...
والله انا مقدر احساسك لأنك عندك العربيه...بس الله أعلم انا بكتب الكلام ده و أنا متضايق جدا وبعد ما يأست..
بلاش تتسرع وتحول الموضوع حاله فرديه....تانى ..لو سمحت راجع شكوى الأخ عادل على الرابط
http://www.nilemotors.net/Nile/showthread.php?t=29110
حتلاقى معظم نقاط شكوتى ،وعلى فكره هو لما قالهم ان الجنط الشمال بيسود من بوردة التيل واليمين لأ،قالولوا نفس اللى قالوهولى علشان السيرفو قريب من العجله الشمال ...........
وهو أشتكى قبلى من الرعشه فى الدريكسيون ،وفعلا اتقابلنا انا وهو وكل واحد ركب عربية التانى وتأكدنا من هذه النقاط
******اقتباس**********
"و لو على الرعشه الي في الدركسيون ما دام ظهرت في كل السيارات تبقى هي طبيعيه احنا مسقناش الي بره مصر عشان نعرف نحكم هي في كل سيارات سوبارو ولا في مصر بس,"
أى ميكانيكى أو غفشجى تقولوا رعشه فى الدريكسيون على سرعات عاليه ،حيسألك لو كنت مش دايس فرامل تبقى مشكلة ترصيص ،ولو كنت دايس فرامل تبقى مشكلة طنابير.
هذا بالأضافه ان التوكيل بنفسه قال دى مشكلة طنابير ....اقرا الجزء الرابع
وبعدين لما تكون ملاحظه عامه ممكن تكون عيب ما لم يكون مكتوب فى الكتالوج غير كده ...زى الرعشه اللى بسبب ال EBD
*******اقتباس********
"و لما حضرتك تدخل مكان مكسر و تدوس فرامل و تسمع صوت هبد جامد كأن العفشه مخلوعه ده بسبب الABS لانه بيوقف السياره بطريقه نبضات"
عيب كده يا أخ خالد أنا عارف الABS كويس وبحسه لما بيشتغل فعلا بيعمل نبضات فى دواسة الفرامل و صوته معروف
بس أنا قلت الخبط ده بيحصل وانا بلف بالراحه وانا مش دايس فرامل خالص..."راجع اللى أنا كتبته تانى"
وأخيرا الف شكر على اهتمامك
################################################## ##########
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة khalid_adel
لا حول ولاقوة الا بالله
بجد انا مش مصدق اللي بسمعه منك يا باشمهندس هاني ومضايق اوي اوي بالذات اني اول واحد معاك في موضوع العربيه من قبل ما تجيبها
بص انا شايف انه بجد حاجه مش طبيعيه ومش منطقيه او ملهاش سبب فدي يا عين جامده اوي او ان ده بلاء ومصيبه وقدر جالك فنصيحه اخويه راجع نفسك واستغفر ربك عشان يرفع البلاء ده عنك
وعسى ان تكرهو شيئا وهو خير لكم
################################################## ############
حاجه مش طبيعيه .....اقولك اكيد ...
ومش منطقيه ....اقولك بس دى واقعيه وده اللى حصل
طبعا الحسد موجود ومعروف بس ماينفعش كل ما حاجه تبوظ نقول حسد ..اكيد فيه سبب .....
################################################## ############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة khalid_adel
يااااه دانا سيرتي جت في الموضوع
انا والله كنت ساعتها حاطط بنزين 92 من امارات مصر اللي هي انضف بنزينه في مصر وكمان انا اصلا لما جبت العربيه كان مصر ساعتها مافيهاش غير 90 و 80 وهما نزلو العربيه وبلدنا كانت كده وكنت بحط 90 في الاول وكانت بتكركر كتير اوي ولما نزل ال 92 غيرت ليه وراح الكركره بس ده مكنش ذنبي من الاول
وكان لما حصل الموضوع عندي ده مكنتش باخش اصلا في ريد زون ولا حاجه وهي اصلا مفروض بتفصل عند 6400 ليه بس حتي مكنتش بفصل ولا حاجه دانا كنت راجع من سفر عادي
على العموم الحمد لله على كل حال وربنا يجيب العواقب سليمه يا باشمهندس هاني وانا متابعك ولو في اي حاجه كلمني انا تحت امرك
################################################## #############
أنا تعمدت أكلمهم فى موضوعك واسمع الرد واقولهولك علشان تعرف انت والناس ان اللى قالوه لك ده كان كلام فاضى
ربنا يخليك يا صديقى العزيز ولازم ححتاجلك انت وكل من فى المنتدى فى موضوعى هذا
################################################## #############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
################################################## ##############
على فكره ....دى مش النهايه ...فيه اجزاء تانيه مهببه
تابعوا الحلقات القادمه من مسلسل الدالى ...اسف قصدى مسلسل أبو غالى
################################################## ##############
##مأساتى مع أبوغالى و سوبارو امبريزا Rk 2008 # هل 2008 غير مصممه لمصر###
اقتباس:
المشاركة الأصلية كتبت بواسطة mosso
استاذ cars_lover ,,
حضرتك اتلخبط بيني و بين الاستاذ خالد:biggrin24::biggrin24:
بس انا والله مش ضدك انا معاك برضه و حاسس ان التوكيل عايز دعم فني اكتر للعربيه و حاسس انهم محتاجين يعرفوا اكتر عن العربيه و خصوصا الجديده
################################################## ##########
لأ يا باشا دا خطئ مطبعى ... أسف أنا برد عليك أنت ،ضع بدل خالد MOSSO
################################################## ##########