كورولا ولا النترا 2012 !!

**AhmedHHA** · 05-09-2013 06:17 AM

المشاركة الأصلية كتبت بواسطة devilrider

راىى النترا لو هتجيب الكورولا القديمة و كورولا لو هتجيب الجديدة و فيه شوية نقد هنا على الالنترا من ناس ممكن متكونش ساقتها او ركبتها اصلا او ركبوها مسافة بسيطة فا راى جرب الاول و احكم انا ملت كده

حضرتك ممكن تنقل لنا تجربتك مع العربية كونك من ملاك الالنترا...
متشكر جدا لحضرتك ..

**OilMan** · 05-09-2013 10:04 AM

ممكن حضرتك تقولنا زى ايه اللى مش لاقيته فى التوكيل؟ وكان من امتى؟ فى اى شهر واى سنه؟

انا لسه جايب كل متطلبات قطع الغيار التى تلزم صيانة 85 الف كيلو وكله كان موجود وبرده ما قبل ذلك

تقبل تحياتى

انا لاحظت ودخلت عدلت دلوقتى انها خليجى وليس وكيل يمكن علشان كده

انا امامى الانترا عامله تقريبا 20 الف كيلو موديل 2013 ومطلوب 135 الف تقريبا وهى فى الرحاب وهى الفئه اللى قبل الهاى لاين مباشرة ده فى حالة لو حضرتك استقريت على الانترا

المشاركة الأصلية كتبت بواسطة ahmedhha

أشكرك على الاهتمام..هي الكورولا حلوة...بس صعب انك تلاقي قطع غيارها الاصلية حتى ف التوكيل.. يعني في كذا حاجة احتجتها للعربية ما لقتهاش ف التوكيل... بعت جبتها من برة

**Rsarabia** · 05-09-2013 01:05 PM

الكورولا مع ابن عمى
عشان يحجز صيانة بيقعد بالشهر لحد ما تتتعمل
و قطع الغيار غالية جدا و المصنعيات
زحمة جدا و تعامله مش كويس
كان فى شوية حاجات ظهرت انها محتاجة تتغير و رفضو وقالولو يحجز تانى
راح واخد العربية وماشى وعملها برة

ثبات الالنترا جيد مش ممتاز يعنى لو اخرك 120 130 هتلاقيه كويس
اكتر من كدا هتحس بقلق
احنا طرقنا مش مستحملة 180 و الكلام دا
انا بتكلم بقول كدا لانى كان معايا ميجان و دى كانت ثابتة جداااااا
مقارنة بالكورولا الكورولا اثبت مفيش كلام لكن مش لدرجة انى ابنى حكمى على الثبات فقط لان فى حاجات تانية كتير

**esam_ayad** · 05-09-2013 02:45 PM

أنا شايف ان الإلنترا صفقه رابحه لو انت مش من هواة الجري علي سرعات تفوق الـ140 كيلو ,ودي بقولهالك لأن واحد صاحبي معاه الالنترا موديل 2012 اول فئة أوتوماتيك وسافر بيها من الكويت للسعوديه علي الطريق السريع وقاللي" انا كنت ماشي علي سرعة 160 ومتحكم فيها كويس بس لازم أمسك الدركسيون بإيدي الإتنين لكن لو سرعه اقل ببقي ماشي عادي وماسك الدركسيون بإيد واحده".

**elsheikh2010** · 05-09-2013 07:33 PM

كورولا طبعا وبالذات الشكل الجديد 2014

**Ahmed Mostafa121** · 05-09-2013 08:40 PM

الالنترا 2013 خفيفة على الطريق عكس الشكل القديم 2008
الكرولا بصراحة مجربتهاش
انا اشتريت النترا 2013 وقعدت معايا 5 شهور وبعتها بسبب مشكلة فى استهلاك البنزين ورحت الصيانة اكتر من مرة ومحصلش اي تغيير بس بصراحة المشكلة بتاعة البنزين فردية يعني فى عربيتي بس وده اللى خلاني ابيع العربية موضوع البنزين وخفة العربية على الطريق
الميزة الوحيدة فى الالنترا وكان سبب فى شرائي لها هو ان باور الدركسيون خفيف قوي وانا بحب الباور يبقي ناعم قوي

**mashaly** · 06-09-2013 03:36 PM

بعد التحية للجميع
هتكلم على الكورولا الجنوب افريقي بحكم التجربة
العيوب:
قطع غيارها غالية خصوصا الجنوب وقلت الاستيراد فالسوق بس في نفس الوقت اعتماديه وتحاول تدور على حاله كويسة عشان ماتصرفش كتيروتدايق
العربيه بالنسبة لي شايفها ناشفه مش ناعمة بالمقارنة بالعربيات اللي سوقتها
المميزات:
ثباتها ممتاز,امكانيات ومواصفات كثيره,سمارت كي,حساس مطر واضاءة وبيقولوا فيها تسعه ارباك انا اللي شفتهم واضحين 7,مفتاح استارت واستوب انجين,abs,ebd, مثبت سرعة,سحبها وتسارعها ممتاز مفيش حد شديت معاه وطلع مني,بور كهربا,جنط اسبور16,طاره مالتي تحكم في اربع اتجاهات, تكيف تاتش
بعد كدا ممكن تركب كاست بشاشه وبلوتوث وجبي اس وكاميرا خلفيه يبقى انت مش محتاج حاجه تانيه
وعلى سعرها مستعمل افضل بكتير من سعر الالنترا وقلت موصفاتها وامكانياتها وامانها بس لو نويت اشتري من موديل 2010وانت طالع وفي حدود المبلغ اللي معاك