فبرة كفور الموتور او العمه الفايبر اللى بتغطى الموتور للسيراتو

**mhf_77** · 01-09-2013 08:59 PM

فبرة كفور الموتور او العمه الفايبر اللى بتغطى الموتور للسيراتو اللى بتيجى مع الوكيل ومبتنزلش فى الخليجى عشان الحراره - انا عربيتى خليجى ومش نازله بالعمه الفايبر دى وعندى الحته مليانه قطط وبيباتو جوه الماتور ولان العمه دى مش موجوده فالسلوك والفيش اللى داخلين للموتور من غير اى حمايه والقطط هلكت ابوها لما خلت السلوك والفيش كلها مش ثابته زى الاول والسلوك قربت تتعرى وكنت عايز اجيب العمه دى اركبها عندى كحمايه وكسرير ليهم عشان يسيبو السلوك والفيش فى حالها السؤال هنا هل تركيبها هيأثر على ارتفاع درجة الحراره ولا هتكون زيها زى الوكيل ؟؟؟؟؟؟

**Ahmed.Halim** · 02-09-2013 02:20 PM

بص اصلا غطا الموتور بينزل فى العربيه حتى لو خليجى والا مكنتش الشركه عملته وهتلاقى مكان المسامير بتاعته موجوده وانا جارى فى البحرين معاه العربيه وفيها غطا الموتور بتاعها .... بتاع الصيانه قاللى البهوات فى الجمارك بيفكوها وبيفكوا برضه كافر الشنطه اللى جوه وبالاماره افتح الشنطه هتلاقى القوايم باينه.

العربيه عشان مش وكيل فهتلاقيهم مبهدلبنها عشان تجرى على الوكيل طبعا.
انا عندى نفس المشكله و كنت سألت عليها لقيتها من 350 فى الحرفيين والاصلى بتاعتها ب 600
ممكن تجيبها من حد بيبيع انصاص عربيات هتلاقيها ارخص من القطاعى كتير

**el_deep** · 02-09-2013 02:27 PM

حضرتك انا عندي الكفر وبردوا بلاقي القطط نايمه جوه دنا مره فتحت الكبوت لقيت منظر غريب لقيط القطه مزروطه وش المتور والريحه فظيعه ولازم يكون المتور سخن علشان تشيل القرف ده بس اظن مش هتفرق ديه وظيفتها تقليل الحراره والصوت الي بيخشوا مقصوره السائق الحل هو ازاي نمنع القطط تخش اصلا