بوش علبة الدركسيون هل ممكن اصلاحه ؟

**MohabSaeed** · 06-09-2008 06:03 AM

السلام عليكم ورحمة الله وبركاته

عندى فى البروتون واجا الدركسيون فيه بوش تقريبا 5 مللى اواقل شويه ... و بحس بغربله فى الدركسيون فى الطريق الغير ممهده " الى فيها زلط مثلا " او الطريق الى فيها نقر كتير و بروزات فى الاسفلت .

هل فى طريقه لمعالجه الفراغ ده ! ؟

هو الموضوع مش مسببلى مشكله كبيره ... بس انا دايما بحب اركب العربيه كل حاجه فيها مظبوطه .... و مش عارف ليه جه فى بالى تخيل ان لاقدر الله ممكن فى مره وانا ماشى الدركسيون يبوش خالص و افقد التحكم فى العربيه انا مش بحب اوصل الامور للنهايه ...ديه ارواح بنى ادمين راكبين معايا و ارواح ناس ماشيه حوليا .....

هل فى حل للموضوع ده ؟؟

**MMamdouh** · 06-09-2008 04:53 PM

البوش الدركسيون بيبقى نتيجة وجود تاكل فى احد مكونات نظام التوجية

اعتقد الواجا فيها سكترة بالتالى البوش اما فى بيض الطرف او فى الترس بتاع السكترة نفسها... تغيير البيض سهل لكن بوش الاسكترة نفسها معرفش اذا كان ممكن يترجلش ولا حتحتاج تغيير السكترة نفسها

MMamdouh

**MohabSaeed** · 07-09-2008 12:48 AM

شكرا جزيلا - MMamdouh , ahmed1981 ححاول فى اقرب فرصه ان شاء الله اروح لحد متخصص

هل فى حد متخصص و شغله نضيف ترشحوه ؟

**sab3aawy** · 07-09-2008 10:26 AM

قبل ما تفكر تعمل شغل فى علبة الديريكسيون فيه حاجة بسيطة جدا تأكد منها الأول:
هل علبة الديريكسيون لها صامولة ريجلاش؟ صامولة الريجلاش هى القطعه المسئولة عن احكام الحشوة(الخانق البلاستيكى) على عمود البنيون، ويمكن غلقها قليلا كلما تآكلت الحشوة لكى تعيد لعلبة الديريكسيون احكامها وتمنع الغربلة فى المطبات(بالمناسبة خمسة مللى بوش = ولا حاجة، لازم عجلة القيادة يكون فيها سنة بوش عشان متبقاش العربية حساسة زيادة عن اللازم over senstive )

لو علبة ديريكسيونك فيها صامولة ريجلاش اقفلها شوية، لو مافيهاش يبقى فكر فى تغيير حشوة علبة الديريكسيون

**chihab18** · 07-09-2008 03:12 PM

المشاركة الأصلية كتبت بواسطة sab3aawy

قبل ما تفكر تعمل شغل فى علبة الديريكسيون فيه حاجة بسيطة جدا تأكد منها الأول:
هل علبة الديريكسيون لها صامولة ريجلاش؟ صامولة الريجلاش هى القطعه المسئولة عن احكام الحشوة(الخانق البلاستيكى) على عمود البنيون، ويمكن غلقها قليلا كلما تآكلت الحشوة لكى تعيد لعلبة الديريكسيون احكامها وتمنع الغربلة فى المطبات(بالمناسبة خمسة مللى بوش = ولا حاجة، لازم عجلة القيادة يكون فيها سنة بوش عشان متبقاش العربية حساسة زيادة عن اللازم over senstive )

لو علبة ديريكسيونك فيها صامولة ريجلاش اقفلها شوية، لو مافيهاش يبقى فكر فى تغيير حشوة علبة الديريكسيون

طب ازي نقلب الدريكسيون الي باور ؟
استفسارك نقل لموضوع جديد تحت عنوان
سؤال : ازي نقلب لبدريكسيون العادي الي باور ؟
الإدارة..

