سيات ابيزا 94 ولا سكودا فيليشيا 97 ؟؟

**ham_2010** · 23-09-2013 05:41 PM

المشاركة الأصلية كتبت بواسطة aw2100

صعب انك تعرف مشاكل دورة التبريد بمجرد معاينة عربية للشراء دة بيجى مع الأستعمال وطبعا صاحب العربية اللى انت عاوز تشتريها مش حيخليك تخبط مشوار وتقرص على العربية علشان تشوفها بتسخن ولا لا عموما بالنسبة لاى عربية مش الفليشيا بس لو لاقيت مية قربة الرادياتير فى العريية اللى بتتفرج عليها محطوط فيها مية حنفية مش مية خضراء ودقق فى لون المية لو مصدية تبقى فيها مشاكل وصداء فى دورة التبريد وحاول تاخدها مشوار على سرعة 100 لمده 15 دقيقة مثلا طبعا دة لو ينفع المفروض حرارة الموتور لاتزيد عن 90 ولما تفتح غطاء القربة بعد ماترجع ماتلاقيش هواء كتير قوى خارج ومبروك على العربية الجديدة !!

فى نوع مياه خضرا معينة ولا ايه ؟؟؟

**المنسي** · 23-09-2013 08:46 PM

المشاركة الأصلية كتبت بواسطة ham_2010

سؤال على السريع كده
انا مش عارف اشغل النور العالى منين غير دراع الاشارات بقلب منه النور العالى .. بس انا عايز اشغل النور العالى ويفضل شغال وثابت ؟؟؟؟؟

الذراع اللى بتشده عليك علشان تنور العالى دوس عليه لتحت هيثبت معاك النور العالى

المشاركة الأصلية كتبت بواسطة ham_2010

فى نوع مياه خضرا معينة ولا ايه ؟؟؟

المية الخضرا هات مية توتال تركيز 33 %

**ham_2010** · 25-09-2013 09:51 AM

سؤال تانى ... انا كنت امبارح روحت اغير زيت الفتيس روحت خدمة بنزينة فيسكو قالى لاء مش عندى عشان دي لازم تركبلها الزيت بسرنجة وانا اللى عندى عداد مش سرنجة
قمت رايح على بنزينة شا غيرت زيت الموتور وقلتله على زيت الفتيس قالى انه الميكانيكى اللى يزود الزيت عشان دى بتاخد الزيت بتاعها من مكان سلك السرعة ....
وبما انى لسة مش فاهم حاجة فى العربية دي فقلت اسأل الخبراء بتوع الفيليشيا .... زيت الفتيس بيتزود منين واروووووووووووح لمييين ؟؟!!!!

**المنسي** · 25-09-2013 01:18 PM

المشاركة الأصلية كتبت بواسطة ham_2010

ياااااااااسلااااااااااااا ااااااام ايه ده دا حل بسييييط خالص اهوه :018a1d~146:

بس ليه النور العالى بتاعها ضعيف كده ولا ده عندى فى حاجة محتاجة تتغير ولا هو اللى كدة ؟؟

اكيد اللمبات اللى راكبة عندك الوات بتاعها قليل ممكن تغيرها بلمبات تونجسرام 140/100 وهتلاقيهم عند الابيارى فالتوفيقية هيفرقو معاك جامد

المشاركة الأصلية كتبت بواسطة ham_2010

سؤال تانى ... انا كنت امبارح روحت اغير زيت الفتيس روحت خدمة بنزينة فيسكو قالى لاء مش عندى عشان دي لازم تركبلها الزيت بسرنجة وانا اللى عندى عداد مش سرنجة
قمت رايح على بنزينة شا غيرت زيت الموتور وقلتله على زيت الفتيس قالى انه الميكانيكى اللى يزود الزيت عشان دى بتاخد الزيت بتاعها من مكان سلك السرعة ....
وبما انى لسة مش فاهم حاجة فى العربية دي فقلت اسأل الخبراء بتوع الفيليشيا .... زيت الفتيس بيتزود منين واروووووووووووح لمييين ؟؟!!!!

زيت الفتيس بيتغير من واير السرعة بس علشان تنزل القديم لازم تفك الكوبلن اليمين وانت واقف ادام العربية ودى محتاجة ميكانيكي وانت رايح له هات من بنزينة شل زيت فتيس عادة جركن سعة لتر لونه احمر وتقريبا هتحتاج 3 جراكن لان الزيت بياخد حوالى من 2.6 ل 2.75 لتر واهم حاجة بعد تغيير الزيت تلاحظ لو فيه تسريب ولا لا