الموضوع: معايا 128 و عايز اظبطها وطالب مساعدتكو :(

الف مبروك انت ماقولتش اى تفاصيل على ماتور العربيه كام سى سى موديل كام حاله الشاشيه عامله ازاى فيها مشاكل محتاجه تصليح الاول بمعنى انك لمه بتيجى تفنش العربيه المفروض ماتبقاش ناقصه مسمار يعنى اتأكد من العربيه الاول

المشاركة الأصلية كتبت بواسطة ahmed air

الف مبروك انت ماقولتش اى تفاصيل على ماتور العربيه كام سى سى موديل كام حاله الشاشيه عامله ازاى فيها مشاكل محتاجه تصليح الاول بمعنى انك لمه بتيجى تفنش العربيه المفروض ماتبقاش ناقصه مسمار يعنى اتأكد من العربيه الاول

العربية 1100 cc وهى مفهاش حاجة فبريكة مجرد بتسخن بسرعة وانا بشوف ميكانيكى يشوفها !

اية يا جماعة محدش رد على الموضوع لية ؟

أولا الف مبروك وربنا يديك خيرها ويبعد عنك شرها
1 : عايز اركب ديفيل محترم بس سعرو يكون حنين
استنضفلك واحد رخيص يكون اصلي مستعمل احسن ف حدود 200 جنيه او صيني ف نفس الحدود تقريبا

2: عايز اعمل عدة صوت محترمة وبسعر حنين و يكون صوتها حلو و البيز بتاعها حلو .. و ياريت تبقى عبارة عن كاسيت و سماعتين على قد فلوسى :D
الصوت ده بحره كبير اوي انت ممكن تجيب سماعتين بايونير او سوني او كينوود ف حدود 350 جنيه
وعندك الكاسيت بيبدأ من 500 جنيه وانت طالع ممكن كينوود او بايونير سوني دول هيدو صوت رائع وهتتكيف منه انا كنت جايب كاسيت كينوود وسمعتين سوني 450 وات كانو عاملين احلي شغل ومنغير gm ولا اي اضافات

3 : عايز كام استيكر كدة على زؤءكو اركبو على العربية فى الازاز الى وارة و على جنب العربية :)
الاستيكرات انت بقي تنزل التوفيقية فيه ناس كتير واقفين كدة باستيكرات كتير ممكن تنقي الشكل اللي يعجبك وتجيبه بس بصراحة سعر مش عارف

4 : اهم حاجة عايز اعمل انوار للعربية من تحت و من الجنب الى هى المبة الصغيرة دية الى بتتركب جمب العربية و بتعمل خلفية تحت العربية انا مش عارف اسمها والله :(
بصراحة مش عارف تقصد ايه بأنوار تحت العربية هتلاقي برده ف التوفيقية اكسسوارات كتير ممكن تشوف اللي يعجبك هناك روح وخد لفة هتلاقي حاجات هناك كتير جدا

و ياريت حد يقولى اية الى ناقص او هو ينصحنى اظبط العربية ازى و يقولى تجربتة فى تظبيط العربيات :(
اللي ناقص بقي انك مثلا لو الفرش مش كويس تعمل فرش تجيب سبويلر تجنط سنتر إزاز كهربة سارينة شرطة شماسة حاجات كدة يعني شوف اللي انت عايزه واللي يناسبك واحنا معاك
ولو عزت اي حاجة احنا معاك ف الرابطة ديه خش فيها اكيد هتستفاد منها
http://www.nilemotors.net/Nile/362824-128.html

وده رابط الجروب علي الفيس
https://www.facebook.com/groups/708800399137300/
تحياتي ياباشا

بص هو بصراحة الديفل الماركة احسن كتير من الصيني وطبعا جي ام بالسعر ده طبعا تعبان ملة اكيد الجي ام مش هيقل عن 600 جنيه عشان تسمع منه صوت حلو وممكن تجيبه مستعمل برضه بس اهم حاجة الحالة ف ناس بتحب تبيع العربية وتحتفظ بالحاجات ديه او تبيعها شوف كدة وربنا يوفقك بس بصراحة انا عندي تشتري مستعمل احسن ميت مرة من الصيني

المشاركة الأصلية كتبت بواسطة a7med_elmagree

بضم صوتى لصوتك فى 1و 2 والخوف لاجيب ديفل ويطلع صوتة معفن انا سئلت امبارح على ديفل كان شكلة لذيذ كده صينى طبعا كان ب 180 بس ده فى عين شمس يعنى اكيد التوفيقية ارخص وسئلت على الجى ام كان ب 100 وسماعتين بيونيير 400 كانو ب 275 بس انا فكرت اجيب ديفل يكون مستعمل وماركة انضف ونفس الكلام فى السماعات اجيب واحدتين بيونير مستعملين على اساس يبقى سعرهم ارخص

بس اية الاسعار الغربية بتاعت الجى ام و السماعات و انا اعرف انهم اغلى من كدة بكتير و انا من عين شمس سالت عليهم فين كدة و انا اروح اشوفهم ؟؟