محاسبين المنتدي عايز خدمه؟

**AhMeD MeTwAlY** · 05-09-2013 07:46 AM

طيب ما حد يقولي اخد الكورسات دي اون لين ازاي

**Mohamed_Hamid** · 05-09-2013 10:52 AM

الأرزاق بيد الله أولا وآخرا. اللى معاه cma وخبرة طويلة وبياخد 6 الآف ريال عامل بالضبط زى اللى معاه iphone 5 أو جالاكسى s4 وحالته جديدة ونظيف ورايح بايعه ب 500 جنيه! تقوله ليه يا عم الحاج يقولك انا كيفى كدة !!. اهو ده نفس الكلام هو بياخد راتب اقل من راتبه اللى يستحقه وموافق ومبسوط وده اللى جايب المحاسبين المصريين ورا فى الخليج. تلاقى اللبنانى مبيفهمش حاجة اصلا بس واد شيك وبيعرف يتكلم يروح الانترفيو ويقفش أضعاف المصرى. انا مسافرتش الخليج قبل كدة بس من حكاوى زمايلى اللى فى الخليج بقى عندى تصور للموضوع. لكن موضوع 6 آلاف ريال ده فعلا صعب جدا مرتبه الطبيعى المفروض اد كدة مرتين الى 3 مرات. ال cpa طبعا ضعف ال cma فى العائد المادى

**Mohamed_Hamid** · 05-09-2013 10:56 AM

المشاركة الأصلية كتبت بواسطة AhMeD MeTwAlY

طيب ما حد يقولي اخد الكورسات دي اون لين ازاي

مفيش حاجة بتتاخد اونلاين. لو عايز تذاكر مع نفسك تنزل الكتب بصيغة pdf وفيه ملفات mp3 شرح عربى للأجزاء. لو عايز تروح لمركز يشرحلك يبقى تشوف مشاركة لى سابقة اتكلمت فيها عن النقطة دى. هو فى منتدى عربى مشهور فيه جزء مخصص للشهادات المحاسبية زى cma & cpa & cfm & cia وخلافه. هو اسمه dvd4arab . وأرجو انى مبقاش كدة عملت دعاية لمنتدى آخر باعتبار ان ده منتدى سيارات والتانى منتدى عام.

**Mohamed_Hamid** · 05-09-2013 10:59 AM

انا كان نفسى آخد الشهادة دى بعد ما اتخرجت وخلصت جيش لكن امكانتى المادية مكنتش تسمح ساعتها. حاليا الامكانات المادية تسمح والحمد لله صاحب الفضل والنعمة لكن مش مهتم اخدها زى الأول لأن حاليا مجال شغلى بعد شوية عن المحاسبة فالشهادة مش مهمة اوى بالنسبة لطبيعة عملى الحالى. كل شئ نصيب.