الموضوع: اخيرا صلحت العفشة و فلست . اتبرع و لو بجلبة .

سلام عليكم ..

اخيرا بقالى يومين مفحوت عشان اصلح العفشة ..

الجمعه يا دوب قضى العفشة الامامى .
السبت العفشة الخلفى ..

الحمد لله برضو الواحد متعبش اوى فيها و خلصت بسلاسة و دى اول مرة حاجة فى الاوبل تخلص بسلاسة

كل اللى غيرتو و عملتو كان :

----- الجمعه -----------

1- شمعدان فاضى يمين استيراد + تركيب 150 + 50 ( دة عند عفشجى جديد و طلع بطيخ خليتو يركب الشمعدان و بعدين هربت منو على طول و بالعافية رضى ب 50 !! كان عايز 100ابن ال ..)

و الحمد لله الشمعدان الملوح مكنتش متخيل انو مبوظ العربية كدة !! دى العربية كانت بتخبط و العفشة كلها مرحلة يمين - اول مالشمعدان ركب العربية كلها ريحت .

2- 4 جلب زيت خلفى -- توبران المانى -- الواحدة ب 70 -- توتال : 280

3- 2 تيش دراكسيون -- توبران المانى -- توتال 150

4- 2 بارة داخلية -- تقريبا تركى -- توتال 160

5- كاوتش افيز علبة دراكسيون - توتال 40

6- 2 جلبة كبيرة للمقص الامامى - مش فاكر النوع -- توتال 100

7- 2 جلبة صغيرة للمقص الامامى - مش فاكر النوع -- توتال 50

الحساب كلو من غير الشمعدان 780 و مشيتها على 750 .

طلعت على الورشة الواد فك الجنب اليمين كلو و بعدين الشمال و خد المقصات الامامى و داها للخراط لتركيب ال4 جلب و عمل حشو للميزان امامى و ركبلى صدادات فى المساعدين الامامى ( مش عارف لية اصر عليها ) و لقيت البطاحه بايظة ركبلى واحدة من عندو و كشف على العلبة لقاها سليمة الحمد لله .. و ركب كل الحاجات اللى اشتريتها فوق .

شداد الميزان طلع بايظ وكنت نسيت اجيبو .. فى عين شمس مفيش حد بتاع اوبل .. كان فى واحد بتاع قطع غيار كلو ,, لقيت الشدادت كورى بتوع الالنترا الجديدة و ب 160 و ينفعو على الاوبل ..

بس طبعا انا مبركبش حاجة كوررررررررررى ابدااااااااااااااا فى العربية . قلتلو ركب القديم و انا بكرة هجيبلك 2 المانى بتوعها ..و ركبهم .

جبنا المقصات و قفلنا كل حاجة الحمد لله و لقينا كوتشات علبة الدراكسيون سليمة فهرجعها .. الساعة بقت 6 و نص و فى حظر فطبعا منفعش اكمل العفشة الخلفية .. خدت العربية و مشيت و مظبتطش زوايا عشان الراجل اللى عندو بطيخ و جربتو كتير .. بس لقيت العربية بتعوم لوحدها . فخلت الواد يثبتلى العجل اى حاجة كدة تمشينى حتى على 50 لحد مخلص كلو و اظبط ..و روحت .

حساب العفشجى الجمعه كان :

1- 2 صدادة مساعد - توتال 50
2- 2 جراب مساعد - توتال 100
3- 1 بطاحة - 70
4- حشو ميزان - 20
5- خراط - 20
6- مصنعية 150 - خليتها 130 .

و دفعت توتال 380 بعد منزلت شوية .

---- السبت- النهاردة ---------

طلعت على الحرفيين و بدلت كوتشات الدراكسيون ب 2 تيش ميزان توبران المانى -- دفعت فرق 120 .. يعنى هما جديد ب 160 .

و طلعت على العفشجى و بدانا الساعة 12 . فكينا ورا كلو وودينا للخراط نفس الحوار . و ركبنا المقصات و الشدادات و عملت حشو ميزان خلفى . و خلصت على 3 كدة . ..

حساب العفشجى السبت كان :

1- خراطة 40
2- مصنعية 100
3- تيبس 10

-- شوية حاجات اشتريتها :

1- علبة شحم 25
2 - كواتش مزيكا لانسر ( الاتنين واحد على كلامو ! ) 30 .
3- زيت باكم - 15 .

طلعت ازبط زوايا فى الحرفيين .. طلعت الحمد لله مظبوطة على الشعرة .. الراجل بيقولى 100 100 .. ( كان مسجل عندو العربية من المرة اللى فاتت ايام مكان الشمعدان بايظ )

- ظبط زوايا - 50

.. طلعت على شل اسماعلية الصحراوى قولت اطير باقى القرشين ...

1- زيت شل هيلكس الاصفر + تركيبو - 135 ..

2- غسيل ماتور و شاسية - 25 .

3- تبس 11

4- تفويلة - 85


و دى اول مرة من 14 سنة اغسل ساشية .. طلعت بلاوىىىىىىىىىىىىىىىىىىىى . قعدنا نغسل فيها نص ساعة على 3 مرات ..

و بعد الغسيل اكتفشت ان فى برومه صغيرة فى العتبة اليمين تحت

يا جماعة مهم جداااااااااااااا غسل الشاسية كل بعد كل شتا .. العربية قعدت ترزع شوية عشاان غسلت الماتور ب مية و جاز و لمبة التشيك نورت و طفت تانى .. و سخنت و الترزيع راح الحمد لله .

توتال المدفوع : بتاع 2000 تقريبا . و راجع البيت ب 2 جنية فضة الحمد لله ..

بس لقيت حاجة غريبة من ساعة كدة .. لقيت كاوتش المزيكا بتاع اللانسر سايح !!!!! غريبة اوى كانو ولع .. هروحلو الاتنين اشيك على الحوار دة تانى .

كدة فاضلى ارجلش الفرامل و اغير طقم كاوتشات ...

دلوقتى انا فى نوعين قدامى ..

كومهو يابانى - من 425 - 450 او هانكوك كورى - 400 ..

اية رئكو ؟؟ تنصحونى باية ؟ و هل فى حاجة احسن فى نفس الرنج ؟