**khaliedahmed** · 08-09-2008 02:34 AM

هل المشى من غير الباور مشكلة بعد ما اصبحت ماكينة الباور بتنزل الزيت اللى فيها اول ما احطو ا فى ماكينة الباور وها يوثر على اى شى فى العربية انابقالى كده اكتر من 8شهور واجيبها منبن استيراد وبكام واعرف ازاى حالتها كويسة اررررررررررررررررجوكم الردددددددددددددددددددددد دددددد ضصرورررررررررررررى

**MohabSaeed** · 08-09-2008 03:35 AM

المشاركة الأصلية كتبت بواسطة sab3aawy

قبل ما تفكر تعمل شغل فى علبة الديريكسيون فيه حاجة بسيطة جدا تأكد منها الأول:
هل علبة الديريكسيون لها صامولة ريجلاش؟ صامولة الريجلاش هى القطعه المسئولة عن احكام الحشوة(الخانق البلاستيكى) على عمود البنيون، ويمكن غلقها قليلا كلما تآكلت الحشوة لكى تعيد لعلبة الديريكسيون احكامها وتمنع الغربلة فى المطبات(بالمناسبة خمسة مللى بوش = ولا حاجة، لازم عجلة القيادة يكون فيها سنة بوش عشان متبقاش العربية حساسة زيادة عن اللازم over senstive )

لو علبة ديريكسيونك فيها صامولة ريجلاش اقفلها شوية، لو مافيهاش يبقى فكر فى تغيير حشوة علبة الديريكسيون

شكرا جزيلا يا بشمهندس ... فعلا ملحوظه" صامولة ريجلاش" غايه فى الاهميه ..

بالنسبه لموضوع البوش .... انا ملاحظتوش فى كذا عربيه سوقتها فيها باور استيرنج .... زى الدوجان و البروتون ويرا مثلا ...... بس فعلا موضوع الحساسيه الزياده ده موجود عندى ... من اقل كسره العربيه بتروح يمين و شمال ... الدركسيون استجابته سريعه جدا" 3 لفات LOCK TO LOCK "

المشكله تحديدً :
1- صوت تخبيط فى الدركسيون " فى طاره الدركسيون نفسها " فى الطرق الى فيها زلط او غير ممهده ... سمعت انها مشكله فى حاجه اسمها " كلوك اسبرنج " مش عارف ايه ديه بالظبط ؟؟.... و فى التوكيل مهندس "او مفتى " الاستقبال قالى غير علبه الدركسيون !!!!!!!!!!!

2- مع ميلان الطريق " يمين او شمال " العربيه بتنحرف مع ميلان الطريق .. ولازم امشى كاسر الدركسيون سنه بسيطه فى عكس اتجاه ميلان الطريق .

3- فى حاجه لاحظتها خصوصا فوق كبرى 6 اكتوبر .. لما بيكون الاسفلت مموج و فى حتت طالعه و نازله الدركسيون بيتحرك يمين و شمال مع البروزات ديه ... و لازم اتحكم فيه كويس علاشان العربيه ممكن تروح و تيجى

4- مع مطبات الهوا .... بحس ب تعويم بسيط فى العربيه .

5- طبعا العيب المشهور بتاع الواجا الحدفه ناحيه اليمين .
------------------------------------------------
فى الطرق المستقيمه زى المحور مثلا او مصر اسكندريه ......... مش بحس بأى مشكله من الى كاتبها فوق ... و العربيه بتبقى ثابته جدا جدا على اى سرعه ... مع حدفه بسيطه يمين .

انا عارف ان كذا حاجه من الى قلتها سعات بتبقى شى عادى فى عربيات كتير... بس مش عارف بحسها بزياده شويه فى العربيه " غير انى بركز جامد جدا مع اقل حاجه او اقل صوت "... انا فى الاول قولت يمكن علاشان انا متعود على ال131 فا فى اختلاف مابين الاتنين ..... بس لما كنت فى التوكيل ناس كتير اجمعت على ان علبه الدركسيون فيها مشكله و التوكيل نفسه معندوش حل ليها .

فى حاجه جت فى بالى لو حبيت اغير علبه الدركسيون ... هل ليها بديل من موديلات ميتسوبيشى او موديلات تانيه مثلا ... انا بقالى فتره ببحث فى الموضوع ده على النت و لسه موصلتش لنتيجه فيه لان اساسا محدش اشتكى من علبه الدركسيون الواجا فى المنتديات الاجنبيه ...... احتمال لوجود الدركسيون على اليمين .... والعربيه اساسا تصميمها ان يكون الدركسيون فيها يمين ... و لما صنعوها بدركسيون على الشمال كان فى عيب معين فى التصميم ؟؟ الله اعلم

بس انا تفكيرى راح لحاجه ... ان اكيد علب الدركسيون بتصنع بمقاسات معينه و ممكن نفس العلبه تركب فى كذا موديل من ماركات مختلفه .... زى المساعدين مثلا فى كتير من الاحيان ممكن مساعدين عربيه تركب فى عربيه تانيه من ماركه تانيه .......... الحقيقه مش عارف تفكيرى ده صح ولا غلط ؟؟

معلش يا بشمهندس سبعاوى طولت عليك .... ودخلتك فى متاهات

كل سنه وحضرتك طيب