الموضوع: فى حد لة تجربة كويسة مع محل بيع اطارات فى الزقازيق

في واحد جنب رزق بتاع الفول اللي بتاع كاوتش ده اعتقد بيكون عنده حاجات انتاج جديد وده اللي جبت من عنده الكاوتش اخر مره ايام 131 وكان اكيلز اندونيسي وكنت شوفت عنده التويو الياباني وكان يفرق ف الفرده تقريبا 30:40 جنيه وهو اللي قال لي اخد الاندونيسي ومش فاكر الاسعار لاني شاري من اكتر من سنه

وفي واحد زميلي عيلتهم عندها محل كاوتش تحت الكوبري بتاع الصاغه من ناحيه ابو عميرة وانت رايح ع الزراعه
المحل اسمه رشدي او رمضان رشدي مش فاكر
وده عنده انواع كتير عاليه بس مش جبت من عنده اخر مره لان مكنش فيه عنده للمقاس بتاعي غير ميشلان تايلاندي و قال لي انه هيوفر لي الاكيلز بعد شوية

كان في مشاركة هنا قرأتها مش فاكر من عضو مين ان الكاوتش الاندونيسي افضل كصناعه
وانت بتشتري تكون مهتم تتأكد ان الكاوتش متخزن بطريقة سليمة وتاريخ انتاجه حديث وتراعي انك تجيبه مناسب للمناطق الحارة يعني كاوتش صيفي مناسب لدرجات الحرارة العالية لان بلدنا الشتاء فيها قليل و مش بدرجه البروده الجامده
وانا اسف للتطويل

المشاركة الأصلية كتبت بواسطة mastr_n

بص ياباشا
بعد لف كتير خصوصا فى الزقازيق اكتشفت ان كلهم شمال واسعارهم اغلى من مصر بكتير
واحسن واحد اللى جمب المحاريث والهندسة دة بيبع جملة وبيديك فاتورة ومضمونين جدااا بصراحة

انا اشتريت منهم فرد المانى نوعها كونتيننتال زى اللى بتنزل فى المرسيدس

سمعت عنه قبل كده بس مش اتعاملت معاه